Biblioteca Pública Municipal de Narón

16/06/2026

☀️📚 Chega a nova estación... e tamén os Préstamos de verán da biblioteca!

✈️🏕️ Sabemos que durante estes meses moitas persoas aproveitades para viaxar, descansar ou pasar unha tempada fóra da casa. Por iso queremos que non teñades que renunciar á lectura nin estar pendentes das datas de devolución.

📖⏳ Para que poidades levar as vosas lecturas sen preocupacións seleccionamos unha variedade de libros cuxo prazo de préstamo ampliamos ata o 30 de setembro.

Achégate á biblioteca a partir do luns 22 de xuño, descubre os títulos seleccionados e prepara a túa maleta lectora para este verán. 🌊🏖️📖

A tamén participa desta proposta nas mesmas datas e co seu horario de apertura de verán:

▪ luns de 10:30 a 13:30.
▪ martes de 18:00 a 21:00.
▪ xoves de 18:00 a 21:00.

15/06/2026

🗣️ Rematamos tamén a tempada 2025-2026 das Mesas de conversa en inglés da biblioteca!

Ao longo destes meses, persoas de diferentes idades e niveis compartiron tempo, experiencias e moitas conversas, convertendo cada encontro nun espazo para practicar o idioma dun xeito ameno, participativo e enriquecedor. 📚✨

Grazas a todas as persoas que formastes parte desta actividade polo voso interese, compromiso e ganas de aprender. 😊

📸 Compartimos algunhas imaxes desta última xornada, coa vista posta xa na próxima tempada, na que agardamos volver contar coa vosa participación.

See you soon! 👋📖

15/06/2026

🏆📚 A literatura de Julian Barnes ocupa estes días un lugar destacado na nosa biblioteca.

Tras a concesión do Premio Princesa de Asturias das Letras 2026 ao escritor británico, preparamos unha pequena mostra bibliográfica coa súa obra para achegar ás persoas lectoras algunhas das súas novelas máis recoñecidas.

📖 A exposición xa está dispoñible na planta baixa da sala de adultos/as e poderá visitarse dende hoxe, 15 de xuño, ata o vindeiro 26 de xuño.

Esta é unha boa oportunidade para descubrir —ou redescubrir— a voz dun dos autores máis relevantes da literatura contemporánea.

📍 Agardámosvos na biblioteca! 😊📚

15/06/2026

🎷 Esta semana, no espazo Coa música a outra parte, lembramos a Ella Fitzgerald cando se fan 30 anos do seu falecemento.

🎶 Coñecida como a "Raíña do jazz " ou a "Primeira dama da canción", Ella Fitzgerald deixou unha pegada imborrable na historia do jazz. Para anunciar a hora de peche da biblioteca escollemos "Let's Fall in Love", unha das cancións que mellor amosan a elegancia e a calidez da súa interpretación; un clásico que nos acompañará nos últimos minutos de apertura ao longo desta semana.

Provided to YouTube by Universal Music GroupLet's Fall In Love · ...

13/06/2026

🎨🧩 Esta mañá convertemos a biblioteca nun pequeno obradoiro cheo de cor.

Nenos e nenas achegáronse á figura de Antoni Gaudí e descubriron o trencadís, experimentando e creando os seus propios mosaicos nunha actividade moi especial para conmemorar o centenario da súa morte ✨

Grazas aos e ás participantes por encher o espazo de arte, curiosidade e ganas de aprender 😉

📸 Compartimos algunhas imaxes desta xornada tan creativa.

12/06/2026

🕰️📚 Co desta semana presentámosvos "Cada noche a las nueve", de Julian Gloag, unha novela que se converteu nun clásico contemporáneo do suspense psicolóxico e da literatura gótica. 🌙✨

🏚️🔍 Esta historia explora os segredos familiares, as crenzas que marcan as nosas vidas e os límites entre a inocencia e a escuridade. É un libro perfecto para quen goza das lecturas que deixan unha estraña sensación ao pechar a última páxina... e que continúan dando voltas na cabeza moito despois. 📖🖤

11/06/2026

📚✨ A saca hoxe a circulación un novo lote de novidades infantís con obras de temática diversa entre as que se atopan unha publicación de non ficción e varios contos de aventuras, humor, vida cotiá e animais. 🦁🚀😂

🏃‍♀️🏃‍♂️ Corre a este dispositivo co teu carné da rede de bibliotecas para levalas en préstamo. 📖💳

🕔 Horario de apertura: de luns a venres, de 17:00 a 19:00. ⏰📅

10/06/2026

🏍️📚 Viaxar miles de quilómetros, atravesar fronteiras e converter a experiencia nun libro.

O mércores 17 de xuño ás 18:00 horas recibiremos na biblioteca a Paula Belenda para a presentación de "Expedición en solitario al corazón del mundo", unha obra nacida dunha viaxe en moto por Asia Central ata Irán.

A autora compartirá co público a experiencia desta aventura, acompañada por Paula Paz, nun encontro arredor das viaxes, da liberdade e do descubrimento persoal 🌍

👉 Toda a información a nosa web: bit.ly/4vcyO3i

10/06/2026

📚✨ A partir desta tarde estarán dispoñibles para préstamo novas incorporacións ao fondo de ficción para persoas adultas. Trátase de dez novelas de temática moi diversa para ofrecer lecturas para todos os gustos: vida cotiá, novela histórica, de intriga, detectivesca, biográfica, sobre a diversidade sexual e as cuestións sociais... 📖🌍

📝 Ademais, incorporamos dous novos poemarios. Entre eles atópase "Luz de obra", de Darío Barro, presentado recentemente na biblioteca e doado polo propio autor. 💙

Achégate á biblioteca, bótalles unha ollada e descubre a túa próxima lectura. 📚😊

09/06/2026

📚 Pechamos esta tarde a tempada do Club de lectura xeral cunha conversa arredor de “Los asquerosos”, de Santiago Lorenzo, unha novela que deu para compartir reflexións, risas e máis dunha identificación co peculiar “retiro” do seu protagonista.

🙌 Queremos dar as grazas a todas as persoas membros do club por acompañarnos un ano máis, por facer de cada sesión un espazo de encontro, intercambio e descubrimento.

🔔 E para quen teña ganas de sumarse á aventura lectora o vindeiro curso: permanecede atentos e atentas ás nosas redes, porque durante o verán anunciaremos o prazo de inscrición para a nova tempada do club.