Concello de O Irixo

04/09/2026

⚠️ AVISO IMPORTANTE: VAGA DE CALOR 🌡️

Dende o Concello do Irixo informamos que a Dirección Xeral de Emerxencias e Interior da Xunta de Galicia vén de notificar un episodio de vaga de calor que continuará este sábado, 5 de setembro de 2026.

Na nosa provincia (Ourense), manteranse activos os niveis de alerta amarela (Noroeste e Miño) e laranxa (Valdeorras). Aínda que o aire cálido irá diminuíndo nos próximos días, mañá sábado manteranse as altas temperaturas.

Pregamos á veciñanza máxima precaución e seguir estas recomendacións básicas de autoprotección, especialmente se ides participar en eventos ou actividades ao aire libre:

💧 Hidratación continua: Bebede auga con frecuencia, aínda que non teñades sede.

🧢 Protexédevos do sol: Evitade a exposición directa nas horas centrais do día e usade gorra e crema solar.

👵 Coidado cos máis vulnerables: Prestad especial atención a nenos, persoas maiores e mascotas.

🏃‍♀️ Evitade esforzos: Reducide a actividade física intensa nas horas de máis calor.

📞 En caso de calquera indisposición ou emerxencia, non dubidedes en chamar ao 112.

Coidémonos entre todos! 💙

03/09/2026

⚠️ AVISO POR ALTAS TEMPERATURAS ⚠️

Dende o Concello do Irixo informamos á veciñanza que a Dirección Xeral de Emerxencias e Interior vén de activar o nivel de alerta amarelo por un episodio de temperaturas máximas na nosa provincia. 🌡️☀️

Segundo a información da AEMET recollida na notificación oficial (podes consultar o documento completo na imaxe adxunta):

🗓️ Hoxe, xoves 3 de setembro: Rexistraranse ata 36ºC na zona do Miño (Ourense).

🗓️ Mañá, venres 4 de setembro: O aviso amplíase á nosa comarca (Ourense Noroeste), onde acadaremos os 36ºC. Noutros puntos da provincia, como a zona do Miño, os termómetros poderán chegar aos 38ºC.

🛑 Recomendamos adoptar medidas preventivas ante a calor:

💧 Bebe auga a miúdo para manter a hidratación, aínda que non teñas sede.

🏠 Evita a exposición ao sol e o exercicio físico intenso nas horas centrais do día (dende o mediodía ata a última hora da tarde).

👵🏻 Presta especial coidado ás persoas maiores, nenos, persoas vulnerables e tamén ás mascotas.

📞 Ante calquera incidencia ou emerxencia, lembra chamar ao 112.

Coidémonos e actuemos con precaución! 💙

01/09/2026

📢 BONO CONCILIA FAMILIA 2026 👨‍👩‍👧‍👦

Tes fillos/as nados entre 2013 e 2022? A Xunta convoca axudas para conciliar a túa vida laboral e familiar 💶

✅ Enfermidade, entrevistas de traballo, imprevistos laborais
✅ Vacacións escolares (Nadal, Entroido, Semana Santa, verán)
✅ Cobre coidadora, atención a domicilio, ludotecas ou campamentos privados
✅ Ata o 100% do custo (familias numerosas, monoparentais, acolledoras, con discapacidade, vítimas de violencia de xénero) ou 75% o resto

⚠️ Importante: para pedila por enfermidade ou vacacións escolares, a persoa solicitante (ou ambos os proxenitores) debe estar traballando

📅 Prazo: do 9 de setembro (9:00 h) ao 9 de outubro de 2026 (14:00 h)
💻 Solicitude só online → sede.xunta.gal
📞 Máis info: 012

📋 Código de procedemento: BS412A
📄 Orde do 18 de agosto de 2026 (DOG núm. 165, do 1 de setembro de 2026)

01/09/2026

📢 AXUDAS DA DEPUTACIÓN DE OURENSE PARA O SECTOR AGROGANDEIRO

🌾 Prevención de incendios + apoio agrícola/gandeiro (Rega ou Reaga)
✅ Ata 1.500 € reciclaxe plásticos agrícolas
✅ Ata 8.500 € maquinaria (máx. 10.000 € total)

