PSdeG-PSOE de ORDES

02/06/2026

📍 Contedores insuficientes, illas deterioradas e vías atrancadas: Ordes precisa solucións xa

A situación da recollida de residuos no noso concello segue a ser preocupante. Non só hai contedores en mal estado que precisan ser repostos, senón que en moitos puntos a capacidade actual resulta claramente insuficiente, provocando acumulación de lixo e unha imaxe de abandono.

As illas de residuos nas parroquias son outro exemplo da falta de mantemento. Lugares como Beán ou Buscás amosan unha realidade que os veciños e veciñas coñecen ben: instalacións deterioradas, pouca limpeza e unha situación que non está á altura do que merece o rural de Ordes.

Pero o problema non é exclusivo das parroquias. Na vila tamén é necesario apostar por illas de residuos ben planificadas e organizadas, que permitan mellorar a recollida e evitar que os contedores sigan ocupando e atrancando vías públicas, xerando problemas de circulación e seguridade.

Desde o Grupo Municipal Socialista solicitamos:
✅ A reposición dos contedores deteriorados.
✅ Máis limpeza e mantemento das zonas de recollida.
✅ A reparación e mellora das illas existentes nas parroquias.
✅ A creación de novas illas, tamén na vila, para ordenar a recollida de residuos.
✅ Deixar de ocupar e atrancar vías públicas con contedores mal situados.

30/05/2026

Hai uns días denunciabamos no Concello o estado de abandono que presentaba o Campo da Feira, onde permanecían á vista cableado e tuberías instaladas con motivo da Festa do Champiñón, celebrada máis dun mes antes.

Tras a presentación do noso rogo no Pleno, os elementos provisionais foron finalmente retirados.

Celebramos que se actuase, pero resulta preocupante que unha cuestión tan evidente tivese que ser sinalada pola oposición para ser atendida. Máis aínda cando o goberno municipal conta con 9 concelleiros e concelleiras e dispón de medios suficientes para detectar e resolver este tipo de situacións sen necesidade de que sexamos nós quen fagamos de revisores.

O noso labor é propoñer, fiscalizar e defender os intereses da veciñanza, e seguireos facéndoo con responsabilidade. Pero unha boa xestión tamén require iniciativa e capacidade para actuar antes de que os problemas sexan denunciados publicamente.

28/05/2026

🚸 No pleno de hoxe esixiremos medidas de seguridade urxentes para a Escola Infantil Herminio Rial.

A través dos medios de comunicación anunciouse hai semanas a construción dun muro de peche no patio traseiro da escola, pero a día de hoxe a actuación segue sen executarse e as medidas actuais son claramente insuficientes.

Falamos dun espazo utilizado diariamente por nenos e nenas pequenas, onde a seguridade debe ser unha prioridade absoluta. A falta desta delimitación obriga ademais ao persoal educativo a extremar constantemente a vixilancia durante as actividades no exterior.

Desde o Grupo Municipal Socialista solicitaremos:
✔️ Que se execute esta actuación no menor prazo posible.
✔️ Que se instale unha delimitación segura sen reducir a luz natural nin a visibilidade do espazo.

20/05/2026

González Formoso enmarca la aportación en unas inversiones de la institución que preside que supera los 27 millones en los últimos diez años

19/05/2026

Dende o Partido Socialista apoiamos á comunidade educativa do CEIP Campomaior nas súas demandas.

No pleno de outubro do 2025 presentamos unha moción reclamando máis persoal para os centros educativos de Ordes. Meses despois, o curso vai rematar sen que esa necesidade fose atendida.

Outros concellos si conseguiron avances nesta materia. Por iso, volvemos pedir altura de miras e compromiso coa educación de Ordes.

Ningunha posición partidista debería estar por riba da educación e do noso futuro.

🚨 Profesorado e familias do CEIP Campomaior (Ordes) reclaman MÁIS RECURSOS para atender á diversidade.

✔️ Máis profesorado de AL
✔️ Máis profesorado de PT
✔️ Máis persoal coidador

✊ Por unha escola pública de calidade, con medios suficientes para atender a TODOS e TODAS.

