Lunes 09:00 - 15:00 Martes 08:30 - 15:00 Miércoles 08:30 - 15:00 Jueves 08:30 - 15:00 Viernes 08:30 - 15:00

Concello de Moeche

Casa
España
Moeche
Concello de Moeche

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Concello de Moeche, Ayuntamiento, Rúa da feira, 32/San Ramón/San Xoán, Moeche.

05/09/2026

📸 UNHA XORNADA KINKI EN MOECHE 🛵

Hoxe recibimos ao Vespa Club Golfos e Kinkis de Ferrol na súa 4ª Kinkis in the Night, cunha parada xunto ao noso Castelo de Moeche.

Despois, o concelleiro de deportes Miguel Pedreira acompañounos na visita á Mina Piquito, unha das xeorutas imprescindibles no Xeoparque Mundial da UNESCO Cabo Ortegal.

Grazas ao Vespa Club Ferrol Golfos & Kinkis por elixir Moeche un ano máis e polo agasallo ☺️

05/09/2026

🐸 "NANO VAI A ESCOLA" EN MOECHE
Este sábado gozamos dun espectáculo entrañable na Casa do Concello coa historia de Nano, unha ra pequena que se enfrontaba á súa primeira vez na escola.

Os máis pequenos da casa (e os non tan pequenos!) pasaron unha mañá estupenda acompañando a Nano no seu camiño, descubrindo canto vale ter personalidade e lingua propia. 💚🐸

Grazas a todas as familias que vos achegastes a compartir esta actividade con nós.

📸 Aquí vos deixamos algúns momentos da xornada

04/09/2026

🛵 MOECHE VOLVE SER ZONA KINKI! 🛵

Este sábado 5 de setembro o Vespa Club Golfos e Kinkis de Ferrol chega a Moeche coa súa 4ª edición de Kinkis in the Night.

A ruta inclúe unha visita guiada á Mina Piquito, grazas á colaboración do Concello e do Xeoparque Mundial da UNESCO Cabo Ortegal.

Desde o Concello de Moeche queremos agradecer ao Vespa Club Golfos e Kinkis de Ferrol que volvan a elixir Moeche para a súa ruta.

Benvid@s! 🏍️✨

31/08/2026

🥳 Despedida do verán coa Festa de Pixamas! 🛏️

Hoxe o campamento despediu o mes de agosto por todo o alto cunha festa final coa temática dos pixamas! Os nenos e nenas gozaron de diversos xogos con almofadas, unha deliciosa merenda e a proxección da película Chicken Run en versión galega, todo acompañado de ricas pipocas 🍿🎬.
Ademais, tamén houbo tempo para bailar e dar o mellor de si mesmos no karaoke! 🎶🕺💃

Como colofón á xornada, a concelleira de Igualdade, Cristina García, fixo entrega dos diplomas aos nenos e nenas participantes 🎉📜.

Por último, dar as grazas a todas as familias por confiar un ano máis no campamento Sementeira.

Actividade cofinanciada polo "Plan Corresponsables. Ministerio de Igualdad, Gobierno de España».

31/08/2026

🐓 Levántate Xan! — Ler Conta Moito 2026

Este sábado as familias achegáronse ao concello para vivir un día na granxa de Xan, con animais, cantigas... e moita maxia 💛

Grazas a tod@s por vir! Seguimos a fomentar a lectura dende os primeiros anos 📚

31/08/2026

🐸 "NANO VAI A ESCOLA" – ESPECTÁCULO INFANTIL

📅 Sábado 5 de setembro
🕦 11:30 h
📍 Casa do Concello de Moeche

Nano é unha ra pequena que vive cada día unha nova aventura, porque cando se é tan pequeno ata as cousas máis sinxelas se converten nun gran reto.
Agora Nano vai vivir unha experiencia moi especial: vai ir por primeira vez á escola! 🎒
Como se enfrontará Nano a esta nova etapa desde a súa condición de galegofalante? Acompáñao neste camiño no que irá descubrindo que, nun lugar tan diverso como a escola, ter personalidade e lingua propia é o mellor apoio para medrar con seguridade. 💚

