¿Qué es el sitio web?

https://www.facebook.com/226601587472437/

BBTTA, Local Social da Gándara, cuatro caminos s/n, Narón (2026)

Q: ¿Cual es la direccion?

Local Social Da Gándara, Cuatro Caminos S/n

07/09/2026

O MÉRCORES VOLVEMOS

E queremos aproveitar para contarche algo que para nós é esencial:

Que significa acompañar desde un grupo de apoio á lactación materna?
Non significa ter todas as respostas.
Nin dicirche o que tes que facer.
Non significa convencerte de nada.

Acompañar é outra cousa.
É escoitar a túa historia antes de falar.
É poder ofrecerche información veraz e actual para que poidas decidir.
É mirar contigo o que está acontecendo, sen xulgar.
É respectar que a túa decisión pode non ser a que nós tomariamos.
É estar tamén cando as cousas non saen como esperabas.
É celebrar contigo cando todo vai ben.
É facerche sitio.

Porque en BBTTA non buscamos nais que o estean facendo ben.

Ás reunións dos mércores reunímonos mulleres que están vivindo unha etapa enorme das súas vidas.

Cada unha coa súa historia.
Coas súas circunstancias.
Coas súas dúbidas.
Coas súas decisións.
E todas merecen ser escoitadas.

Mércores 9 de setembro, retomamos as reunións de BBTTA.

📍 Sala 5 · Centro Comunitario Manuela Pérez Sequeiros
🕔 A partir das 17:00 h

Se estás embarazada, se estás amamantando, se tes dúbidas ou simplemente queres coñecernos… ven.

Non tes que traer preguntas.
Non tes que saber nada.
Non tes que coñecer a ninguén.
Podes vir a estar.

Porque acompañar tamén é isto: ter espazo para que cada muller poida vivir a súa lactación e a súa maternidade sen ter que facelo soa.

Vémonos este mércores en BBTTA.

02/09/2026

Conferencia "Destete, o final dunha etapa"
Sábado 19/09, de 11:00 a 13:00, Vía Zoom
Con quen mellor acompaña esta transición, Alba Padró Arocas

O Dó do Destete: Un Proceso Natural que Pode Estar Cheo de Amor

Queridas nais, o destete é un momento significativo na vida da nai e da súa criatura, e é completamente normal que veña acompañado dunha serie de emocións intensas. Ambas partes da diada poden experimentar ese dó, pois se trata dunha transición que implica deixar atrás unha etapa intensamente especial, de vínculo e cercanía.

Para a crianza, a lactación non só implica alimento; tamén un momento de conexión, seguridade e amor. No destete, pode sentir esa perda, xa que se despide da unión tan íntima que compartía e na que se desenvolvía tan ben. É posible que amose tristeza, frustración ou enfado; é completamente natural. Lembra que a túa criatura está aprendendo a adaptarse a novos estilos de alimentarse, de relacionarse, de explorar e a novas formas de consuelo e de xestión emocional.

Como nai, quizais sintas unha mezcla de emocións. Pode que sintas exactamente o mesmo que a túa cría, así como unha sensación de perda ao despedirte dunha etapa tan significativa na túa vida. É importante permitirte sentir estas emocións e recoñecer que o dó é parte do proceso. Cada vez que alimentabas á túa crianza, estabas creando un vínculo único que agora está cambiando
É importante que vos permitades tempo para adaptarvos a esta nova etapa. Podes seguir ofrecendo amor, cercanía e refuxio á túa criatura a través de abrazos, xogos e momentos de calidade xuntas. Isto axudará a que vos sigades sentindo seguras e conectadas, incluso no medio da tempestade que implica a transición
Lembra que o destete non significa que chegou o final da conexión que compartides. É simplemente unha nova forma de relacionarse, donde o amor, a presenza e o apoio seguirán sendo a base do voso vínculo.

