BNG Outes

Casa
España
Outes
BNG Outes

O Bloque Nacionalista Galego de Outes loita polos teus dereitos como cidadán da Galiza e veciñ@ de Outes. Traballamos para ti, non dubides en suxerir ;)

17/08/2026

🚧🚐⚠️ O BNG SOLICITA O ARRANXO URXENTE DO PASEO DE BROÑA E APOIA A LIMITACIÓN DE ESTACIONAMENTO DE AUTOCARAVANAS

🚧 O abandono do goberno local cun dos sendeiros máis transcorridos en tempada alta do noso concello é mostra da falta de interese en manter as infraestructuras públicas que usan a diario centos de veciños e visitantes. Dende o inverno, hai varios tramos do paseo marítimo de Broña coas varandas de seguridade rotas, ciscadas e con desprendementos estructurais que poderían supoñer un perigo. Dende o BNG, solicitamos unha actuación de arranxo e reposición urxente para este espazo xa que, en plena tempada alta, segue sen haber ningunha actuación ao respecto.

🚐 O turismo debe servir para xerar un impacto económico positivo e non para que a veciñanza perda cartos e servizos. Dentro desta filosofía, o BNG considera necesario restrinxir o estacionamento de autocaravanas no aparcadoiro da praia de Broña e dotar ao concello dun espazo alternativo para este tipo de turismo que xere un impacto económico positivo. Nos meses de xullo e agosto poden chegar a ser máis de 30 vehículos deste tipo estacionados e facendo pernocta no areal Outense. A concellaría de Turismo do BNG estaba a traballar, antes da moción de censura, para dotar dunha infraestructura municipal que concentrara os servizos e estacionamentos de carvanas preto do comercio local. Tamén consideramos axeitado que as autocaravanas paguen unha taxa polo uso da estación de servizo de broña que permite a recarga de auga e toma eléctrica.

15/08/2026

👒 Estivemos un ano máis na Feiriña de Outes apoiando o comercio local. Merca en Outes, merca local!

06/08/2026

🫂 Esta fin de semana estivemos na festa benéfica dos callos de . Dende o BNG de Outes queremos parabenizar á organización polo seu traballo un ano máis e pola labor social que fan no noso territorio.

27/07/2026

🥳✨ Rematan, un ano máis, as festas municipais do Santiaguiño e, dende o BNG, queremos poñer en valor o aspecto veciñal e comunitario das mesmas. As festas de Outes están compostas polas ducias de persoas que poñen o seu gran de area para que poidamos desfrutar delas: protección civil, banda municipal, escola municipal tradicional, asociacións locais e traballadores municipais. Sen a parte de cada un de nós, coma veciñas e veciños, non poderíamos desfrutar dunha caravana engalanada nin da Sardiñada do San Cristovo, non encheríamos as nosas rúas e espazos públicos con música feita aquí nin teríamos estes días para o desfrute e o encontro. Por iso, moitas grazas a todas as persoas que o facedes posible!

28/06/2026

Dende o BNG de Outes celebramos a diversidade e a liberdade de ser e de amar, con Orgullo! Este 28 de xuño, coma todos os días do ano, dicimos alto e claro: adiante cos dereitos LGBT!

25/06/2026

💸 370.000 € para dúas novas formigonadas do PP (con previsión de carpas 🤑). E ti, onde farías un novo aparcadoiro na Serra?

⚠️O BNG propón unha alternativa, con sentidiño, ás pretensións do goberno do PP que irán hoxe ao pleno municipal. O PP propón formigonar a contorna da horta do muíño para crear un novo aparcadoiro en fronte do aparcadoiro do Froiz. Tamén pretenden investir 189.999,52 € para formigonar o principal acceso á horta do muíño coa seguinte xustificación "Disponer de un espacio adecuado para actos festivos y actividades culturales, 𝗰𝗼𝗻𝘁𝗲𝗺𝗽𝗹𝗮𝗻𝗱𝗼 𝗹𝗮 𝗽𝗼𝘀𝗶𝗯𝗶𝗹𝗶𝗱𝗮𝗱 𝗱𝗲 𝗶𝗻𝘀𝘁𝗮𝗹𝗮𝗿 𝘂𝗻𝗮 𝗰𝗮𝗿𝗽𝗮 𝗽𝗮𝗿𝗮 𝗰𝗲𝗹𝗲𝗯𝗿𝗮𝗰𝗶𝗼𝗻𝗲𝘀". As prioridades do PP están claras e, dende o BNG, propoñemos modificar o investimento destas actuacións e mellorar os seus proxectos para facer o seguinte co diñeiro restante:

