Lunes 10:00 - 14:00 16:00 - 19:00 Martes 10:00 - 14:00 Miércoles 10:00 - 14:00 Jueves 10:00 - 14:00 Viernes 09:00 - 14:00

Centro de Documentación Ambiental Domingo Quiroga - CEIDA

Casa
España
Oleiros
Centro de Documentación Ambiental Domingo Quiroga - CEIDA

O Centro de Documentación Ambiental Domingo Quiroga é a biblioteca especializada en educación amb

04/09/2026

Que pasaría se mañá tivésemos menos petróleo, menos gas e menos enerxía dispoñible?

📕En 'Petrocalipsis. Crisis energética global y cómo (no) la vamos a solucionar' (Editorial Alfabeto), o físico e investigador Antonio Turiel, achéganos a unha cuestión fundamental para comprender o noso presente e o noso futuro: a enerxía que sostén a nosa forma de vida ten límites.

O autor analiza a dependencia dos combustibles fósiles e cuestiona a idea de que a transición cara ás enerxías renovables sexa simplemente unha cuestión de substituír unhas tecnoloxías por outras. Detrás da crise enerxética hai tamén preguntas sobre o noso modelo económico, o consumo, o crecemento e a maneira en que organizamos a sociedade.

🌍 Unha lectura para reflexionar sobre os límites do planeta, a transición enerxética e a necesidade de repensar o noso modelo de vida.

Atoparalo na nosa Biblioteca Verde!

destacados

02/09/2026

🍂En setembro retomamos a programación de actividades do CEIDA cunha proposta que convida a afondar na relación entre a natureza e o noso benestar.

Presentamos ‘Neuronaturaleza. Cómo la naturaleza mejora tu bienestar. Una visión desde la neurociencia’, (ed. Círculo Rojo) de Alfonso Polvorinos Ovejero, biólogo, escritor e divulgador ambiental, con máis de 35 anos de traxectoria vinculada ao ecoturismo e á sustentabilidade turística.

📚Un libro que nos achega, desde a perspectiva da neurociencia, aos efectos que o contacto coa natureza pode ter no noso benestar e na nosa saúde: os bosques, a auga, os sons naturais, a luz ou o silencio como aliados para sentirnos mellor.

O autor estará acompañado de Javier Otero, socio director de INICIACTIVA Ideas en Acción, experto en turismo y desarrollo rural.

📍Xoves,10 de setembro
⏱️19:00 h
Biblioteca Verde do CEIDA · Antigas cabalarizas do Pazo de Lóngora (Oleiros).

Agradecemos confirmar asistencia no 981 630 618 ou a través do formulario habilitado na páxina web:
https://www.ceida.org/gl/novidades/presentacion-do-libro-neuronaturaleza-como-la-naturaleza-mejora-tu-bienestar-una-vision

destacados

01/09/2026

Comeza setembro na biblioteca verde do CEIDA retomando o horario de apertura habitual:

⌚ Luns a xoves: 10-14 h. e 16-19 h.
⌚ Venres: 9-14 h.

Esperámosvos nestas antigas cabalarizas do Pazo de Lóngora!

destacados

31/07/2026

🌿 Compartimos este aviso do Concello de Oleiros con información importante para o vindeiro 12 de agosto.

Ese día, o acceso ao Castelo de Santa Cruz, sede principal do CEIDA, permanecerá pechado. Se precisades facer algunha consulta ou acceder aos nosos recursos, estaremos encantadas de atendervos na Biblioteca e Centro de Documentación Ambiental, situada nas antigas cabalarizas do Pazo de Lóngora, ou no teléfono habitual (☎️981 630 618).

E, xa que estamos, aproveitamos para desexarvos un moi bo verán. As nosas redes sociais fan unha pequena pausa para descansar, ler, descubrir novos lugares e recargar enerxía. Volveremos en setembro con máis actividades, recursos, lecturas e moitas ganas de seguir compartindo convosco o noso compromiso coa educación e a cultura ambiental.

Grazas por acompañarnos estes meses. Que teñades un feliz verán! ☀️

destacados

30/07/2026

Chegan as novidades de xullo!🌿📚

A nosa selección de novidades bibliográficas xa está dispoñible: ensaio, narrativa, álbum ilustrado, novela gráfica, guías de identificación, informes ambientais, materiais educativos ou recursos dixitais para achegarse á natureza, afondar nos retos ambientais e descubrir novas formas de comprender o territorio que habitamos.

Podes consultar o listado completo de novidades en 👇
https://documentacion.ceida.org/cgi-bin/koha/opac-shelves.pl?op=view&shelfnumber=370

Se che apetece pasear entre libros este verán, podes achegarte ás antigas cabalarizas do Pazo de Lóngora, onde atoparás estas e outras propostas para explorar e aprender do apaixoante mundo natural que nos rodea!

28/07/2026

A recomendación desta semana non ven en forma de libro, senón de algo aparentemente máis lixeiro. Unha lectura fresca e inspiradora para este verán que convida a seguir explorando as relacións entre natureza, territorio e palabras.

O último número de Ballena Blanca lánzanos esta pregunta: interesa a literatura de natureza? Unha cuestión que nos convida a percorrer un xénero en auxe, que medra con forza e que hoxe ten tres veces máis presenza que hai cinco anos.