Ogallá te poidas permitir vivir este proceso có cariño e a tranquilidade que merecedes. Dende BBTTA, e da man de Alba Padró Arocas , enviámosvos moito, moitísimo amor, comprensión a raudales e unha aperta enorme.

BBTTANaron

Concello de Narón

31/08/2026

SETEMBRO TEN ALGO DE VOLVER E DE MARCHAR

Hai quen recibe setembro con ganas de recuperar as rutinas

Hai quen o mira con alivio

E hai quen sente un pouco de todo

Porque durante o verán quizais estivemos máis rodeadas: familia, amizades, visitas, xente entrando e saíndo da casa, plans improvisados, días diferentes...

E de súpeto chega setembro
Volven os horarios
As présas
As rutinas
O día a día

E pode aparecer o desexo de recuperar certa orde e, ao mesmo tempo, botar de menos esa rede que durante un tempo parecía estar máis preto

Porque a maternidade tamén é iso:
Querer e necesitar descanso
Disfrutar e estar esgotada
Querer volver á rutina e non querer que remate o verán
Sentirse acompañada e, ás veces, sentirse moi soa

As dúas cousas poden ser verdade ao mesmo tempo
Non temos que escoller unha

Etamén por iso en setembro volvemos.
Non para dicirche como deberías sentirte.
Non para resolver a ambivalencia.
Senón para que, sexa como sexa o teu setembro, non teñas que vivilo soa.

O mércores 9 de setembro retomamos as reunións de apoio á lactación de BBTTA.
Un espazo para chegar tal e como esteas.
Para preguntar.
Para compartir.
Para escoitar.
Para recibir información veraz e actual.
Para coñecer outras nais.
Para atopar unha rede.

📍 CENTRO COMUNITARIO MANUELA PÉREZ SEQUEIROS
🕔 Os mércores a partir das 17:00 h

E este setembro temos, ademais, unha cita moi especial:

📝 Sábado 19 de SETEMBRO
De 11:00 a 13:00
ALBA PADRÓ

Un encontro ONLINE con Alba para falar e obter información e ferramentas para a etapa do destete, cuestionando falsos mitos e recibindo desde o coñecemento e o respecto ás decisións de cada familia.

📣 Este mesmo mércores abriremos as inscricións.

Así que si:
Setembro trae rutinas.
Trae cambios.
Trae sentimentos encontrados.
E tamén pode traer un lugar ao que volver.

BBTTA volve a tecer rede de apoio
E ti, sexa cal sexa o teu setembro, tes un sitio aquí.

27/08/2026

QUE É BBTTA?

Quizais sexa máis doado comezar polo que non é:
- Non é un lugar onde dicirche como debes alimentar á túa criatura
- Non é unha reunión na que tes que demostrar que o estás facendo ben
- Non é un espazo no que todas as mulleres teñen que pensar igual
- E tampouco é un lugar ao que só se vai cando hai un problema

BBTTA é outra cousa:
+ É chegar cunha dúbida e descubrir que non es a única
+ É poder dicir "isto estame resultando difícil" sen sentir que estás fallando
+ É atopar información para poder tomar as túas propias decisións
+ É escoitar outras historias e descubrir posibilidades que non coñecías
+ É preguntar
+ É compartir
+ É rir, ás veces chorar, e tamén respirar un pouco máis tranquila
+ É ter ao lado outras mulleres que están (ou estiveron) nalgún lugar parecido ao teu

E iso importa
A investigación recente sobre apoio entre iguais na lactación amosa precisamente iso: as nais describen estes espazos como fontes de apoio emocional, coñecemento, tranquilidade e experiencias compartidas. E é que os grupos de apoio contribuen a manter a lactación a través de algo que vai moito máis alá da información: as relacións, a comunidade e a rede de apoio

E iso é o que queremos que atopes en BBTTA:
🤱 Un espazo para ti
🫂 Outras nais
📚 Información
💜 Acompañamento

Non tes que saber nada antes de vir
Non tes que ter un problema
Non tes que vir porque non podes máis
Podes vir simplemente porque queres coñecernos
E se estás embarazada e queres saber que che pode ofrecer un grupo de apoio antes de que chegue o momento, tamén es benvida

📍 Centro Comunitario Manuela Pérez Sequeiros · Narón
📅 Todos os mércores (agás nas vacacións escolares)
Comezamos o 09/09
🕔 A partir das 17:00 h

24/08/2026

Setembro trae de volta as mochilas, as rutinas, os horarios…
e tamén os mércores de BBTTA.

