02/07/2026
Segundo as previsións, para este xoves dia 2, prevese un episodio de calor extremo🌡️🌞 no noso concello e zonas limítrofes.
Pregamos máxima precaución e responsabilidade a hora de realizar certas actividades, e evitar a exposición innecesaria as horas centrais do dia.
⚠️ As principais recomendacións sanitarias para previr os golpes de calor son:
Beba máis líquidos sen esperar a ter sede, sobre todo auga e zumes de froita lixeiramente fríos.
* Evite bebidas quentes, alcohólicas, café, té ou cola e as moi azucradas.
* Aumente o consumo de ensaladas, verduras e froitas.
* Evite comidas copiosas; coma menos cantidade e máis veces ao día.
* Manteña os alimentos no frigorífico e vixíe sempre as medidas hixiénicas.
* Use roupa de tecidos naturais, lixeira e folgada, de cores claras, sombreiro, lentes de sol e cremas protectoras solares, así como calzado fresco, cómodo e que transpire.
* Permaneza en espazos ventilados ou acondicionados e estea á sombra.
* Utilice as habitacións máis frescas da vivenda.
* Baixe as persianas e peche as fiestras e portas exteriores mentras a temperatura exterior sexa elevada.
* Aproveite os momentos de menor calor para ventilar.
* Evite as actividades ao aire libre nas horas máis calorosas e reduza a actividade física.
* Cando estacione o coche, non deixe no interior nenos, nin anciáns coas xanelas pechadas.
* No caso de que teña que asistir a alguén que padeza esgotamento ou un golpe de calor, o primeiro é solicitar axuda médica urxente chamando ao 061 / 112 / 986771020
❗️As vagas de calor non afectan a poboación do mesmo xeito, polo que é importante identificar os grupos de risco e ter en conta os efectos que poden influír. Os principais grupos de risco son as:
* Persoas maiores de 65 anos e nenos menores de 4 anos, sobre todo os menores dun ano.
* Persoas que padecen patoloxías: enfermidades cardiovasculares, diabetes mellitus, enfermidade pulmonar obstrutiva crónica, insuficiencia renal, enfermidade de Parkinson, enfermidade de Alzheimer ou patoloxías similares, enfermidade psiquiátrica.
* Persoas que tomen determinados fármacos ou tóxicos: fármacos con efecto anticolinérxico, diuréticos, consumo importante de alcol, etc.
