BNG de Oleiros

23/08/2026

Un encontro na Casa do Pobo de Oleiros enxalza a memoria de Alexandre Bóveda na semana do 17 de agosto e traxectoria de Caridad Mateo, cunha importante ...

22/08/2026

Vémonos mañá domingo ao mediodía na praza da Liberdade en Nós como cada agosto desde hai 30 anos.

Se rescatamos os feitos non deixaremos que volvan!

Hai 30 anos inaugurabamos na parroquia de Nós en Oleiros un monolito en recoñecemento dos asasinados no 1936.
Este domingo ás 12:30h, en colaboración co BNG, faremos un acto de lembranza e homenaxe.
Con Laura Rei, Iria Taibo, Sol Agra e a música de Miro Casabella.

21/08/2026

Este ano fanse 30 anos da conmemoración ininterrompida do Día da Galiza Mártir en Oleiros, sempre (agás un ano) na praza da Liberdade de Nós.

Un acto que desde hai xa bastantes anos dedicamos á recuperación da memoria histórica democrática local: nomes e voces, feitos e lugares que desde Oleiros -ou puntos próximos da comarca- loitaron por unha sociedade máis xusta e libre desde as posibilidades que a etapa da República daba.

Foi Oleiros naqueles anos, como levamos moitos agostos recordando en Nós, un concello especialmente fecundo en proxectos populares de todo tipo para comezar a soñar e construír ese mundo novo. Foi Oleiros tamén o lugar da comarca, despois da propia cidade da Coruña, onde máis se asañou o fascismo en borrar todas aquelas pegadas despois do 18 de xullo de 1936. E dentro do noso concello foi a parroquia de Nós onde máis cruel foi toda aquela violencia. Porque foi onde máis lonxe o pobo se atrevera a chegar. Por iso alí a praza da Liberdade, a carón dunha Casa do Pobo que naceu, precisamente, soñada (e comezada a construír) naqueles luminosos anos republicanos. Por iso alí o monumento a Alexandre Bóveda. Por iso alí o monumento erguido na memoria de Xaquín Taboada e dos seus compañeiros.

Este domingo 23 ao mediodía volvémonos xuntar en Nós como desde hai 30 anos para seguirmos recuperando nomes e historias locais, xuntando neste caso ideais e arquitectura. Facémolo contando coa inestimábel colaboración de quen hai 30 anos iniciou todo isto (e sempre estivo aí): a Agrupación Cultural Alexandre Bóveda da Coruña, que ademais este ano festexa o seu medio século de vida.

Farémolo contando coa música do Miro Casabella, quen muito ten a ver coa historia mesma do lugar (da Casa do Pobo de Nós e da praza da Liberdade), e coa palabra de Laura Rei, Iria Taibo, deputada do BNG no Parlamento de Galiza e veciña de Oleiros e Sol Agra, deputada provincial do BNG responsábel da área de Dereitos Civís da Deputación da Coruña.

Agardámosvos!

O acto, organizado polo BNG de Oleiros e a Agrupación Cultural Alexandre Bóveda, terá lugar este domingo na Praza da Liberdade de Nós

25/07/2026

25/07/2026

25/07/2026

Común temos a Patria. O 25 de xullo e cada día 🩵

11/07/2026

Oleiros é o concello que ten os alugueiros máis caros de Galiza, de acordo cos datos da Axencia Tributaria. O BNG leva anos a denunciar que para moitas persoas é practicamente imposíbel acceder a unha vivenda en Oleiros, o que supón un grave problema social.

Non é un problema cunha solución sinxela, e a competencia corresponde principalmente á Xunta de Galiza, mais os concellos poden facer moito para contribuíren a reducir os prezos e para protexeren este dereito fundamental.

Trátase dunha cuestión de modelo: podemos protexer o dereito das persoas á vivenda con todas as ferramentas das que dispomos ou crear un concello só para quen poida pagar.

Tedes nesta nota as propostas do BNG, que levará o noso portavoz municipal, Iván Roca, ao próximo Pleno de Oleiros:

Os datos da Estatística de Vivendas Declaradas no IRPF 2024 da Axencia Tributaria confirman que Oleiros é o concello galego cos alugueiros máis elevados, tan...

30/06/2026

Na comarca da Coruña, como no resto de Galiza, só precisamos un transporte público que funcione en condicións.

Que as empresas privadas que explotan as concesións dun servizo público esencial para centos e centos de persoas no seu día a día non miren só pola rendibilidade económica das liñas e si pola comodidade, a seguridade e o dereito á mobilidade das persoas usuarias.

Que a Xunta de Galiza -a administración pública responsábel do servizo de transporte público en todos os concellos de menos de 50.000 habitantes -exerza como goberno e obrigue as empresas a cumprir o estipulado nas concesións.

Que se comecen a impulsar de verdade outros métodos de transporte público que faciliten a mobilidade pola comarca, como o tren de proximidade ou o transporte marítimo entre ambas as beiras da ría como o que xa existe en moitos lugares do mundo.

Acaso é tanto pedir?

28/06/2026

Vémonos esta tarde na Coruña ás sete, na praza de Ourense.

20/05/2026

Este é só un exemplo do traballo do BNG no Pleno municipal de Oleiros: propostas, demandas veciñais, consultas sobre o funcionamento de servizos... Facemos un traballo rigoroso e en positivo, mentres o goberno municipal desacredita o labor da oposición e fai populismo co diñeiro que cobran os concelleiros e concelleiras (a oposición cobra 1000 euros en total cada pleno, fronte aos moitos miles que reciben os membros do goberno, o inxente gasto en publicidade política pagado por toda a veciñanza, ou o desproporcionado investimento do auditorio).

Fronte á demagoxia, traballo e propostas!