BNG A Pobra

17/06/2026

17/06/2026

🛍️ Dende o BNG da Pobra seguimos demostrando que hai outra maneira de facer política municipal: con iniciativas innovadoras e pensadas para mellorar a vida da veciñanza.

👉🏻A aposta pola promoción económica e pola revitalización do comercio local é unha liña de traballo clara do noso proxecto para avanzar cara unha vila máis viva, dinámica e con oportunidades.

🏪 Así o explica a nosa portavoz municipal, Amparo Cerecedo, coa posta en marcha de Emprende-co Pobra: un programa que ofrecerá un ano de alugueiro gratis, axudas directas para os gastos iniciais e acompañamento técnico ás persoas emprendedoras que decidan abrir un negocio no centro da vila.

📈 Con medidas coma esta seguimos impulsando políticas públicas que axudan a recuperar baixos baleiros, fortalecer o tecido económico local, fomentar o emprego e facer da Pobra un lugar que mira cara o futuro.

🤝 Animamos ás futuras emprendedoras e emprendedores a informarse e participar nesta iniciativa que impulsamos!

11/06/2026

Mobilízate este domingo 14 de xuño coa Plataforma en Defensa pola Ría da Arousa, para berrar alto e claro que non seguiremos aguantando o espólio dos recursos naturais do país, que non apoiamos a pasteira de Altri e que defenderemos a factoría máis grande da comarca: a ría.

Teremos bus gratuíto con saída dende Ribeira pasando polos concellos de toda a comarca do Barbanza. Para anotarse podedes facelo no correo [email protected]

📍 Praia do Vao, Illa de Arousa
🗓️ Domingo 14 de xuño
🕛 12:00h

PARA FREAR O ESPOLIO: NIN ALTRI, NIN MINA.

09/06/2026

02/06/2026

28/05/2026

O BNG da Pobra do Caramiñal rexeitou a celebración do Día das Forzas Armadas no municipio, unha iniciativa impulsada pola Alcaldía da que asegura non ter coñecemento previo, nin sequera o propio grupo municipal. A formación nacionalista manifestou a súa oposición a este acto ao considerar qu...

28/05/2026

O Bloque Nacionalista Galego da Pobra do Caramiñal, quere manifestar o seguinte:

1. O BNG da Pobra do Caramiñal, incluídas as nosas compañeiras do propio Grupo Municipal, non tiña coñecemento da iniciativa impulsada pola Alcaldía da Pobra do Caramiñal da celebración do Día das Forzas Armadas Españolas no noso concello.
2. O BNG non só non era coñecedor desta actividade senón que a rexeita contundentemente, manifestando a nosa rotunda oposición á celebración da mesma, nun momento ademais onde os conflitos armados se estenden por todo o planeta e onde millóns de persoas padecen as súas graves consecuencias.
3. Nin o noso país nin o noso concello son alleos a unha situación internacional dominada polas guerras e calquera tipo de actividade de exaltación do militarismo e do belicismo, que o único que pretenden é branquear o papel dos exércitos e o belicismo, merece a nosa máis firme condena e oposición.
4. O BNG segue a acreditar nun mundo que se sustente na paz, no respecto mutuo, na soberanía dos pobos e na solución dos conflitos pola vía diplomática e por iso repudiamos:
- O brutal incremento destinado a gasto militar por parte dos Gobernos da UE, nomeadamente do Estado español, mentres a cidadanía sofre os intensos e continuos recortes en sanidade, ensino, vivenda ou política social.
- Este tipo de exaltacións do militarismo e das armas, polo que nos opoñemos radicalmente á celebración desta actividade ou de calquera outra similar no noso concello.
5. En coherencia co anterior, facemos un chamamento a toda a veciñanza da Pobra do Caramiñal a participar na manifestación que vai ter lugar o vindeiro sábado, 30 de maio, ás 12:00 h., na Vía Norte da cidade de Vigo, en contra da exaltación do militarismo e do belicismo e a favor da paz e da soberanía dos pobos.

A Pobra do Caramiñal, 28 de maio de 2026.

ASEMBLEA LOCAL DO BNG
A POBRA DO CARAMIÑAL