Concello de Ordes
Partido Popular de Ordes
PSdeG-PSOE de ORDES
BNG Ordes
De Zero - Periódico da Comarca de Ordes
Primeira Noticia - Comarca de Ordes
La Voz de Galicia. Edición Santiago
El Correo Gallego

18/05/2026

Acusan al alcalde de actuar más como portavoz del PP que como regidor de todos los vecinos del municipio

16/05/2026

Noelia Rivadas asegura que en respuesta del Gobierno al PP en el Congreso ya informaron del necesario rediseño de la glorieta para incorporar la ronda sur-oeste

13/05/2026

🍄✨ A Festa do Champiñón é un dos maiores escaparates de Ordes, unha oportunidade para amosar o mellor do noso pobo ás persoas visitantes e tamén á propia veciñanza.

Precisamente por iso, consideramos que Ordes non pode presentar unha imaxe de abandono e falta de mantemento en datas tan importantes. Durante a celebración detectáronse numerosas incidencias: beirarrúas levantadas sen sinalización, mobiliario urbano sucio, fontes con fugas, contedores sobre pasos de peóns, lousas soltas ou a baranda da Alameda sen repoñer.

Dende o grupo municipal socialista presentamos un rogo solicitando:
✅ A reparación inmediata destas deficiencias.
✅ Un mantemento continuado dos espazos públicos.

05/05/2026

🏗️ Unha inmobiliaria de Madrid, nova propietaria da parcela do polígono de Merelle

Recentemente, o goberno local vendeu unha parcela pública no parque empresarial de Merelle tras revalorizala mediante un cambio urbanístico. A adxudicación fíxose por poxa, tendo en conta exclusivamente o prezo máis alto.

👉 O resultado: a parcela quedou en mans dunha empresa inmobiliaria con sede en Madrid.

Desde o noso grupo queremos trasladar varias inquedanzas importantes:

❗ Non se valoraron aspectos clave como a creación de emprego, o impacto económico, a innovación dos proxextos ou o arraigo local.
❗ Existe risco de que se trate dunha operación especulativa sobre solo público.
❗ O prazo fixado para iniciar a actividade (12 meses) pode deixar fóra ás pequenas e medianas empresas locais.

💬 Por iso preguntamos:

Por que se priorizou só o prezo?
Hai igualdade real de oportunidades para as empresas da contorna?
Que control hai para evitar a especulación?

📌 O solo público debe servir ao interese xeral e ao desenvolvemento sostible do noso municipio. O alcalde priorizou o ingreso inmediato fronte a un desenvolvemento estratéxico do polígono.

02/05/2026

📢 *ESTÁ EN XOGO O FUTURO DUN ENSINO PÚBLICO DE CALIDADE!*
💪*O 6 DE MAIO, TODAS E TODOS Á RÚA!*
A Educación Pública Galega está nun momento crítico e non podemos quedar de brazos cruzados. Nos nosos centros de educación a realidade é alarmante: faltan recursos, os espazos son insuficientes e o persoal de orientación e apoio está totalmente desbordado.
Porque isto nos afecta a todas?
*Estudantes:* porque tedes dereito a unha formación de calidade e a que o profesorado teña tempo real para atender as vosas dúbidas e necesidades.
*Familias:* porque non se está garantindo a igualdade de oportunidades nin a atención á diversidade que a lei esixe.
*Veciñanza:* porque un pobo sen unha educación pública forte é un pobo con menos futuro.

Hoxe, o *tempo de atención individual* na aula redúcese a *apenas 1 minuto por estudante* . Non podemos permitir que o ensino se converta nunha "carreira de obstáculos" por falta de investimento.

🗓️ O vindeiro *6 de maio* ás *19:00 horas* hai mobilizacións en toda Galicia.

📍 En *Compostela* imos facer ruído para que nos escoiten na Consellería!
🚩 *Únete ás 19:00 na Praza Roxa!!*

Fai falta que veñas ti, as túas amizades, os teus compañeiros e compañeiras, a túa familia e toda a xente que crea que a educación non é un gasto, é un investimento no noso futuro.
Estudantado, profesorado, familias e veciñanza unidas! 🤝
📢 COMPARTE ESTA MENSAXE! O 6 de maio, que non falte ninguén.
A EDUCACIÓN PÚBLICA DEFÉNDEMOLA ENTRE TODAS E TODOS! 📚🔥