Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello de Mazaricos

Casa
España
Mazaricos
Concello de Mazaricos

Páxina de Facebook do Concello de Mazaricos
(1)

02/09/2026

A unidade móbil da Axencia Galega de Doazón de Sangue estará en A Picota, no Campo da Feira, para facilitar que a veciñanza poida realizar a súa doazón.

🩸 Xoves, 3 de setembro
⏰ De 16:00 a 21:00 horas
📍 A Picota (Mazaricos)

A doazón de sangue é un acto solidario que sostén a vida de milleiros de persoas cada ano. Nun concello como Mazaricos, cunha comunidade activa e comprometida, cada doazón suma e marca a diferenza.

Se vas doar, lembra: almorzar antes, esperar 2 horas despois de xantar, levar DNI ou tarxeta de doazón e evitar comidas moi copiosas.

Grazas por ser parte desta cadea de vida.

01/09/2026

🎶 Xabier Díaz e Adufeiras de Salitre na Picota

Este sábado 12 de setembro ás 19:00 h, celebramos o centenario da fundación da Picota cun concerto moi especial de Xabier Díaz & Adufeiras de Salitre no Campo da Feira da Picota. Un ritual vivo onde a tradición galega cobra nova forza e onde o legado das nosas avoas se transforma en música compartida.

O evento celébrase en colaboración coa Rede Cultural da Deputación da Coruña.
Haberá sillas para o público.
Se hai ameaza de choiva, trasladarase ao Auditorio da Casa da Cultura.

Unha ocasión perfecta para g***r da música galega en comunidade.

31/08/2026

💧 Corte de auga este martes 1 de setembro na Picota, Colúns e Lago

Este martes 1 de setembro realizarase un corte temporal de subministración de auga por mor dunha reparación necesaria na rede. A interrupción afectará á parte baixa da Picota e ás zonas de Colúns e Lago.

O corte terá lugar entre as 9:30 e as 12:30 da mañá.

Estas intervencións son fundamentais para garantir un servizo seguro e estable en todas as vivendas e explotacións. Agradecemos a comprensión da veciñanza.

31/08/2026

🎉 HOXE, FESTA NA PISCINA! 🎉

Esta tarde temos INCHABLES na Piscina Municipal da Picota, dende a hora de apertura de tarde. Auga, xogos e moita diversión para rematar o verán por todo o alto!

☀️ E lembrade: a piscina permanecerá aberta ata o 6 de setembro. Aproveitade os últimos días da temporada!

31/08/2026

⏰ É hoxe!

🏐 O Club Voley Dumbría celebra esta tarde a súa xornada de portas abertas no Pavillón Municipal da Picota.

🕕 Hoxe, de 18:00 a 19:15 h
📍 Pavillón Municipal da Picota

👥 Aberta a todas as idades, sen experiencia previa

Quen queira probar só ten que achegarse con roupa e calzado deportivo. Para quen hoxe non poida, a actividade repítese o mércores 2 á mesma hora.
Animádevos a coñecer o voleibol en Mazaricos! 🏐

ℹ️ Máis información: Club Voley Dumbría

27/08/2026

🏐 O voleibol chega a Mazaricos!

O Club Voley Dumbría abre as portas dos seus adestramentos no Pavillón Municipal da Picota para que calquera persoa do concello poida achegarse a probar, sen compromiso e sen experiencia previa.

📅 Luns 31 de agosto e mércores 2 de setembro
🕕 De 18:00 a 19:15 h
📍 Pavillón Municipal da Picota

Só precisas traer roupa e calzado deportivo e moitas ganas de xogar. Unha boa ocasión para iniciarse nun deporte de equipo que segue medrando na comarca.
Ven probar connosco. Anímaste?

ℹ️ Máis información: Club Voley Dumbría (Facebook)

25/08/2026

A senda do Xallas xa está en marcha

Comezaron as obras da nova senda do Xallas, un itinerario de 65 km que unirá natureza, paisaxe fluvial e patrimonio.

En Mazaricos estará o tramo máis longo e diverso do percorrido: 36 km que atravesan espazos únicos como a Devesa de Anllares, o embalse de Santa Uxía, a fervenza de Noveira ou O Fieiro. Unha oportunidade para poñer en valor o noso territorio e reforzar o turismo de natureza, pero tamén para que a veciñanza redescubra o Xallas dun xeito diferente.

Mazaricos será o corazón desta nova ruta.

https://www.lavozdegalicia.es/noticia/barbanza/2026/08/25/arranca-mazaricos-construccion-senda-turistica-larga-barbanza/0003_202608B25C5993.htm

24/08/2026

Turismo científico no Monte Pindo

A Deputación da Coruña achega 86.636 € para reforzar a sinalización e a promoción de tres rutas clave no Monte Pindo, entre elas a que vai do Fieiro á Moa, nun proxecto conxunto entre Dumbría, Carnota e Mazaricos que aposta por un turismo sostible, seguro e vinculado ao coñecemento científico.

Un paso máis para poñer en valor este espazo único da Costa da Morte, ao que tamén se pode acceder dende Mazaricos, e atraer visitantes durante todo o ano, creando novas oportunidades para o territorio e para a súa xente.

21/08/2026

Concurso de Fotografía 2027 📸

O Concello de Mazaricos lanza unha nova edición do concurso para crear o calendario municipal do vindeiro ano. Nesta ocasión, convidamos a mirar o noso territorio a través dun tema que nos define: a paisaxe de pedra, tanto natural como humanizada. Un patrimonio que fala de quen somos e do que construímos colectivamente.

Se tes unha foto feita en Mazaricos, horizontal e sen persoas recoñecibles, anímate a participar. As 12 imaxes seleccionadas recibirán 50 € en vales de compra nos establecementos locais.

📅 Prazo límite: 31 de outubro
📨 Envío: [email protected]

A pedra é memoria, identidade e territorio. Descubre, captura e comparte Mazaricos.!!

20/08/2026

OPERATIVO DE SEGURIDADE VIARIA

A Agrupación de Voluntarios de Protección Civil vén de realizar un amplo operativo de seguridade viaria en todo o termo municipal. Durante varios días aplicouse sinalización horizontal nas rúas urbanas da Picota e de Pino de Val, así como nos principais cruces das 12 parroquias.

Foron máis de 250 intervencións, unha cifra que reflicte a dimensión do noso territorio e o uso intensivo da rede viaria local, fundamental para a vida diaria da veciñanza e para a actividade agraria que sostén Mazaricos.

Un traballo que reforza a seguridade, mellora a mobilidade e contribúe a coidar un concello rural que non deixa de medrar e avanzar grazas ao esforzo colectivo.

Dirección

Avenida 13 De Abril, 59
Mazaricos
15256

Horario de Apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Página web

http://www.mazaricos.gal/

Notificaciones

Sé el primero en enterarse y déjanos enviarle un correo electrónico cuando Concello de Mazaricos publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.