Lunes 09:00 - 15:00 Martes 09:00 - 15:00 Miércoles 09:00 - 15:00 Jueves 09:00 - 15:00 Viernes 09:00 - 15:00

Concello de Outeiro de Rei

Casa
España
Otero de Rey
Concello de Outeiro de Rei

Facebook oficial do Concello de Outeiro de Rei.

04/09/2026

🌿🚭 Outeiro de Rei reafirma o seu compromiso coa Rede Galega de Praias sen Fume

O alcalde, José Pardo Lombao, e a tenente de alcalde, Begoña Seco Varela participaron hoxe na recollida do diploma que acredita que Outeiro de Rei continúa a formar parte da Rede Galega de Praias sen Fume, unha iniciativa recollida no Programa Galego de Promoción dunha Vida Sen Tabaco da Dirección Xeral de Saúde Pública.

🚭 O tabaquismo é unha das principais causas de mortalidade en Galicia, polo que desde o Concello apostamos por seguir promovendo espazos máis saudables, libres de fume e orientados ao benestar da veciñanza.

🌱 Un compromiso coa prevención do tabaquismo, a promoción de hábitos de vida saudables e o coidado do noso medio ambiente.

💚 Seguimos traballando por un Outeiro de Rei máis saudable e respectuoso coa súa contorna.

03/09/2026

🏍O circuito de Outeiro de Rei acolle unha nova edición da VF Challenge Moto Race!

Os días 5 e 6 de setembro, a VF Challenge fará parada de novo no noso concello que espera unha fin de semana chea de adrenalina, espectáculo e paixón polo motor.

📍Circuito de Outeiro de Rei
📅5 e 6 de setembro

Non faltedes!

01/09/2026

🏫🤝A Xunta de Galicia vai encargar nas próximas semanas o proxecto de ampliación do Colexio Laverde Ruíz. Así llo confirmou onte ao alcalde, José Pardo, o conselleiro de Educación, Ciencia, Universidades e Formación Profesional, Román Rodríguez, nunha reunión mantida en Santiago de Compostela.

No colexio estudan máis de 340 alumnos e a tendencia demográfica é positiva. Os servizos técnicos da Consellería de Educación consideran oportuno comezar a preparar os trámites para unha futura ampliación.

O obxectivo desta actuación sería incrementar a capacidade do colexio nunha aula por cada curso de Infantil e Primaria que se imparte nel. De xeito complementario, o proxecto incluirá tamén melloras na cociña do centro e a habilitación dunha marquesiña interior para unir os dous edificios que o conforman.

Acadando este compromiso o Concello de Outeiro de Rei reafirma a súa aposta pola mellora dos servizos públicos educativos da localidade. Pola súa banda, a Xunta continúa reforzando as prazas de escolarización alí onde é necesario, é dicir, nas zonas que presentan un crecemento demográfico sostido, como é o caso deste municipio.

31/08/2026

📢 Outeiro de Rei concentrarase en apoio a Ceuta

O vindeiro mércores, 2 de setembro, ás 20:00 horas, terá lugar unha concentración diante da Casa do Concello de Outeiro de Rei en apoio a Ceuta.

Este acto, convocado pola FEMP, pretende reunir á veciñanza para amosar a súa solidariedade e apoio, facendo un chamamento á participación de todas aquelas persoas que desexen sumarse a esta concentración.

🤝 Agardámosvos o 2 de setembro, ás 20:00 horas, diante do Concello.

30/08/2026

⚽🏆 Finalizou o Torneo de Fútbol 11 de Veteranos de Outeiro de Rei!

A SD Residencia proclamouse campioa do torneo tras impoñerse na gran final ao Saavedra. No seu camiño cara ao título, o equipo lucense tamén superou ao Outeiro.

🥇🏆 A entrega de premios puxo o broche final á competición, con copas, xamóns e chourizos para os participantes.

👏 Parabéns á SD Residencia pola vitoria e a todos os equipos participantes por facer posible unha nova edición deste torneo!

28/08/2026

⚽️ DEU COMEZO O TORNEO DE FÚTBOL 11 DE VETERANOS EN OUTEIRO DE REI

Hoxe deu comezo en Outeiro de Rei o Torneo de Fútbol 11 de Veteranos, unha cita deportiva que se prolongará durante tres xornadas e que está a reunir equipos e afeccionados nun ambiente de deporte, convivencia e compañeirismo.

A primeira xornada estivo marcada pola emoción e polas ganas de volver g***r do fútbol. ⚽️💪

📸 Deixámosvos algunhas imaxes desta xornada!

O torneo continuará durante mañá e pasado, así que aínda quedan moitos momentos por vivir.

Desde o Concello de Outeiro de Rei animamos á veciñanza a achegarse e desfrutar das vindeiras xornadas. 🏆

20/08/2026

👶🏫 Últimas prazas na Escola Infantil Municipal de Outeiro de Rei!

Aínda quedan prazas dispoñibles para nenos e nenas de 0 a 3 anos para o curso que comeza o 1 de setembro.

📍Rúa Cinco, Urbanización de Santa Isabel

📞 Para máis información e inscricións: 982 393 009

13/08/2026

🌞🌑 Unha tarde para lembrar en Outeiro de Rei

Onte, 12 de agosto, Outeiro de Rei foi testemuña dun espectacular eclipse solar que nos deixou imaxes únicas e un ceo moi especial. 🌅

Grazas a GDR Comarca de Lugo pola súa labor e organización, a Casas da Fortaleza e a todas as persoas que o vivistes connosco e compartistes estes momentos! 📸

11/08/2026

♻️🔨 O Concello de Outeiro de Rei en colaboración coa Reserva da Biosfera Terras do Miño organiza o curso RECICLA E REPARA: PEQUENOS ARRANXOS E GRANDES IDEAS.

Esta actividade levarase a cabo os sábados 19 e 26 de setembro e 3 de outubro en horario de 10:00h a 14:00h no Espazo Municipal de Autorreparación e Intercambio de Obxectos situado en Matela.

A actividade é gratuíta e as persoas interesadas poden realizar a súa inscrición ata o día 15 de setembro na Casa da Cultura ou chamando ao 982 393 408; as prazas ofertadas son 10 que serán cubertas por orde de solicitude, tendo preferencia as persoas empadroadas no municipio de Outeiro de Rei.

09/08/2026

🚴‍♀️ Outeiro de Rei viviu unha nova gran xornada de ciclismo base!

A Área Recreativa As Penas de Rodas acolleu hoxe a SuperCup Kids 2026, unha das citas destacadas do ciclismo base galego, coa participación de decenas de mozos e mozas nas categorías Benxamín, Promesas, Principiantes, Alevín e Infantil.

A competición, organizada polo Team Bike Outeiro de Rei coa colaboración do Concello, permitiu desfrutar dunha mañá de deporte nun contorno natural privilexiado.

👏 Parabéns a todos e todas as participantes e grazas ao Team Bike Outeiro de Rei, ás familias e ao público por facer posible esta gran xornada deportiva.

Dirección

Praza Do Concello, 1
Otero De Rey
27150

Horario de Apertura

Lunes	09:00 - 15:00
Martes	09:00 - 15:00
Miércoles	09:00 - 15:00
Jueves	09:00 - 15:00
Viernes	09:00 - 15:00

Página web

https://outeiroderei.gal/

Notificaciones

Sé el primero en enterarse y déjanos enviarle un correo electrónico cuando Concello de Outeiro de Rei publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.