Lunes 08:30 - 14:30 Martes 08:30 - 14:30 Miércoles 08:30 - 14:30 Jueves 08:30 - 14:30 Viernes 08:30 - 14:30

Orioko Udala

Casa
España
Orio
Orioko Udala

Orioko Udalaren kontu ofiziala.

04/09/2026

Azpiegiturak pasatzeko lanak egiten ari dira Itxaspe bidean, eta, segurtasuna bermatzeko, Itxaspe baserritik hondartzara doan bidea itxita egongo da ⛔️

🗣️ Lanak bi astez luzatzea aurreikusten da, eta amaitutakoan, Udalak honen berri emango du.

Barkatu eragozpenak.

_

02/09/2026

Palestina Orio elkarteko kideen ekimenez, Palestinako egoera gogora ekartzeko eta herritarren kontzientzia pizteko, elkarretaratzea egingo da ostiralean 📢

📆 Irailak 4, ostirala
⏰ 19:30
📍 Herriko plaza

🗣️ Elkarteko kideek herritarrei dei egiten diete elkarretaratzera hurbildu daitezen, palestinarrekiko elkartasuna adierazi eta gertatzen ari denaren inguruan hausnartzeko.

_

01/09/2026

Txu-txu trenaren udako zerbitzua bukatu zen atzo 🚂

👉 Guztira bi hilabetez egon da martxan txu-txu trena, asteko egun guztietan eta etenik gabe, goizez (11:30 - 14:00) zein arratsaldez (16:00 - 20:30), herriaren eta hondartzaren arteko mugikortasun jasangarria sustatuz.

Udako denboraldia amaituta, ordea, irailetik aurrera ez da zerbitzurik izango.

Eskerrik asko udan zehar trena erabili duzuen herritar eta bisitari guztiei! 🙌

_

31/08/2026

Bihar zabalduko da 2026-27 ikasturtean Karela kiroldegiko jardueretan izena emateko epea, hilaren 11era arte ✍️

🗓️ Karela kiroldegia itxita egon da azken bi asteotan, abuztuaren 17tik 30era, urteroko mantentze-lanak eta gimnasioan hobekuntzak egiteko. Gaur, abuztuak 31, zabaldu ditu ateak; eta bihar, irailaren 1ean, halaber, zabalduko da ikastaroetan izena emateko epea.

👉 Azken bi hilabeteetan udako ordutegia izan du kiroldegiak, eta irailetik aurrera, ordutegi berria izango du, honakoa:

▪️ Astelehenetik ostiralera: 07:00 - 21:00
▪️ Larunbatetan: 09:00 - 13:00 eta 16:00 - 20:00
▪️ Igande eta jaiegunetan: 09:00 - 13:00 / Arratsaldetan itxita
▪️ Igerilekua: Kiroldegiaren itxiera-ordua baino ordu erdi lehenago itxiko da, egunero.

ℹ️ Informazio osagarria behar izanez gero, kiroldegian abonamendua egiteko eta jardueretan izen emateko, jarri harremanetan Karela kiroldegiarekin:

📍 Erribera Kalea, 1
📞 843 60 00 05
📩 [email protected]

_

31/08/2026

2026-2027 ikasturtean matrikulatzeko hirugarren deialdia bihar, irailaren 1ean, zabalduko du Danbolin Musika eta Dantza Eskolak ✍️

📆 Hilaren 4ra arte, ikasle berriak matrikulatzeko epea zabalduko da, beti ere, leku libreak baldin badaude eta matrikulazio ordena jarraituz. Plazak irailaren 7an esleituko dira.

🎶 Ikasturtea irailaren 11n hasiko da, ostiralarekin, eta urtero bezala, Musika eta mugimendua, Musika-mintzaira, hainbat instrumentu ikasteko eskolak eta euskal-dantza saioak eskainiko dira.

🗣️ Irailaren 1etik aurrera, izena emateko edo informazio gehiago jasotzeko:

📍 Danbolin Musika eta Dantza Eskola (Iturbide kalea 18)
📞 943 833 727
📩 [email protected]

_

28/08/2026

Datorren astean hasiko dira Andra Mari ingurua eraberritzeko lanak, eta gutxi gorabehera 10 hilabeteko iraupena izango dute. Moyua enpresak egingo ditu obrak, Udalak egindako lizitazio publikoaren ondoren 🚧

👉 Proiektua zehazteko, Udalak aurretik ideia-lehiaketa eta herritarrekin parte-hartze prozesua egin zituen. Ondoren, lehiaketaren irabazleekin proiektua landu eta herritarren ekarpenak txertatu ziren, azkenik exekuzio-proiektua osatzeko eta obra lizitaziora ateratzeko.

ℹ️ Obrak hiru fase nagusitan egingo dira, eta fase guztietan bermatuko da inguruko eraikinetara sartzeko irisgarritasuna: Anbulatoriora, Eguneko Zentrora, Kiroldegira, Andramariko bizilagunen etxeetara, Ikastolara eta Arrantzale eta Kaia kaleetako atarietara eta komertzioetara.