👨‍👩‍👧‍👦 Espectáculo para todos os públicos, especialmente pensado para os máis pequenos da casa.

https://redecultural.gal/events/nano-vai-a-escola-6/

28/08/2026

🧶 Última semana: as nosas Labores! 🪡
Esta última semana estivo dedicada ás labores tradicionais. Os nenos e nenas elaboraron as súas propias zocas 👞, crearon un chaveiro coa súa inicial utilizando fíos 🧵, fixeron as súas propias pulseiras 📿 e elaboraron un posavasos inspirado na tradicional cerámica de Sargadelos 💙.

Ademais, realizaron unha lámina cos diferentes nós empregados polos mariñeiros ⚓🪢, aprenderon a coser o seu propio peixe 🐟 e plantaron a súa propia planta 🌱.
Non faltaron tampouco os xogos dinámicos, como o calambre e o xogo dos números 🎲🤸‍♀️.

📌 E o luns toca despedir o verán coa festa final da quenda de agosto! 🎉💤

26/08/2026

𝐏𝐫𝐨𝐠𝐫𝐚𝐦𝐚 𝐀𝐥𝐨𝐮𝐦𝐢𝐧̃𝐨𝐬
O Concello continúa nestes meses de verán co programa de envellecemento activo Aloumiños, un proxecto contra a soidade non desexada que procura facilitar a autonomía persoal a participación social a través de espazos de encontro e actividades específicas para as persoas maiores. Moeche sumouse de novo a este programa promovido polo Colexio de Educadoras e Educadores Sociais de Galicia con apoio da Consellaría de Sanidade, ampliando deste xeito o conxunto de actividades municipais específicas para as persoas maiores.

24/08/2026

Levántate Xan! 📖 LER CONTA MOITO 2026

É noite na granxa de Xan. Soa un espertador. Como todas as mañás o galo érguese antes de que saia o sol, sobe ao alto do tellado e disponse a cantar dándolle permiso ao sol para que apareza detrás das montañas. Pero ese día algo sae mal. O galo non ten forzas para cantar; e se o galo non canta todo o mundo sabe que o sol non se levanta… Non será que Xan se esqueceu de darlles a cea aos animais antes de ir para a cama a noite anterior?

Unha función chea de animais, pequenas historias e cantigas para recrear o día a día na granxa de Xan.

Data: sábado, 29 de agosto de 2026

Horario: ás 11:30 h (duración aproximada 35 minutos)

Lugar: Casa do Concello - Biblioteca municipal.

Destinatari@s: recomendado para nenos e nenas de 0 a 3 anos e as súas familias.

23/08/2026

Rematou o Festival Irmandiño, logo de tres días que encheron o val de San Xurxo de boa música, xogos, deporte, cultura, historia, tradición e o bo ambiente do "Irmandiño" desde hai 47 anos.

Desde o Concello queremos agradecer a colaboración e o bo traballo dos membros de Protección Civil do Concello de Narón e do Concello das Pontes, así como a colaboración do Concello de Cerdido e do Concello de San Sadurniño, da veciñanza que prestou as parcelas dos aparcadoiros, ao Club Deportivo 21 Leguas pola organización do Trail Castelo de Moeche e, nomeadamente, ás moitas persoas voluntarias que botan unha man, xunto coa entidade organizadora, a A.C. Irmandiños de Moeche, para a celebración existosa dunha nova edición do Festival Irmandiño.

Dirección

Rúa Da Feira, 32/San Ramón/San Xoán
Moeche
15563

Horario de Apertura

Lunes	09:00 - 15:00
Martes	08:30 - 15:00
Miércoles	08:30 - 15:00
Jueves	08:30 - 15:00
Viernes	08:30 - 15:00

Página web

http://www.moeche.gal/

Notificaciones

Sé el primero en enterarse y déjanos enviarle un correo electrónico cuando Concello de Moeche publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.