23/06/2026
📢 O alcalde de Noia remite unha carta á dirección de Gadisa Retail S.L.U. e Grupo Froiz ante o conflito laboral que afecta ao persoal dos seus establecementos.
Na comunicación trasladada ás empresas, o alcalde recoñece o labor que realizan diariamente as traballadoras e traballadores do sector da alimentación, destacando o seu papel nun municipio cunha intensa actividade comercial como Noia e a importancia da súa contribución para atender as necesidades da veciñanza.
A carta tamén pon en valor o esforzo que realiza este persoal nunha vila na que a feira dominical constitúe un dos principais motores da actividade económica e social da comarca.
Ante as mobilizacións e xornadas de folga que se están a desenvolver, o alcalde súmase aos chamados ao diálogo e á negociación como vía para favorecer un acordo satisfactorio entre as partes.