🐄 Recría de ruminantes (só gandeiras EXTENSIVAS)
✅ 500 €/animal vacún nado en 2025 (máx. 6.000 €)
✅ 60 €/animal ovino/caprino nado en 2025 (máx. 1.800 €)

📋 Require: titular de explotación rexistrada, ATP, autónomo/a agrario/a ≥2 anos, ao día con Facenda e Seguridade Social

⏰ Concorrencia non competitiva: concédese por orde ata esgotar o crédito. Non esperes ao último día!

📅 Prazo: do 1 ao 25 de setembro de 2026
📍 Info: BOP Ourense nº165 (31/08/2026)

31/08/2026

Xa están aquí as Festas Patronais de Nogueiroa na honra a San Antonio! 🌾

✨Dende o Concello do Irixo convidámosvos a compartir tres días cheos de tradición, música e reencontros veciñais. Preparamos con moito agarimo unha programación para que todas as idades poidan g***r en harmonía.

📅 Venres 4 de setembro

19:00h a 21:00h: Animación coa Charanga Tattoo.

21:30h: Tradicional Cea Popular, acompañada da actuación musical do Dúo Reflejos.

📅 Sábado 5 de setembro

Mañá: Alborada en Nogueiroa da man da Charanga Os Atrevidos.

13:00h: Misa solemne por San Antonio cantada pola solista Begoña Mazaira, seguida de sesión vermú coa citada Charanga Os Atrevidos e a Banda de gaitas O Irixo.

17:30h a 19:30h: Inchables gratuítos para os máis pequenos.

Noite: Gran verbena amenizada por Trío Arena e a Charanga Os Atrevidos.

📅 Domingo 6 de setembro

Mañá: Alborada coa Charanga Europa.

12:00h: Misa dominical e procesión, seguida de sesión vermú a cargo da Charanga Europa e DJ SMILE.

17:00h a 20:00h: Chocolate e queimada gratis para todos os veciños!

(Nota: Os actos relixiosos comezarán o xoves día 3 ás 19:00 h. coa misa por todos os defuntos dos veciños).

Animámosvos a participar e celebrar xuntos as nosas raíces. Vémonos en Nogueiroa! 💙

27/08/2026

📸 Lembranzas dun serán dedicado á nosa cultura

O pasado luns, 24 de agosto, o Concello do Irixo acolleu con moita emoción a presentación do libro “É hora de contar”.

Foi un encontro moi especial, cheo de sensibilidade e respecto polas nosas letras. Queremos agradecer profundamente a todas as persoas que nos acompañaron e fixeron desta cita un éxito.

Un agradecemento moi especial ao autor, Xosé Prada Martínez, por achegarnos a súa obra, compartir connosco o seu talento e escoller o noso concello para esta cita. Tamén queremos dar as grazas a José Manuel Campos pola súa marabillosa presentación, e á nosa alcaldesa, Rosa Mª Dalama, por exercer de anfitrioa neste acto tan entrañable. Entre os presentes tamén estaba a concelleira de Cultura, María José Villanueva Dejuane, xunto a outros asistentes aos que agradecemos moito o seu apoio e compañía.

Deixámosvos algunhas imaxes que resumen os mellores momentos da xornada. Desliza para velas! ➡️

📚 Para aquelas persoas que non puideron asistir pero desexan ler a obra, recordámosvos que podedes adquirir o voso exemplar a través da Libraría Escolma.

Moitas grazas por apoiar sempre a cultura no Irixo! ✨



https://www.facebook.com/share/1C7iUGiCiq/?

27/08/2026

26/08/2026

⚠️ AVISO IMPORTANTE | ALERTA AMARELA POR CHOIVAS E TORMENTAS ⚠️

Dende o Concello do Irixo informamos á veciñanza de que a Dirección Xeral de Emerxencias e Interior activou o nivel de ALERTA AMARELA por fenómenos meteorolóxicos adversos que afectarán á nosa zona (Noroeste de Ourense).

