Lunes 08:00 - 14:30 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello de Noia

Casa
España
Noya
Concello de Noia

Este é o perfil informativo do Concello de Noia. Dende esta páxina trasladaremos toda a información do traballo do día a día e noticias de actualidade.

Sede benvidos e benvidas!

04/09/2026

📚 LEMBRATORIO | BONOS DE MATERIAL ESCOLAR E COMEDOR

As familias beneficiarias dos bonos municipais de material escolar e comedor xa poden proceder á súa recollida no Concello de Noia.

📅 O último día para recollelos é o 14 de setembro. Toda a información sobre horarios e lugar de recollida, na imaxe 👇

04/09/2026

🎒🏫 Todo preparado para a volta ao cole!

Co inicio do novo curso escolar xa á volta da esquina, dende o Concello de Noia estamos a traballar estes días na posta a punto dos nosos colexios públicos.

🧹 No CEIP Alexandre Rodríguez Cadarso, na Barquiña, e no CEIP Felipe de Castro, en Bergondo, estanse realizando diferentes labores de limpeza, desbroce, mantemento e adecuación dos espazos para que todo estea nas mellores condicións á hora de recibir de novo ao alumnado.

Son días de moito traballo nos centros: patios que se preparan, zonas verdes que se acondicionan e pequenos detalles que se revisan antes de que volvan as mochilas, os recreos e a actividade ás aulas. 🌱📚

Queremos agradecer especialmente o traballo e a implicación de todo o persoal que está participando nestes días na posta a punto dos centros e facendo posible que todo estea preparado para comezar.

Pouquiño a pouco, todo vai quedando listo.

💙 Moita ilusión e os mellores desexos para toda a comunidade educativa neste novo curso!

03/09/2026

🎨 XVIII CONCURSO DE PINTURA AO AIRE LIBRE DE NOIA

O vindeiro sábado 12 de setembro, Noia volverá converterse nun gran lenzo ao aire libre coa celebración do XVIII Concurso de Pintura ao Aire Libre «Juan José Fernández Leiceaga, Sesé».

🖌️ Artistas de todas as idades poderán participar nunha xornada dedicada á creación, coa temática «Paisaxes inventadas ou invisibles», deixando voar a imaxinación e ofrecendo unha visión persoal e creativa do noso entorno.

🏆 O certame contará con diferentes categorías e numerosos premios, cun primeiro premio de 2.000 €, ademais do Premio Juan José Fernández Leiceaga e dos galardóns patrocinados polas entidades colaboradoras.

📍 As obras realizaranse ao longo da xornada e a recepción terá lugar no Claustro da Casa do Concello, onde posteriormente se realizará a exposición e a entrega de premios.

👧👦 Haberá tamén categorías infantil e xuvenil, para que os máis novos poidan formar parte desta cita coa pintura que chega xa á súa XVIII edición.

03/09/2026

🏥 NOVO PASO PARA O FUTURO CENTRO DE SAÚDE DE NOIA

O conselleiro de Sanidade, Antonio Gómez Caamaño, visitou hoxe Noia, onde foi recibido polo alcalde, Fran Pérez, e membros do Goberno municipal.

A visita prodúcese poucos días despois de que a Consellería de Sanidade solicitase formalmente ao Concello de Noia a licenza de construción do novo centro de saúde, un novo e importante paso para avanzar cara á execución desta infraestrutura.

O futuro centro contará con preto de 4.200 m², máis do dobre da superficie do actual, e suporá un investimento previsto superior aos 10 millóns de euros. Ademais, incorporará un espazo propio de 170 m² para a Unidade de Condutas Adictivas de Noia.

Desde o Concello traballaremos para axilizar a tramitación da licenza e facilitar que o proxecto poida continuar avanzando cara ao inicio das obras.

02/09/2026

🔧 A BRIGADA MUNICIPAL CONTINÚA MELLORANDO DIFERENTES PUNTOS DE NOIA

Logo de rematar os traballos realizados no barrio de San Lázaro, a Brigada Municipal de Obras continúa estes días con diferentes tarefas de mantemento e reparación das infraestruturas municipais.

Unha parte importante dos traballos céntrase na rede de saneamento, reparando roturas que estaban a provocar socavóns e danos nas vías. Nestes momentos estase actuando en Rasa de Abaixo, Orro, A Barquiña e O Obre.

Tamén se executou a rede de saneamento complementaria de Augalevada, dando continuidade e completando as melloras realizadas recentemente nesta zona.

🏫 Ademais, aproveitando os días previos ao inicio do curso escolar, estase realizando a posta a punto do patio infantil do CEIP Alexandre Rodríguez Cadarso, na Barquiña, con traballos de mellora e impermeabilización.