Volvemos, tamén, ás nosas reunións semanais de apoio á lactación.
Volvemos ás preguntas, ás dúbidas, ás experiencias compartidas.
Ás historias que comezan con a min pásame... e que rematan cun ¡a min tamén!

Porque un grupo de apoio non é só un lugar ao que ir cando algo non vai ben.

É un lugar para obter información actual e veraz.
Para compartir.
Para escoitar outras historias.
Para descubrir que non estamos soas.
Para facer rede.

📅 Os mércores a partir do 9 de setembro
🕔 A partir das 17
📍 BBTTA, Narón

Se estás embarazada, se estás amamantando, se tes dúbidas, se acabas de ser nai ou simplemente queres coñecernos, es benvida.

E se xa formaches parte de BBTTA algunha vez, sabes que esta tamén é, para sempre, a túa casa.

Vémonos a partir do día 9.

13/08/2026

Volvemos con novas propostas para acompañarvos no camiño da lactación e da maternidade
Un cuadrimestre pensado para informarnos, compartir, coidarnos e, sobre todo, sentir que non temos que facelo todo soas

Lembrade: as reunións de lactación son todos os mércores, a partir das 17, agás en vacacións escolares. Comezamos o 9 de setembro. Son un espazo para parar, compartir, resolver dificultades, escoitarnos e facer rede

E temos preparadas unhas actividades marabillosas, que organizamos con unha inmensa ilusión:

📅 Sábado 19/09
Conferencia sobre Destete, con Alba Padró Arocas
🕒 11:00 - 13:00
O destete é unha transición importante na relación da diada. E queremos acompañarte proporcionándoche a información máis actualizada e eficaz da man da mellor. Prepara a túa mente e o teu corazón para esta nova etapa da maternidade ❤️

📅 Mércores 07/10
Conferencia práctica de Fisioterapia Respiratoria Pediátrica, con Julen Andollo, fisioterapeuta pediátrico.
🕒 17:00 - 19:00
Unha oportunidade para coñecer mellor o sistema respiratorio das nosas crianzas para cando teñamos que lidiar con mocos, toses... Aprenderemos recursos que poden axudarnos no día a día, por exemplo como se deben limpiar os mocos ás nosas criaturiñas

📅 Mércores 28/10
Obradoiro de Hipopresivos no posparto, coa nosa querida María Aires ❤️
🕒 17:00 - 19:00
Porque ademais de coidar, soster e acompañar, tamén necesitamos un espazo para volver habitar o noso propio corpo e coidarnos.

📅 Mércores 18/11
Conferencia Nutrindo o vínculo. Preparándonos para a lactación, da nosa querida alianacorral
🕒 17:00 - 19:00
Creada especialmente para vós, onde informarvos e compartir sobre un dos momentos máis fermosos e significativos da maternidade: a lactación

📅 Mércores 16/12
Conferencia/Obradoiro de Alimentación durante o primeiro ano, con Eva González IBCLC e María
🕒 17:15 - 19:15
Para achegarnos á alimentación complementaria desde unha mirada non só teórica senón que tamén coa tan necesaria práctica

Tomade boa nota.
Agardámosvos cos brazos abertos!
Xuntas facemos a diferenza.

