Servizos Sociais Concello de Mondoñedo

17/08/2026

🌍 Os nosos nenos e nenas do campamento coidan do Concello!

Os/as máis peques tiñan unha súper misión: cambiar o mundo! 🚀

Durante a mañá do pasado venres, realizaron unha actividade de sensibilización ambiental. Saíron á rúa para demostrar que o coidado do planeta comeza precisamente aquí: nas nosas rúas, prazas e parques. 🌳🏢

Os obxectivos desta experiencia foron:
• ♻️ Aprender a reciclar: Descubrir como usar correctamente os diferentes colectores de reciclaxe.
• 👁️ Observar a contorna: Analizar as rúas e zonas verdes ao tempo que comprenden o impacto de todo o lixo que se xera no entorno e a importancia de reducir o consumo de plásticos.
• 🤝 Conciencia ecolóxica: Demostrar que coidar o noso entorno é tarefa de todos e todas, traballando en coordinación e valorando o esforzo en equipo.
• 💡 Aprendizaxe activa: Preservar o medio ambiente como unha ferramenta educativa, unindo a teoría coa práctica para lograr un impacto visible e positivo.
• 🚸 Respecto polo común: Aprender a respectar o espazo que compartimos cos demais, demostrándolles que as súas accións teñen un valor real no día a día.

Unha experiencia compartida que deixa pegada e que os/as axuda a valorar e protexer os espazos nos que xogan cada día.

12/08/2026

PROGRAMA DE RESPIRO FAMILIAR 🫂

➡️ O obxecto do programa é a concesión de axudas económicas dirixidas a aquelas persoas coidadoras habituais non profesionais que atendan de forma continuada a unha ou máis persoas dependentes ou con discapacidade ou en situación de necesidade de terceiros para as actividades da vida diaria

📌 Para facilitar o descanso e a conciliación da vida persoal, familiar e laboral das persoas coidadoras hai 3 modalidades de achegas nesta convocatoria: respiro no fogar, respiro nun centro de día ou respiro nunha residencia

📆 As solicitudes poderán realizarse ata 15 de outubro

Máis información
https://sede.xunta.gal/detalle-procedemento?langId=es_ES&codtram=BS614B

E no departamento de Servizos Sociais do Concello e no 982 524 003-ext 8

11/08/2026

Obradoiro "Con voz propia: empoderamento, igualdade e prevención da violencia de xénero"💜

Impartido pola Asociación BUMEI en colaboración co Concello de Mondoñedo

📅 Data: 14 de agosto
⏰Horario: 11:00 -12:30 h
🏢Lugar: sala multiusos do Pazo San Tomé de Mondoñedo

O obxectivo desta actividade é reforzar a autoestima, impulsar o empoderamento persoal e ofrecer ferramentas clave para detectar e previr a violencia de xénero nun espacio seguro, participativo, respetuoso e transformador

Máis información nas oficinas de servizos sociais e no teléfono 982 524 003- extensión 8

12/06/2026

PROXECTO ALOUMIÑOS

O Concello de Mondoñedo informa da posta en marcha do Proxecto Aloumiños.

Este proxecto é unha iniciativa dirixida á poboación adulta, prioritariamente ás persoas maiores de 55 anos.

Ten como obxectivo promover hábitos e entornos saudables, crear espacios de benestar e promover a calidade de vida, o apoio social e as relacións interpersoais. tamén busca reducir a sensación de soidade, promover a adherencia a tratamentos de saúde.

Vaise realizar na escola de Vilamor os luns de 11:00 h a 12:30 h.

As persoas interesadas poden poñerse en contacto con Nerea, educadora social do proxecto no teléfono 694 314 515 ou acudir ao Departamento de Servizos Sociais do Concello de Mondoñedo.

09/06/2026

CAMPAMENTO DE VERÁN 2026⚽️🏓🥅🛝🛼🤸‍♂️⛹️‍♀️🎤🎲♟️🧩

➡️Dirixido a nenos e nenas de 3 a 12 anos👦👧

📍 Lugar: recinto do CEIP Álvaro Cunqueiro Mora (colexio novo)

📆Datas: desde o 22 de xuño ata o 4 de setembro

🖊️ Prazo de inscrición: ata o 19 de xuño nas oficinas de servizos sociais do Concello de Mondoñedo

☎️ 982 524 003-ext 8

29/05/2026

📣 BENESTAR EN BALNEARIOS💦🚿⛲️

➡️ A Xunta de Galicia volve a poñer en marcha o programa Benestar en Balnearios pensado para seguir gañando en saúde e calidade de vida, a través do descanso e dos beneficios das augas termais.

