28/08/2026
🤔 Hai historias que non aparecen nos libros, pero que forman parte da nosa memoria.
🎞️ Nantronte é un documental que nos leva atrás no tempo para descubrir como era o día a día das nosas aldeas: a labranza, a malla, a moenda no muíño, a elaboración do pan ou a artesanía dos sombreiros de vimbio.
🎥 Pero, sobre todo, é unha viaxe para poñer no centro a quen durante moito tempo quedou en segundo plano: as mulleres.
Mulleres que traballaron, loitaron e sacaron adiante as súas familias e as súas casas cun esforzo e un sacrificio moitas veces máis grande ca o dos homes, pero que non sempre foi recoñecido.
💬 A través da testemuña de once mulleres, Nantronte recupera lembranzas, experiencias e coñecementos que forman parte da nosa identidade e que corren o risco de desaparecer.
Coñecer o noso pasado é tamén comprender quen somos. Un documental sobre a memoria, o traballo, as mulleres e a cultura que nos trouxo ata aquí. 🤲