10/08/2026

Está publicació chega tarde. Pero queríamos volver a un día especial, pois Irene Iglesias non falou simplemente de saúde bucodental. Ensinounos a mirar a boca máis alá dos dentes. A preguntarnos que nos conta a forma de respirar, a maneira de mastigar, un hábito, a lingua... E a comprender que no desenvolvemento infantil, poucas cousas suceden de maneira illada

Falounos de evidencia, de prevención e desas pequenas cousas que pasan desapercibidas, pero que axudan a acompañar mellor. E fíxoo como sempre: estudando, cuestionando e compartindo con enorme xenerosidade todo o que aprende

Por iso a presentamos como Marie Curie. Posúen ambas algo profundamente valioso: a curiosidade que non se apaga, a necesidade de seguir aprendendo cando parece que xa saben dabondo. Curie non gardou a ciencia para sí, formou outras mulleres e puxo o seu coñecemento ao servizo das persoas. E Irene tamén o fai: estuda, actualízase, cuestiona, comparte e fai que todo o coñecemento chegue a familias e a profesionais
Porque a evidencia, cando se comparte, deixa de ser coñecemento e convértese en ferramenta. E Irene, como Curie, entende que comprender máis pode axudarnos a coidar mellor. E que detrás de cada pregunta hai unha oportunidade para previr, para acompañar un pouco mellor
Na presentación lembrábamos a Curie e a súa idea de que hai que comprender máis para temer menos. E iso tamén nolo regaou Irene: máis comprensión, máis ferramentas e, sen dúbida, preguntas novas. Porque as boas profesionais non son necesariamente as que dan todas as respostas, senón as que conseguen que queiramos seguir preguntando
Gracias ás familias e profesionais que vos achegastes, que fixestes posible que a mañá tivese sentido e que seguistes demostrando que aprender xuntas tamén é unha forma de facer rede de coidados. E gracias, unha vez ao Concello de Narón por facilitarnos o Café Teatro do Pazo da Cultura e por apoiar as iniciativas que poñen ás familias no centro
Chegamos tarde a esta publicación. Pero hai cousas ás que paga a pena volver. Esta é unha delas.
Gracias, Irene, por viaxar ata Narón e por ensinarnos a mirar máis alá

07/08/2026

A miúdo escoitamos falar da lactación coma se dependese só da vontade, do esforzo ou do corpo da nai.

Pero a realidade é moito máis complexa.

Sabemos que moitas das decisións que parecen individuais están profundamente condicionadas polas condicións sociais nas que vivimos. As políticas públicas, a conciliación, a organización dos coidados, a información que recibimos ou os intereses comerciais tamén inflúen nas posibilidades reais de amamantar.

Como levan anos lembrando autoras como Naomi Klein, Victoria Sau, Adrienne Rich, Ibone Olza... non podemos seguir depositando sobre as nais toda a responsabilidade de compensar o que a sociedade non sostén.

A lactación nunca foi unha responsabilidade individual. É un proceso biolóxico, pero tamén é social, cultural e político...

Sostense tamén con descanso, con tempo, con información rigorosa, con profesionais formadas, con coidados para a saúde mental, cunha rede de apoio que acompaña sen xulgar e cunha sociedade que facilite, en lugar de dificultar, o camiño das familias.

Tamén necesita políticas que protexan a maternidade e a crianza, conciliación real e o cumprimento do Código Internacional de Comercialización de Sucedáneos do Leite Materno, para que todas as familias poidan recibir información independente, baseada na evidencia e libre de intereses comerciais.

Porque a forma de alimentar unha criatura nunca debería depender da presión, da desinformación, da soidade...

Para pechar esta Semana Mundial da Lactación Materna queremos lembrar que apoiar a lactación non significa dicirlles ás mulleres o que teñen que facer. Significa crear as condicións para que cada muller poida tomar decisións libres, informadas e acompañadas.

Porque cando unha sociedade sostén ás familias, tamén está a protexer a lactación.

E iso... tamén alimenta.

Consellería de Sanidade
Fabiola García Familias Galegas

06/08/2026

A Semana Mundial da Lactación Materna tamén é unha oportunidade para desmontar algúns mitos e achegarnos ao que nos di a evidencia científica.

💜 Sabías que…?

