02/06/2026
Cando se iniciou o proceso de regularización de persoas migrantes, desde a Deputación de Ourense detectamos rapidamente as dificultades: falta de información, prazos moi curtos e moitas dúbidas entre as entidades e os servizos sociais municipais.
Por iso actuamos: organizamos xornadas informativas, traballamos en rede coas entidades colaboradoras, apoiamos aos concellos e habilitamos a Deputación para emitir certificados de vulnerabilidade, ampliando ademais o horario de atención polas tardes para asesorar, preparar e dixitalizar documentación.
Nós non facemos as normas do Goberno, pero cando afectan á xente da nosa provincia, poñémonos a traballar para que ninguén quede atrás.
O que non se pode é anunciar un proceso destas características sen información suficiente, sen máis medios e cun prazo tan curto que pode deixar fóra a persoas que teñen dereito a regularizar a súa situación.
Por iso pedimos ao Goberno do Estado que amplíe o prazo e dea seguridade ás persoas afectadas, ás entidades e ás administracións que están traballando sobre o terreo.
Ourense necesita persoas que poidan vivir, traballar e construír futuro aquí con dignidade.
Máis prazo. Máis medios. Menos improvisación.
