Concello de Neda

Casa
España
Neda
Concello de Neda

Páxina oficial do Concello de Neda, un acolledor municipio cunha poboación de ao redor de 5.000 habitantes.

Aquí atoparás información sobre os servizos e actividades da Administración local

03/06/2026

🗣️Esta semana temos os últimos encontros da temporada do Club de lectura da Biblioteca Municipal de Neda. Este xoves reunirase o segundo dos grupos existentes para comentar a novela de José Saramago “Memorial del convento”📖, obra recomendada do mes de maio. Estes espazos de conversa e análise, que o Concello recuperaba hai case tres anos para compartir a experiencia da lectura, volverán tras o verán😉.

03/06/2026

Este venres terá lugar a última cita do programa de bailes de Axune 👵🧓. O encontro celebrarase, como sempre, no centro cívico de , a partir das 18 horas. E Alberto Bellón 🎤 será o encargado de animar coas súa música esta tarde festiva, apoiada dende o Concello, que está dirixida especialmente aos maiores da localidade.

03/06/2026

📅Tras a boa acollida da pasada edición, volve sumarse este ano ao Día mundial de tecer en público. E faino, organizando o 13 de xuño unha quedada na contorna da Casa das palmeiras para promover esta actividade antiestrés🧶🧶, con beneficios no campo da saúde mental e física (estimula a actividade mental e a memoria, mellora o estado de ánimo...) O encontro, que conta co apoio da Mesa local de saúde🤝, desenvolverase de 16 a 20 horas e está aberto a calquera persoa afeccionada do municipio ou de fóra que queira achegarse cos seus traballos a calcetar, facer gancho...

02/06/2026

📣O Concello de vén de abrir ao público a oficina de turismo municipal, situada xunto ao albergue do Camiño Inglés🚶‍♀️🚶‍♂️. O servizo de atención ao visitante funcionará a diario ata o 30 de setembro, permitindo reforzar a promoción en destino dos principais recursos turísticos da localidade. Ademais, o persoal especializado, contratado coa axuda da Deputación da Coruña 🤝, realizará durante toda a tempada alta tarefas de recepción dos peregrinos que se aloxen na instalación da rede pública de albergues do Xacobeo.

02/06/2026

🙋‍♂️O Concello vén de reordenar o tráfico na rúa Xeneral Morgado, acceso principal ao casco antigo, co fin de facilitar a visibilidade, mellorar a fluidez, e optimizar a seguridade viaria ✅. A cuadrilla do PEL ocupouse nas últimas semanas dos traballos de sinalización horizontal – pintado de liña amarela- e vertical -colocación de sinais- nunha das beiras desta vía de dobre dirección na que, por mor do estacionamento nas dúas marxes, resultaba practicamente imposible que se cruzaran dous coches🚗.

👉A prohibición de estacionar cínguese ao treito comprendido entre a rúa Sobre a Vila e a Concepción Arenal.

02/06/2026

🗣️O Concello faise eco da apertura do prazo para solicitar as axudas autonómicas para facilitar a incorporación ao mercado laboral de novos profesionais do transporte🚛🚒. Subvenciónanse tanto a obtención dos permisos de condución clases C, C+E, C1, C1+E, D, D+E, D1, D1+E, así como o certificado de aptitude profesional acreditativo da cualificación inicial ou de “ampliación ou promoción”.

📅Tramitaranse a través da sede electrónica da Xunta ata o 30 de setembro🧑‍💻.

01/06/2026

Neda conta dende hai anos cunha rede de colectores para a recollida de aceite doméstico usado espallados polo municipio ♻. Un residuo de cociña que pode e debe reciclarse 🍳. De feito, utilízase para a produción de biodiésel. Colabora. Non tires o aceite de cociñar sobrante dos fritidos, asados e demais no vertedoiro, almacénao en envases pechados , localiza o colector máis próximo, e deposítaos alí.

📍Velaquí onde se atopan: Avenida Médico Cebreiro; A Silva; Avenida de Alxeciras (xunto ao Eroski e fronte á farmacia); rúa Xeneral Morgado (xunto a praza da Reitoral); adro de Santa María; avenida de Xuvia, Forxá; Muchiqueira; Mourela Baixa, O Roxal (contorna da pista polideportiva); Viladolle (xunto ao local social) e Anca (contorna da Igrexa).

🌱Reducir, reutilizar e reciclar está nas túas mans 😉.

01/06/2026

🙋‍♂️Apetéceche facer o “Camiño Inglés por etapas”? Estás de sorte. O Concello de promove esta iniciativa que busca dar a coñecer a ruta de peregrinación a Santiago que pasa pola vila 🚶🚶‍♀️. Propón cubrir o percorrido ata Santiago en oito etapas curtas- duns 15 km-para facilitar a participación, programadas entre finais de xuño e outubro.

✍️Se queres participar deberás preinscribirte entre o 2 e o 9 de xuño na Casa Consistorial ou a través da sede electrónica municipal. Posteriormente abrirase a inscrición e terá que aboarse a cota de 80 euros para asumir parte do custo dos traslados en bus e do seguro de accidentes 🚌.

👉O “Camiño inglés por etapas” levarase a cabo cun mínimo de 40 persoas. O número total de prazas ofertadas é de 50, e terá preferencia a veciñanza de Neda.

01/06/2026

🗣 Últimos repasos contra o reloxo. A partir deste martes, arranca a selectividade✍️. Estudantes de toda Galicia, entre eles 30 do IES Fernando Esquío, enfróntanse á Proba de Acceso a Universidade (PAU), xogándose poder entrar nos graos que queren cursar📚. Culminan meses de preparación que, sen dúbida, non resultaron sinxelos. Por iso, dende o Concello queremos desexarlles ánimo e moita sorte nestes días de exames que teñen por diante😉.

01/06/2026

⚽️🏆Nun emocionantísimo encontro no que se demostrou un altísimo nivel de xogo, o Novo Minuetto/Radio Car impoñíase ao Selecta caffé/Ferrol caló por cinco tantos a tres na final da 𝐂𝐨𝐩𝐚 𝐬𝐞́𝐧𝐢𝐨𝐫 𝐂𝐨𝐧𝐜𝐞𝐥𝐥𝐨 𝐝𝐞 𝐍𝐞𝐝𝐚 disputada o pasado sábado. 💪O vixente campión da Liga social de fútbol sala levantaba tamén a copa, demostrando o magnífico momento que vive o equipo. 🤝A competición estivo organizada pola delegación en Ferrol da Real Federación Galega de Fútbol e o Concello de , e desenvolveuse nas últimas semanas no pavillón municipal Ale de Paz. 👉A concelleira de Deportes, Ángeles Puentes, entregaba os trofeos a campión e subcampión da Copa, e tamén, o correspondente ao campionato de Liga. Parabéns 👏👏👏!

Dirección

Avenida De Alxeciras, 34
Neda
15510

Página web

http://www.neda.gal/

Notificaciones

Sé el primero en enterarse y déjanos enviarle un correo electrónico cuando Concello de Neda publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.