21/05/2026
📢 Manifestamos o noso apoio ás mariscadoras de a pé da nosa ría, que se trasladaron ata a Confraría de Noia para amosar o seu rexeitamento ao convenio imposto pola Consellería do Mar.
🔍 Denunciamos a total falta de transparencia dun acordo que nin as propias mariscadoras coñecen en detalle, así como o desleixo institucional ao que a Xunta as está sometendo.
💸 A Xunta de Galiza ven de impoñer ás traballadoras un convenio precario, onde estipulan contías insuficientes de ata máximo 699 euros por persoa, dos cales 266 se retiran para abonar as cotas da seguridade social, polo que con 430 euros ao mes é unha cantidade irrisoria que as obrigaría a procurar outro traballo en terra, precarizando aínda máis o sector.
⛔ Ademais, a día de hoxe a Consellaría do Mar segue sen aprobar o ces de actividade para o marisqueo na ría, o que lles permitiría acceder ás axudas económicas de 1.000 euros mensuais do ISM.
⚠️ As traballadoras levan dende xaneiro sen cobrar e agora impóñenlles unha axuda de 699 euros, dos cales arredor de 300 van destinados á Seguridade Social. Mentres o sector atravesa unha situación límite, as traballadoras continúan sen respostas claras nin solucións xustas.
✊ Tamén criticamos a actitude do goberno local de Noia, composto polo PSOE e a Marea, que destacaron positivamente a chegada deste acordo precario ás mariscadoras por parte da Xunta.
🌊 Nós esiximos medidas valentes ante unha situación que grazas á inacción da Xunta parece insalvable. Debemos empregar todos os recursos posíbeis para aumentar a productividade da nosa ría e mellorar as condicións laborais das traballadoras e dos traballadores do mar.