🟢 Novas beirarrúas e ampliación do aparcadoiro onda o centro de saúde (+25 novas prazas)
🟢 Apertura da parcela do hórreo da horta do muíño cunha intervención mínima e coa instalación de bancos e novas árbores
🟢 Cesión á Xunta da parcela lindeira ao muíño na Avd. de San Campio para a creación de vivenda pública de alugueiro
🟢 Construcción de novos sendeiros peonís entre o novo Tanatorio e o IES Poeta Añón e entre a rúa do Conchido e a Escola de Música

👉🏼 Se o que pretenden é facer un aparcadoiro para un único día ao ano o propio é desbrozar unha parcela e facer un aparcadoiro temporal, non gastar 180.009,70 € e desaproveitar unha parcela urbanizable do casco urbán.

✍🏼 O BNG quere un Outes no que se prioriza o mantemento de infraestructuras existentes, os espazos públicos de calidade e a seguridade viaria. O PP quere formigón e CARPAS.

17/06/2026

🛣️🚵🏻‍♀️🚶🏼‍♀️ O TRABALLO DO BNG SEGUE A DAR FROITOS: NOVO SENDEIRO PEONIL E CICLABLE ENTRE A SERRA E ROO (AC-550)

✍🏼O BNG leva anos propoñendo, nos orzamentos da Xunta, a creación dun sendeiro peonil e ciclable ao longo da estrada xeral: dende a ponte de Seilán ate o Freixo pasando pola Serra e Roo. O obxectivo é dotar dun servizo básico de mobilidade peonil e ciclable que conecte os núcleos urbanos e aumente a seguridade vial na AC-550.

✅ Mentres estivemos no goberno, elevámolo en reunións e diversas conversas ao departamento da Xunta responsable e agora vense de anunciar a contratación dunha primeira fase que conectará A Serra co Cruceiro de Roo.

➕ O noso traballo propositivo segue a dar froitos e no BNG queremos aínda máis: seguiremos insistindo para que esta rede de mobilidade peonil e ciclable chegue ao Freixo, Seilán e á Ponte Nafonso pola AC-196.

08/06/2026

📚🧓🏼 QUEREMOS QUE OUTES CONTE CON GRAOS FORMATIVOS

Vimos de propoñer a creación dun grao formativo no IES Poeta Añón. Solicitamos que a Xunta dote o noso centro cun grao técnico en atención a persoas en situación de dependencia. Con esta iniciativa buscamos:

👉🏼 Aumentar a oferta educativa en Outes.
👉🏼 Facilitar a inserción laboral aproveitando proxectos existentes ou futuros.
👉🏼 Formar, en condicións, ás traballadoras que coidan das nosas persoas maiores ou dependentes para garantir coidados dignos.

❌ No pleno municipal, o goberno bipartito do PP+Tránsfuga votaron en contra de estudar esta proposta.

✅ No BNG seguimos apostando polo noso concello e creendo na necesidade de crear oportunidades. É por iso polo que hai anos tamén propuxemos a implantación de graos en carpintería metálica e de madeira e polo que levaremos esta iniciativa ao parlamento galego.

27/05/2026

🏀 Dende o BNG queremos parabenizar ao Club de Baloncesto Outes por gañar e ser campións da liga en premini. Forza, Outes!! 👏🏻🙌🏼🖤🤍🖤

25/05/2026

🎭🎹 MÁIS E MELLOR OFERTA CULTURAL EN OUTES GRAZAS AO BNG

Grazas á nosa acción de goberno, Outes puido incluírse na Rede Galega de Teatros e Auditorios. Para conseguilo, foi imprescindible a ordenanza para a xestión de entradas do Outono Teatral que puxemos en marcha mentres estivemos no goberno:

✅ Máis orde e transparencia para conseguir entradas
✅ Máis facilidades coa creación do sistema de reservas electrónico
✅ Maior facilidade de reserva para os apaixoados do teatro grazas ao *Bono teatro*
✅ Máis capacidade económica e oferta na área de cultura grazas á inclusión na rede cultural da Xunta
✅ Maior colaboración e apoio ás entidades culturais locais

🏗️ Tamén executamos unha importante mellora nas infraestruturas culturais coa reforma do patio de butacas superior e coa limpeza e pintado das fachadas da Casa da Cultura.

Dirección

Avd De San Campio N28
Outes
15230

Página web

http://outes.bng.gal/

Notificaciones

Sé el primero en enterarse y déjanos enviarle un correo electrónico cuando BNG Outes publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.