Servizos Sociais e Igualdade de Oleiros

06/09/2026

Neste mes de Setembro voltamos, De Baile en Baile, 65+

06/09/2026

https://www.facebook.com/share/p/19Bpqd7hiz/

💃🕺 De Baile en Baile é un programa cultural e de convivencia para persoas maiores que ofrece espazos de festa, encontro e ocio activo nas distintas casas do pobo do municipio. Os bailes celébranse os sábados pola tarde.

A programación continuará este mes de setembro e prolongarase ata decembro, con novas citas en Iñás, Lorbé, Montrove, Santa Cruz e Nós.

Con esta iniciativa, o Concello continúa apostando por ofrecer ás persoas maiores alternativas de ocio activo e espazos para o encontro e a convivencia, favorecendo a participación social e o mantemento das relacións entre veciños e veciñas.

07/08/2026

🧩🤝 O Concello de Oleiros continúa mellorando o seu compromiso coas familias con fillas e fillos con diagnóstico dentro do Trastorno do Espectro Autista (TEA). Para iso, o Concello contratará un servizo de apoio que ofrece acompañamento emocional, orientación especializada e espazos de encontro para afrontar os retos do día a día. Aínda que a atención sanitaria corresponde á Xunta, este programa complementario supón un recurso importante para estas familias. A boa acollida e a elevada participación fan necesario dar continuidade a estas actividades, integradas nos Servizos Sociais municipais.

O programa, integrado na iniciativa Familias Inquedas, púxose en marcha no 2024 coa creación dun primeiro grupo de apoio para familias con menores con diagnóstico TEA. A boa resposta obtida levou ao Concello a consolidar este recurso durante 2025 e a amplialo no primeiro semestre de 2026 coa creación dun segundo grupo, debido á elevada demanda existente. Ademais dos grupos de apoio, o servizo inclúe charlas divulgativas abertas á cidadanía sobre diferentes aspectos relacionados co Trastorno do Espectro Autista, contribuíndo a mellorar o coñecemento social sobre esta realidade e favorecendo unha maior sensibilización e inclusión.

Con esta iniciativa, o Concello de Oleiros continúa apostando por recursos especializados que melloran a calidade de vida das familias, favorecen a inclusión das persoas menores con TEA ó tempo que crean unha rede de apoio entre familias que comparten unha mesma realidade.

07/08/2026

🤝💙O Concello de Oleiros contratará por 116.259,35 euros un programa de apoio ás persoas coidadoras e atención á dependencia durante 4 anos. A iniciativa reforza o compromiso municipal co benestar das persoas coidadoras e das persoas en situación de dependencia, ofrecendo un servizo especializado de acompañamento, formación e estimulación.

O programa, impulsado pola Concellería de Servizos Sociais e Igualdade, busca reducir o impacto físico, emocional e social que supón coidar dunha persoa con enfermidades crónicas ou neurodexenerativas, ao tempo que favorece a autonomía e a calidade de vida das persoas usuarias.

🧠 O servizo estrutúrase en tres liñas de intervención. A primeira está dirixida ás persoas coidadoras e inclúe os talleres terapéuticos “Descubrindo emocións” e “Coidando emocións”, con grupos de ata 15 participantes. Ofreceranse ferramentas para afrontar o estrés, compartir experiencias e fortalecer o apoio emocional.

🧩 A segunda liña corresponde ao programa de estimulación cognitiva para persoas con alzheimer ou outras enfermidades neurodexenerativas en fase inicial, con ata 15 prazas e dúas sesións semanais no Centro Cívico de Santa Cruz. Ademais de manter as capacidades cognitivas, facilita tempo de descanso ás persoas coidadoras.

🌿 O programa complétase coa actividade O paseo dos sentidos, integrada na terceira liña de intervención: oito saídas anuais pola natureza, con grupos de ata 15 persoas, para promover a socialización, o benestar emocional e a creación de redes de apoio.

Con esta actuación, o Concello continúa fortalecendo os recursos municipais de apoio ás familias, impulsando un modelo de atención integral que mellora a calidade de vida tanto das persoas coidadoras como das persoas en situación de dependencia, ao tempo que promove o seu benestar físico, emocional e social.

➕📲Calquera dúbida ao respecto poden consultala nas oficinas da Concellería de Servizos Sociais e Igualdade, chamando ao teléfono de atención veciñal 981 61 00 00 ou contactando no correo electrónico [email protected]

30/07/2026

🗓️ O Concello de Oleiros lembra ás familias que solicitaron a prestación de apoio ao comedor escolar para o curso 2026/2027 e que teñen a súa solicitude incompleta, que o prazo para subsanar erros remata o venres 31 de xullo.

❓📲Calquera dúbida ao respecto dos requerimentos, poden consultala nas oficinas da Concellería de Servizos Sociais e Igualdade ou chamando ao teléfono de atención veciñal 981 61 00 00

29/06/2026

29/06/2026

28X

🏳‍🌈🏳‍🌈🏳‍🌈 Un ano máis, desde o Concello de Oleiros conmemoramos o 28 de xuño, Día Internacional do Orgullo LGTBIQA+, para celebrar a diversidade, recoñecer a historia de loita do colectivo e reafirmar o noso compromiso cun municipio onde todas as persoas poidan vivir, amar, expresarse e ser con liberdade.

📢📢 A defensa da diversidade non lle corresponde só ás persoas LGTBIQA+; é unha responsabilidade democrática de toda a sociedade.

23/06/2026

🔥Este *San Xoán en Oleiros* hai lume, hai festa e hai canción… pero tamén hai unha condición: respecto, consentimento e cero agresión🔥

Porque no San Xoán:

🎶 *Un non é un non*, aínda que soe a mellor canción.
🌊 Lume, praia e diversión, *sen acoso nin presión*.
🏳️‍🌈 Coa pluma, a pel e o acento, *respecto ao cento por cento*.
🔥E *se tes odio no serán*, non veñas ao San Xoán!
👀Se ves unha situación de acoso, agresión ou comentario ra***ta, plántalle cara!
*Di non á violencia machista!*

💜E se precisas información ou acompañamento, achégate ao Punto Violeta nun momento💜

💥Este San Xoán, non faltes á festa, pero de festa non faltes💥

💜Por unhas *festas libres de violencias* machistas, ra***tas e LGTBIfóbicas!💜