🌩️ Que se espera?

Precipitacións intensas (que poderán superar os 15 litros acumulados nunha hora) e tormentas, con posibilidade de sarabia.

🕒 Cando?

Dende a última hora da noite de hoxe, mércores 26 de agosto, ata o mediodía de mañá, xoves 27 de agosto.

🛑 Recomendacións de seguridade:

✔️ Extrema as precaucións ao volante e modera a velocidade.

✔️ Revisa e asegura os obxectos en balcóns e ventás que poidan caer.

✔️ Mantén limpos os sumidoiros e canalóns.

✔️ Evita achegarte a ríos ou zonas susceptibles de asolagamento.

📞 No caso de precisar axuda ou ante calquera emerxencia, non dubides en chamar ao 112.

Pregamos moita precaución! 💙

25/08/2026

🚀 Programa Conecta Emprego: Impulsa o teu futuro laboral

Desde o Concello do Irixo, queremos compartir unha iniciativa impulsada pola Fundación Impulsarse para apoiar a inserción sociolaboral. Entendemos que a busca de oportunidades pode ser un proceso complexo, polo que este programa integral ofrece formación, acompañamento e orientación para facilitar o achegamento ao mercado de traballo. 

O programa “Conecta Emprego” desenvolverase durante o mes de setembro no Centro Sociocomunitario do Carballiño. 

🎯 A quen vai dirixido?

Mozos e mozas menores de 30 anos da comarca. 

Persoas en situación de desemprego e en busca activa de traballo. 

📅 Calendario de Formacións:

3 de setembro (09:00 a 13:00 h): Obradoiro de Comunicación Efectiva e Asertiva. 

4 de setembro (09:00 a 13:00 h): Obradoiro de Entrevista de Traballo e Procesos de Selección. 

Do 7 ao 18 de setembro (09:00 a 14:00 h): Curso de Ofimática e Marketing Dixital. 

Do 21 ao 25 de setembro (09:00 a 14:00 h): Curso de Atención ao Cliente e Caixa. 

Nota: Para participar, é necesario realizar como mínimo un dos dous obradoiros e un dos dous cursos, podendo combinalos segundo as túas necesidades e intereses. Ademais da formación, o programa inclúe prácticas non laborais e intermediación con empresas. 

📞 Inscricións e información:

As prazas son limitadas. Se desexas solicitar información, realizar unha derivación ou formalizar a túa inscrición, podes contactar directamente con Carolina Vilavedra: 

Teléfono: 604 04 77 21 

Correo electrónico:
[email protected] 

Animádevos a aproveitar esta oportunidade para reforzar o voso perfil profesional!

24/08/2026

🎭 Sobes ao autobús do teatro? 🚌

O Concello do Irixo vai de viaxe ao Salón Teatro en Santiago de Compostela! Grazas ao programa de mobilidade do Centro Dramático Galego, organizamos unha saída para g***r da incrible obra “A SERIE CLØPEN”.

Prepárate para un espectáculo único que mestura acrobacias imposibles, aéreos impactantes, comedia hilarante, danza, clown e unha historia cativadora. É unha produción recomendada para todos os públicos e conta con medidas de accesibilidade.

Toma nota de todos os detalles:
Data: Sábado, 12 de setembro de 2026.

Saída: Ás 15:30h dende a Praza do Concello (Rúa Manuel Penedo, 10).
Prégase puntualidade!

Función: Ás 18:00h no Salón Teatro.

Regreso: A saída cara ao Irixo será ás 20:00h, xusto despois da función.

Prezo total: 5€.

🎟️ Como reservar a túa praza?

As prazas son limitadas, así que non o deixes para o último momento! Tes ata o 11 de setembro para apuntarte:

Presencialmente nas oficinas do concello.

Chamando ao teléfono 988 287 400.

Quen se anima a vir pasar unha tarde de teatro e diversión con nós?