22/04/2026
ALTERNATIVA OROSO
Información política
Alternativa Oroso (AO) manifesta a súa oposición ao peche do CENTRO DE SAÚDE DE SIGÜEIRO OS SÁBADOS e apoia as mobilizacións para impedir este novo recorte na Sanidade Pública Galega.
O Portavoz de Alternativa Oroso, Xaime Carneiro, declarou que "Agora os sábados as veciñas e veciños terán que acodir a Ordes ou a Santiago de Compostela, polo que o servizo, ademais do desprazamento, vai supor un atraso na atención pola masificación destes centros, especialmente en Santiago. Desde Alternativa Oroso, pensamos que as Institucións están para axudar aos cidadáns nunha materia tan sensible como é a SANIDADE, e non para perxudicalos ou marealos, especialmente á xente maior".
Por outro lado, o peche os sábados duns 20 Centros de Saúde en toda Galicia, incluido o de SIGÜEIRO, percíbese como un ataque xeneralizado á SAÚDE DAS GALEGAS E GALEGOS, xa afectados polas longas listas de espera para operacións e consultas de especialistas, probas médicas e retraso nas consultas en Centros de Saúde que poden chegar, en moitos casos, aos 15 ou 20 días se coincide en vacacións ou durante as folgas médicas ás que os profisionais teñen todo o dereito.
Independentemente de quen goberne nas Institucións a SAÚDE debería ser un servizo primordial, pero parece que non é así, polo que seguramente a atención médica seguirá deteriorándose.