Dirixido a:
👥 Persoas maiores de 60 anos residentes en Galicia, así como a persoas pensionistas maiores de 55 anos. Poden asistir con acompañante e no caso de ter un fillo ou filla cun grao de discapacidade igual ou superior ao 33% tamén pode participar.

🔵 En que consiste?
Estadías de 10 días e 9 noites en réxime de pensión completa -inclúe aloxamento, almorzo, xantar e cea- a escoller entre 15 balnearios de Galicia, con quendas dispoñibles entre xullo e decembro de 2026 así como tratamentos termais e actividades socioculturais.

📆 Prazo de solicitude
Ata o 26 de xuño de 2026

✏️ Solicitude
Preferentemente a través da sede electrónica da Xunta de Galicia (procedemento BS607A)
Presencialmente nas oficinas de atención á cidadanía e de rexistro da Xunta, ou nas oficinas de Correos.

📍 Máis información:
Pode acudir ao Departamento de Servizos Sociais do Concello e no teléfono 982 524 003-ext 8.

https://politicasocial.xunta.gal/gl/recursos/plans-e-programas/benestar-en-balnearios
https://sede.xunta.gal/detalle-procedemento?langId=es_ES&codtram=BS607A

24/04/2026

PROGRAMA FSE+ DE ASISTENCIA MATERIAL BÁSICA

Aberto o prazo para solicitar as axudas do Programa FSE+ de asistencia material básica (Programa Básico) na Comunidade Autónoma de Galicia, cofinanciado pola Unión Europea.

Ten como finalidade facer fronte á privación material das familias máis desfavorecidas con menores a cargo, a través dun sistema de tarxetas e/ou vales físicos ou electrónicos intercambiables por alimentos e outros produtos de asistencia material básica, así como apoiar a súa inclusión social, a través das medidas de acompañamento que se establezan.

REQUISITOS DOS DESTINATARIOS DO PROGRAMA
-Formar parte dunha unidade de convivencia con, polo menos, unha persoa menor ao seu cargo.

-Vivir en fogares cuxos ingreso por unidade de consumo sexan inferiores ao 40% da renda mediana nacional (8.146,93 €). Para estes efectos computaranse a totalidade dos ingresos que perciben as persoas integrantes da unidade de convivencia obtidos durante os seis meses inmediatamente anteriores á solicitude de acceso ao programa.

-Estar empadronado nalgún municipio da Comunidade Autónoma de Galicia.

Máis información no departamento de Servizos Sociais e no teléfono 982 524 003- extensión 8

16/04/2026

A concelleira de Servizos Sociais visitou a Oficina Móbil do retorno "Benvidos a Galicia"

Está ubicada na praza do concello, durante o día de hoxe ata as 14:00 h

Dende o Concello de Mondoñedo animamos ás persoas interesedas a achegarse á unidade móbil a informarse

07/04/2026

📣 OFICINA MÓBIL DE RETORNO “BENVIDOS A GALICIA"

▶️Consiste nun punto de atención presencial de información para os galegos e galegas que retornan e as súas familias co obxectivo de favorecer a integración sociolaboral en Galicia de toda a familia que retorna.

📅Estará en Mondoñedo o próximo xoves, 16 de abril en horario de ⏰ 9:00 a 14:00 h.

📍Ubicarase na praza do concello

➡️ Os servizos que se prestarán, preferentemente baixo cita previa serán entre outros:
• Temas administrativos anteriores e posteriores ao retorno
• Prestacións, subvencións e axudas
• Asistencia sanitaria
• Vivenda e formación
• Orientación laboral e emprego

✏️ Se prefires podes pedir cita previa en
https://emigracion.xunta.gal/es/actividad/retorna/oficina-movil-cita-previa

☎️ Máis información no teléfono 900 102 380 ou achegándote ao Departamento de Servizos Sociais do Concello e no 982 524 003-ext 8

03/03/2026

🟣Actos centrais polo 8 de marzo, Día Internacional das Mulleres

O 8M achégase a Mondoñedo cunha mensaxe clara: igualdade, memoria e futuro.
Este venres presentamos o novo panel da exposición permanente "A historia de Mondoñedo leva nome de muller" e compartimos a declaración “Mondoñedo en Igualdade”.
Seguimos avanzando, xuntas e xuntos.