🗣️ Fase batzuk une jakinetan gainjarri egingo dira, obraren erritmoa eta epeak ahalik eta gehien optimizatzeko. Nolanahi ere, Udalak fase bakoitzaren inguruko informazio zehatza emango du, ohiko komunikazio-kanalen bidez, herritarrek uneoro jakin dezaten zer lan egingo diren eta zer eragin izango duten. Obrek eragingo dituzten eragozpenak ahalik eta gehien murrizten saiatuko da Udala, eta fase bakoitzean beharrezko informazioa eta aldaketen berri emango zaie herritarrei.

🔗 Xehetasun guztiak, Orioko Udalaren webgunean.

_

26/08/2026

Igandean herrian izandako ekaitzaren ondorioz, argindar zerbitzuan matxura handi bat gertatu zen, eta ordutik Iberdrola arazoa behin betiko konpontzeko lanean ari da.

ℹ️Matxurak hainbat ondorio izan ditu herrian, eta azken egunotan argindar mozketak eta zerbitzuan gorabeherak izan dira hainbat gunetan.

Arazoa behin-behinean arintzeko, bi generadore handi jarri dituzte: bata Antxiola inguruan eta bestea Ibai Ondo ekialdean. Horrela, konponketa-lanek irauten duten bitartean, kaltetutako guneei argindar zerbitzua bermatzea da helburua.

👉Antxiola kaleko gunea konpondu dela jakinarazi digute, eta bertan zegoen generadorea kendu dute.

👉Ibai Ondo inguruko matxura, ordea, behin betiko konpontzeko beharrezko piezak iritsi zain d**o. Horregatik, generadorea bertan mantenduko da egun batzuetan, inguruko etxe eta zerbitzuei argindarra bermatzeko.

Piezak iritsi eta behin betiko konponketa egin bitartean, argindar zerbitzuan gorabeherak eta etenaldiak izan daitezke. Udaletik Iberdrolarekin harremanetan jarraitzen dugu egoeraren jarraipena egiteko eta konponketa ahalik eta azkarren egin dadila bermatzeko.

Barkatu egoera honek herritarrei eragin diezazkiekeen eragozpenak, eta eskerrik asko zuen ulermenagatik.

_

26/08/2026

Gipuzkoako Ur Kontsorzioak herriko saneamendu-sistema konpontzeko azken lanak hasiko ditu abuztuaren 31n, eta lanek eragina izango dute herriguneko ibilgailuen joan-etorrietan.

📆 Abuztuaren 31n, astelehena

Herrira sartzeko, kalea erabili ahal izango da, ohi bezala. Herrigunetik irteteko, berriz, kalea itxita egongo denez puntualki, herrigunetik irteteko hondartza erabiltzea gomendatzen da.

📆 Irailaren 1etik 4ra

Egun horietan Kaia kalea itxita egongo denez, herriguneko irteera guztiz itxita egongo da, eta ibilgailuak Txanka hondartzatik bideratuko dira.

👉Trafiko-mozketak honako salbuespen hauek izango ditu:

🔸 Kaia kaleko garajeetako erabiltzaileek pasatzeko aukera izango dute.
🔸 Arrantzale kaleko 2, 4, 6 eta 8 zenbakietara doazen ibilgailuek, zamalanak egitera doazenek, anbulategira eta eguneko zentrora doazenek eta Andra Mari inguruko bizilagunek soilik izango dute pasatzeko aukera.
🔸 Txutxu trena Bikamiotan soilik geratuko da abuztuaren 31n, Arrantzale kaleko geltokitik (Arkaitz tabernaren parekotik) ez da igaroko.

Aldez aurretik barkamena herritarrei lanek eragin ditzaketen eragozpenengatik.

25/08/2026

Eneritz Ibarra Azpeitia sortzailearen “Benito, herriaren kantua” proiektuak jaso du Sormen Bizian Beka

✨Orioko Udalak aurten atera du, estreinakoz, Sormen Bizian Beka. Besteak beste, euskarazko kultur sorkuntza sustatzeko eta sortzaileen sormen-prozesuak babesteko xedea du bekak, eta lehen edizioan 7.000 euroko dirulaguntza emango zaio proiektu bati.

🐳 Bekaren nondik norakoak Balearen Egunaren testuinguruan aurkeztu ziren, udaberrian, eta ildo horretan, Udalak zehaztu zuen lehen edizioko aztergaia: Benito Lertxundiren biografia eta obra artistikoa.

Bekaren oinarri arautzaileetako prozedura jarraitu ondoren, epaimahaiak baloratu ditu sortzaileek aurkeztutako proiektuak, eta Eneritz Ibarra Azpeitia ilustratzailearen “Benito, herriaren kantua” proiektuak jaso du puntuazio altuena.

25/08/2026

Zaragueta Herri Eskolako patioa itxita egongo da segurtasunagatik aste honetan eta datorren asteko egun batzuetan kanpoko erabiltzaileentzat, bertako patioko egokitzapen lanak burutzeko 🚧

Barkatu eragozpenak.

_

Dirección

Herriko Plaza, 1
Orio
20810

Horario de Apertura

Lunes	08:30 - 14:30
Martes	08:30 - 14:30
Miércoles	08:30 - 14:30
Jueves	08:30 - 14:30
Viernes	08:30 - 14:30

Página web

http://www.orio.eus/

Notificaciones

Sé el primero en enterarse y déjanos enviarle un correo electrónico cuando Orioko Udala publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.