Lunes 09:00 - 14:00 16:00 - 20:00 Martes 09:00 - 14:00 Miércoles 09:00 - 14:00 Jueves 09:00 - 14:00 Viernes 09:00 - 14:00

Taboadela, o meu Concello.

Casa
España
Orense
Taboadela, o meu Concello.

información vecinal

06/09/2026

Onte estivemos na II Gala Benéfica de Bicos de Papel, unha asociación que facilita un fogar ás familias de nenos e nenas con cancro que teñen que desprazarse ata o Hospital Álvaro Cunqueiro de Vigo para seguir os seus tratamentos.

Unha realidade especialmente dura para as familias ourensás desde que a Xunta de Galicia decidiu eliminar o servizo de oncoloxía pediátrica da provincia de Ourense, obrigándoas a desprazarse a Vigo para recibir estes tratamentos.

Tratamentos longos que supoñen gastos, desprazamentos e unha complexa organización familiar que moitas veces é difícil de asumir.

Por iso o labor de Bicos de Papel é tan necesario: ofrecer un fogar, acompañamento e apoio cando máis se necesita.

Grazas por facer da solidariedade unha axuda real. ❤️

05/09/2026

🥊 Taboadela vive a súa primeira velada de boxeo

O Concello de Taboadela segue abrindo as portas a novas disciplinas deportivas que nunca antes se desenvolveran no noso concello. Nesta ocasión, foi o boxeo o protagonista cunha velada que encheu de ambiente o pavillón.

A xornada comezou cos combates das categorías máis pequenas, demostrando que o futuro deste deporte vén pisando forte, e rematou co gran combate da noite, no que o noso veciño da Eirexa, Wilson, se fixo coa vitoria.

A velada contou cunha gran afluencia de público e tamén con momentos para a lembranza. Entre os asistentes estaba Simón, con quen puidemos recordar aquelas veladas de boxeo dos anos 80 no Pavillón de Deportes de Ourense.

Parabéns á organización polo éxito desta primeira experiencia e por achegar a Taboadela novas propostas deportivas. E, por suposto, parabéns, Wilson! 🥊🏆

04/09/2026

💐 Hoxe foi día de celebración no centro de maiores de Taboadela.

Luisa cumpre 100 anos e quixemos achegarnos para felicitala e levarlle un pequeno detalle neste día tan especial.

Un ramo de flores, un sorriso e un momento para compartir!

Parabéns, Luisa! E grazas por deixarnos formar parte dun día tan bonito. 🌷

02/09/2026

📢 CONCELLO DE TABOADELA | NOVO OBRADOIRO DUAL DE EMPREGO
Veciños e veciñas de Taboadela, abre o prazo para participar no novo Obradoiro Dual de Emprego comarcal «Barbadás, Taboadela e Toén IV»!
Trátase dunha oportunidade de formación práctica e traballo remunerado durante 9 meses nas seguintes especialidades:
🔹 Atención sociosanitaria a persoas dependentes en institucións sociais
🔹 Aproveitamentos forestais (desbroce e limpeza de camiños, áreas públicas e vías forestais de Taboadela)
📍 Onde e como anotarse?
As persoas interesadas deben acudir á Oficina de Emprego da Ponte (Ourense) e solicitar a súa inscrición para este obradoiro.
⚠️ Requisito: Estar inscrito/a como demandante de emprego no Servizo Público de Emprego.
Mellora a túa formación e empregabilidade!

31/08/2026

🏊‍♀️ Abrimos unha semana máis

O verán aínda non rematou e queremos seguir desfrutando da piscina con vós ☀️💦

📅 Estaremos abertos ata o domingo 6 de setembro

Así que se aínda non te despediches da piscina… aínda estás a tempo 😎

Agardámosvos nas Piscinas de Taboadela

31/08/2026

🎶 XOVES CULTURAIS | ADRIANA PIÑEIRO 🎶

Este xoves temos unha nova cita cos Xoves Culturais de Taboadela 💙

🎤 Adriana Piñeiro chega ao Parque de Lama de Prado para ofrecernos unha tarde-noite de música en directo, con versións pop en castelán e inglés.

Pero esta cita é tamén algo máis: apostar polos novos talentos, darlles visibilidade e ofrecerlles espazos onde compartir o seu traballo e seguir medrando. 🌱🎶

Porque facer cultura tamén é dar oportunidades ás novas xeracións de artistas e apoiar o talento que temos preto.

📅 Xoves, 3 de setembro
🕣 20:30 h
📍 Parque de Lama de Prado

Vémonos en Taboadela! Música en directo, talento e bo ambiente para desfrutar xuntos.

30/08/2026

💦🎉 MAÑÁ DESPEDIMOS O CAMPAMENTO DE VERÁN! 🎉☀️

Chega a festa de fin de campamento e que mellor maneira de celebralo que na piscina de Taboadela! 🏊‍♀️😎

Mañá, luns, a piscina abrirá con normalidade e, ademais, ata as 17:30 h, teremos:

🛝 Inchable acuático na piscina
🤸 Inchable na zona do xardín

🎟️ Entrada e prezo habitual da piscina.

As temperaturas volven subir e parece que o verán nos dá unha última oportunidade para desfrutar da piscina como se merece. ☀️💦

👧🧒 Animádevos a vir, refrescarvos e despedir o campamento cunha tarde de diversión!

💙 Vémonos na piscina! 💦🎉

30/08/2026

Onte foi un día intenso e do máis agradable, compartindo momentos cos veciños e veciñas de varias parroquias de Taboadela. ❤️

Comezamos en Torán, onde a asociación preparou unha tarde de lecer e xogos, especialmente pensada para os máis pequenos, aínda que os maiores tamén se animaron a participar. 😊

Logo achegámonos a Santa Locaia para saudar aos veciños e veciñas que celebraban a súa cea de socios.

E rematamos a noite en Soutomaior, compartindo a cea e gozando da verbena. 🎶💃

Parabéns ás tres asociacións polo traballo e pola organización destas actividades, que permiten seguir creando espazos de encontro e convivencia entre veciños e veciñas.

Un pracer compartir estes momentos con vós! ❤️

28/08/2026

Hoxe tivemos o pracer de acompañar á AAVV de Torán na cea-homenaxe a Clodomiro, quen durante mais de 20 anos foi presidente da asociación e participou activamente no seu crecemento e consolidación.

Unha homenaxe máis que merecida como recoñecemento a todos eses anos de dedicación á asociación e á veciñanza.

👏 Parabéns á AAVV de Torán e á súa xunta directiva por esta iniciativa e pola excelente organización.

Moitos parabéns, Clodomiro!

Dirección

Praza Do Concello 1, Taboadela
Orense
32690

Horario de Apertura

Lunes	09:00 - 14:00
	16:00 - 20:00
Martes	09:00 - 14:00
Miércoles	09:00 - 14:00
Jueves	09:00 - 14:00
Viernes	09:00 - 14:00

Teléfono

+34988439315

Página web

http://concellodetaboadela.com/

Notificaciones

Sé el primero en enterarse y déjanos enviarle un correo electrónico cuando Taboadela, o meu Concello. publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.