Nas súas páxinas atoparemos un percorrido por este xénero da man de Luci Romero, entrevistas con autores referentes como Julio Llamazares, Andreu Escrivà ou Javier Morales, e reportaxes que exploran os vínculos entre literatura, territorio e mundo rural coas voces de Gabi Martínez ou Vanesa Freixa.

Unha revista para ler amodo, descubrir novas perspectivas e deixarnos levar por historias nas que a natureza non é só escenario, senón protagonista.

📖 Este verán, empápate de verde! Atoparás este número especial na sección de novidades da nosa biblioteca!

24/07/2026

🌞 Construímos unha forma diferente de mirar o ceo

Esta semana achegámonos ao eclipse solar desde a curiosidade, a creatividade e a experimentación coa actividade familiar 'Constrúe a túa propia cámara escura'.

Pequenas e grandes mans encheron a nosa biblioteca verde para dar forma a unha ferramenta sinxela pero fascinante: unha caixa escura para comprender como viaxa a luz e descubrir, dun xeito práctico, os segredos do Sol e dos eclipses.

Agora que chegue pronto o 12 de agosto, que no CEIDA xa estamos preparados!

Grazas a todas as familias que participaron nesta viaxe de descubrimento! 💚

16/07/2026

🌾 Volver. Nun momento marcado pola crise climática e a perda de biodiversidade, recuperar os saberes ligados á terra convértese nun exercicio de memoria, pero tamén nunha aposta de futuro.

A recomendación desta semana convídanos a coñecer o valor do mundo rural desde a experiencia persoal de Vanesa Freixa, a desconectar das lóxicas dun modelo de consumo insostible, a ruralizar a nosa mirada para redescubrir outras formas de producir, habitar e coidar o territorio e, finalmente, a vincularnos coa natureza e coas comunidades que a fan posible.

Entre o ensaio e as memorias, esta obra reivindica o rural non como un espazo do pasado, senón como unha inspiración para construír un futuro máis resiliente, xusto e en equilibrio cos límites do planeta.

📗 'Ruralismo. La lucha por una vida mejor', de Vanesa Freixa publicado por errata naturae.

Atoparás esta lectura agardándote na sección de novidades da nosa Biblioteca Verde!

15/07/2026

🌞 Debido á gran acollida que está a ter o noso obradoiro familiar sobre o eclipse solar... abrimos unha nova sesión!

“Constrúe a túa propia cámara escura: obradoiro familiar sobre o eclipse solar” é unha actividade divulgativa e práctica na que as familias poderán coñecer mellor este fenómeno astronómico e prepararse para observalo de forma segura.

Dirixido a familias con nenos e nenas de entre 6 e 11 anos, o obradoiro inclúe unha introdución aos eclipses solares, explicacións sobre como se producen, por que un eclipse total é un acontecemento excepcional e recomendacións para a súa observación.

Na parte práctica, cada familia construirá a súa propia cámara escura, un sinxelo dispositivo de proxección que poderá levar para casa e utilizar para observar o eclipse do vindeiro 12 de agosto.

📅 Tres sesións con contido idéntico:
📍 Martes 21 de xullo, ás 11.00 h
📍 Mércores 22 de xullo, ás 12.00 h
🆕 📍 Xoves 23 de xullo, ás 11.00 h

📌 Antigas cabalarizas do Pazo de Lóngora (Biblioteca Verde)

As inscricións están a chegar moi rápido e xa quedan poucas prazas. Se queredes asistir a calquera das tres sesións, recomendámosvos facer a inscrición canto antes.

Máis información e inscricións 👇
https://ceida.org/gl/formacion-gl/construe-a-tua-propia-camara-escura-obradoiro-familiar-sobre-o-eclipse-solar

destacados

14/07/2026

A semana pasada a nosa Biblioteca Verde viaxou ata Valsaín, á sede do CENEAM, para participar no Seminario da Red Estatal de Educación Física en la Naturaleza.

Alí compartimos cos participantes o noso Ecomenú Literario, unha proposta de lectura en voz alta para descubrir e saborear a natureza a través da palabra. Foron tres sesións cun escenario difícil de esquecer: á sombra dun cerquiño (Quercus pirenaica), rodeadas de piñeiros de Valsaín, do son da auga e das aves e insectos da Serra de Guadarrama.

Vivimos días de calor, en todos os sentidos. Houbo poesía, historias, cores, preguntas, conversas e emocións que naceron da terra, das árbores e da mirada sobre a contorna que nos rodea.

Marchamos coa sensación de ter compartido algo fermoso e coa sorte de sentirnos acollidas desde o primeiro momento. Grazas á organización do seminario e a todas as persoas participantes por facernos sentir como en familia 💚

Dirección

Pazo De Lóngora. C/Casares Quiroga, 29. Liáns
Oleiros
15179

Horario de Apertura

Lunes	10:00 - 14:00
	16:00 - 19:00
Martes	10:00 - 14:00
Miércoles	10:00 - 14:00
Jueves	10:00 - 14:00
Viernes	09:00 - 14:00

Teléfono

+34981630618

Página web

http://www.ceida.org/gl/biblioteca-e-documentacion/o-centro-de-documentacion

Notificaciones

Sé el primero en enterarse y déjanos enviarle un correo electrónico cuando Centro de Documentación Ambiental Domingo Quiroga - CEIDA publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.