14/06/2026
"Un ano máis formamos parte de Atlántica"
O pasado venres 12 de Xuño ás 13:00 horas tivemos no Concello de Pazos de Borbén a visita de BEA CAMPOS que nos trouxo o seu espectáculo "A NENA E OS TRES OSOS", unha actividade de ATLÁNTICA MIÚDO da XIV Edición do FESTIVAL INTERNACIONAL DE NARRACIÓN ORAL "ATLÁNTICA" Festival Atlántica.
Con esta actividade, organizada pola Biblioteca Pública Municipal de Pazos de Borbén - BiblioPazos iniciamos a participación do Concello de Pazos de Borbén por 8º ano consecutivo no FESTIVAL INTERNACIONAL DE NARRACIÓN ORAL "ATLÁNTICA" que celebra a súa XIV Edición no 2026. Festival Atlántica.
Estiveron presentes o alumnado de 1º a 3º de Primaria do CPI “Curros Enríquez” de Pazos e as súas mestras que disfrutaron desta proposta escénica tenra, divertida e chea de imaxinación para público infantil e familiar. Un espectáculo con monicreques, música e obxectos que revisitou un dos grandes clásicos da literatura infantil cunha posta en escena delicada e moi visual.
Nesta historia, as cousas máis sinxelas transformáronse noutra cousa completamente distinta: unha maleta converteuse nunha casa, un caldeiro nunha cadeira e unha manchea de calcetíns nunha entrañable familia de osos.
O oso grande, o oso mediano e o oso pequeno vivían felices no bosque. Cada mañá repiten o mesmo ritual: preparan as papas do almorzo e saen pasear cantando e xogando mentres arrefrían. Mais un día, unha pequena visitante inesperada entrou na súa casa e mudou todo…
Con humor, cancións e moita creatividade, “A nena e os tres osos” convidou ás crianzas a entrar nun universo onde o xogo e a fantasía transforman o cotián en aventura...
Un espectáculo no que os asistentes estiveron atentos permanentemente ao que a contadora BEA CAMPOS lles ía narrando en cada momento, escoitando, aplaudindo, cantando... pasándoo estupendamente ben.
Aquí vos deixamos unhas imaxes para que vexades que realmente o paron estupendamente ben.
Grazas a BEA CAMPOS por esta nova visita ao Concello de Pazos de Borbén para ofrecer este marabilloso espectáculo á nosa rapazada.
Grazas tamén ao Festival Atlántica por volver a contar outro ano máis coa Biblioteca Pública Municipal de Pazos de Borbén - BiblioPazos e co Concello de Pazos de Borbén.
Narración Oral Galega