Son actuacións pequenas e medianas que non sempre se ven, pero que resultan fundamentais para solucionar problemas do día a día, conservar adecuadamente as infraestruturas municipais e seguir mellorando os espazos e servizos públicos de Noia.

02/09/2026

⚠️ INFORMACIÓN IMPORTANTE SOBRE O BONO CONCILIA FAMILIA 2026

Tras consultar telefonicamente coa Consellería de Política Social, confirmamos que o cambio introducido pola Xunta de Galicia nas bases do Bono Concilia Familia 2026 deixa fóra desta axuda ás familias usuarias dos servizos de conciliación do Concello de Noia, así como de calquera outro recurso organizado por unha Administración pública.

A convocatoria de 2026 establece expresamente que non serán subvencionables os campamentos e recursos de conciliación organizados directa ou indirectamente por calquera Administración pública.

Isto significa que as familias que participaron no campamento municipal de Noia non poderán solicitar o Bono Concilia para sufragar este gasto, ao igual que sucede cos programas organizados por outros concellos e administracións públicas.

01/09/2026

🎶 O RÚAS VIVAS DESPÍDESE ATA O ANO QUE VÉN!

Chegamos á última cita do Rúas Vivas 2026. Despois dun verán de música, cultura e actividades nas nosas rúas, mañá poñemos o punto final á programación desta edición.

🎤 José Manuel será o encargado de pechar o ciclo cunha actuación musical na Praza da Constitución.

📅 Mércores, 2 de setembro
🕣 20:30 h
📍 Praza da Constitución

Agardámosvos para compartir esta última tarde de música e despedir xuntos o Rúas Vivas ata o próximo ano! 🎶

01/09/2026

🔴 ACTIVACIÓN DOS SERVIZOS PÚBLICOS FRONTE AO INCENDIO NUNHA VIVENDA DE SAN LÁZARO

Na xornada de hoxe produciuse un incendio nunha vivenda da rúa Chile, no barrio de San Lázaro. Ata o lugar desprazáronse efectivos do GES de Noia, Policía Local, Garda Civil, 061 e unha dotación de bombeiros do Consorcio Provincial Contra Incendios e Salvamento da Coruña, con base en Boiro.

Afortunadamente, non temos que lamentar danos persoais de gravidade. Porén, o incendio afectou seriamente á vivenda dunha familia de veciños asentada en Noia e formada por catro persoas, que polo momento non poderá regresar ao seu fogar.

Dende o primeiro momento, os Servizos Sociais do Concello de Noia están en contacto coa familia e traballando para atender as necesidades derivadas desta situación: procurar unha alternativa de aloxamento, facilitar os desprazamentos necesarios e garantir o acceso aos bens básicos durante estes primeiros días.

En momentos coma este é cando cobra todo o seu sentido contar cuns servizos públicos próximos, capaces de acompañar e dar resposta a todos os veciños e veciñas cando máis o necesitan.

Dende o Concello de Noia queremos trasladar todo o noso apoio á familia e agradecer o traballo e a rápida intervención de todos os efectivos que participaron no operativo.

01/09/2026

💧 RETOMAMOS OS TRABALLOS DE LIMPEZA E BALDEO

Unha vez levantadas as restricións de auga, hoxe retomamos os traballos de limpeza e baldeo no Concello de Noia, comezando polo casco urbano.

Durante as próximas semanas, estes labores iranse intensificando e estendendo progresivamente a outras zonas do municipio, dentro da planificación dos servizos municipais.

👏 Queremos agradecer o traballo de todo o persoal municipal implicado, tanto nestas tarefas como no mantemento e coidado diario dos nosos espazos públicos.

Seguimos traballando para recuperar pouco a pouco a normalidade nos labores de limpeza.

31/08/2026

📚 BONOS DE COMEDOR E MATERIAL ESCOLAR | CURSO 2026/2027

Xa está dispoñible na sede electrónica do Concello de Noia a relación definitiva de solicitudes admitidas para as axudas de comedor e material escolar. A relación tamén se pode consultar premendo no seguinte enlace: https://drive.google.com/file/d/1DQx0m1Mi8a2MqO_5ajY_ucsORE3feZcs/view?usp=sharing

Este ano, a tramitación permite que os bonos estean dispoñibles antes do inicio do curso escolar.

📅 Recollida de bonos: 1, 2 e 3 de setembro
🕘 De 09:00 a 13:00 h
📍 Salón de Plenos do Concello de Noia

Agradecemos o traballo do persoal técnico municipal implicado na tramitación, que permitiu completar o procedemento con antelación.

Dirección

Rosalía De Castro, 2
Noya
15200

Horario de Apertura

Lunes	08:00 - 14:30
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Teléfono

+34981842100

Página web

http://concellodenoia.gal/

Notificaciones

Sé el primero en enterarse y déjanos enviarle un correo electrónico cuando Concello de Noia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.