✔ Moitas dificultades na lactación poden mellorar cando se identifican a tempo e as familias reciben información e apoio adecuados. Pedir axuda non é un fracaso: forma parte do camiño.

✔ O apoio emocional tamén inflúe na fisioloxía da lactación. Sentirse segura, escoitada e acompañada favorece a liberación de oxitocina, a hormona implicada no reflexo de eyección do leite. O estrés intenso, pola contra, pode dificultalo de maneira transitoria.

✔ A succión non nutritiva tamén ten unha función. Ademais de alimentarse, as criaturas maman para regularse, atopar co***lo, fortalecer o vínculo e favorecer o seu desenvolvemento.

✔ O contacto pel con pel segue sendo beneficioso moito despois do parto. Axuda á regulación da temperatura, da frecuencia cardíaca, do estrés e fortalece a relación entre o bebé e a nai.

✔ A lactación tamén favorece a regulación emocional. A proximidade, o contacto, a mirada, a voz e a succión contribúen a que a crianza se sinta segura mentres aprende, pasiño a pasiño, a regular as súas emocións.

✔ A rede de apoio forma parte da lactación. A parella (de ser o caso), a familia, as amizades, os grupos de apoio, as asesoras e as profesionais sanitarias tamén sosteñen a lactación. Amamantar non é unha tarefa individual, senón comunitaria.

Cando realmente coñecemos como funciona e todo o que supón a lactación para a díada, é máis doado acompañar sen xuízos e ofrecer o apoio que realmente necesitan as familias. Por iso é tan importante formarse.

Mereces, merecedes un acompañamento respetuoso, cálido e con persoas actualizadas..

📝 E como a lactación, igual que o coñecemento tamén se constrúe compartindo; e está demostrado que sí funciona... Propoñémosvos, xa que este carrusel non está de todo completo, que si cres que falta algunha idea, algunha matización ou che gustaría ampliar algún dos puntos, escríbenolo nos comentarios. Seguro que entre todas enriquecemos está publicación...

BBTTANaron

04/08/2026

Onte tivemos a oportunidade de levar a voz de BBTTA á radio.

Isaura e Diana falaron da lactación, pero sobre todo falaron das persoas.

Porque detrás de cada lactación hai unha familia que merece ser escoitada, respectada e acompañada.

Falaron da importancia de que as familias poidan acceder a información baseada na evidencia.

Da necesidade de que cada vez máis profesionais conten con formación específica en lactación.

E tamén do valor dos Grupos de Apoio á Lactación Materna, de BBTTA, onde as dúbidas atopan resposta con información actual e baseada na evidencia. Espazos onde os medos atopan comprensión e as familias descobren que non teñen que vivir este camiño soas.

En BBTTA levamos máis de dúas décadas acompañando sen xuízos, respectando cada historia e cada decisión.

Porque non se trata de dicir ás familias o que teñen que facer.

Trátase de ofrecer un lugar seguro onde poidan recuperar a confianza no seu propio criterio.

Grazas, isauramatrona e por representar con tanta sensibilidade o que significa formar parte de BBTTA.

E grazas a todas as familias que, coas súas experiencias, seguen lembrándonos cada día por que existen os Grupos de Apoio á Lactación Materna. Porque BBTTA segue sendo importante...

🎙️ Se non puideches escoitar a entrevista, deixámoscha aquí: https://www.cope.es/emisoras/galicia/a-coruna-provincia/ferrol/noticias/bbtta-recuerda-naron-semana-mundial-lactancia-materna-sanitarios-todavia-no-formados-20260804_3415176.html

BBTTANaron

BBTTA

07/09/2026

02/09/2026

31/08/2026

27/08/2026

24/08/2026

13/08/2026

10/08/2026

07/08/2026

06/08/2026

04/08/2026

Dirección

Horario de Apertura

Teléfono

Página web

Notificaciones

Contacto La Organización

Atajos

Compartir

Solicitud de retirada del anuncio