PSOE Concello de Lugo

28/08/2026

Menos fotos e máis rigor, señora Candia. 📸❌

Moito colgarse medallas, pero a realidade é que a nova ARI da Milagrosa e Feijoo é posible porque o Goberno de España achega o 60% dos 13,58 millóns de euros para rehabilitar máis de 4.000 vivendas (ata 54.000 € por fogar).

A Elena Candia e ao PP encántalles presumir e apropiarse do traballo e dos cartos que pon o Goberno central mentres esquecen a lealdade institucional máis básica.

Fronte ao seu postureo e propaganda, o PSOE responde con feitos, investimento real e vivenda digna para a veciñanza de Lugo. 🌹

21/08/2026

Memoria e coherencia política: cando Elena Candia estaba na oposición aplaudía as trabas da Xunta á praia fluvial (mexillóns, nenúfares e todo o que servise para frear o proxecto).

Hoxe, en vez de esixir solucións aos seus compañeiros de partido en Santiago, pretende trasladarlle o problema á Deputación de Lugo.

20/08/2026

05/08/2026

Hai quen fala de participación... e hai quen a recorta.

A primeira decisión de Elena Candia na Comisión de Festas non foi abrir espazos de diálogo. Foi quitarlle representación ao Grupo Socialista para facerlle sitio á tránsfuga.

📌 Iso non vai de cadeiras. Vai de representación democrática.

Porque cando se reduce a presenza dun grupo político, tamén se está reducindo a voz das persoas que decidiron apoialo co seu voto.

As institucións non están para pagar intereses políticos nin para alterar o que decidiron as urnas.

Respectar a democracia tamén significa respectar a representación que a cidadanía expresou co seu voto.

23/07/2026

📹👀

📞 O comodín da chamada. Ese foi o gran protagonista das comisións de hoxe.

Pero houbo moito máis: expedientes sen todos os informes, convenios que só existen de palabra, preguntas sen contestar e unhas formas que din moito de quen hoxe está á fronte do Concello.

🎥 Ángeles Novo repasa unha cadea de improvisacións e chapuzas que retratan á perfección a maneira de gobernar do PP.

👉 Dálle ao play.

30/06/2026

❌ Un pantalán provisional durante 10 días NON é unha praia fluvial.

Candia pretende vender aos lucenses unha realidade que non existe, aproveitando o traballo dos clubs deportivos e unha autorización temporal para unha proba deportiva.

📍 Non hai vestiarios.
📍 Non hai socorrismo.
📍 Non hai zona de lecer.
📍 Non hai accesos seguros nin garantías para o baño.

Lugo merece unha auténtica praia fluvial, non propaganda nin filtracións interesadas para fabricar titulares.

➡️ Esiximos que o Goberno municipal deixe de manipular e cumpra a folla de ruta que deixou preparada o anterior Executivo para desenvolver a praia fluvial entre Os Robres e a Fábrica da Luz, xunto coa piscina pública dos Robles

20/06/2026

É deplorable que a Alcaldía de Lugo torpedee un acto sobre Memoria Democrática co Secretario de Estado baixo escusas inxustificables. Mentres avanzamos co Vello Cárcere, San Simón ou Meirás, o Concello demostra a súa nula vontade política. Unha verdadeira aberración.

19/06/2026

🏳️‍🌈 A unha semana da celebración do Día do Orgullo LGTBIQ+, seguimos sen coñecer ningunha programación por parte do Goberno de Candia. A nosa pregunta foi clara e directa, pero a resposta foi o silencio.

Esta falta de planificación evidencia unha preocupante ausencia de compromiso cunha data de enorme importancia para a defensa da igualdade, da diversidade e dos dereitos civís. Non contar cun programa definido a estas alturas supón unha falta de respecto institucional cara á sociedade lucense e, de maneira especial, cara ao colectivo LGTBIQ+, que merece o respaldo e a implicación activa das administracións públicas.

Lugo non pode permitirse improvisacións nin desleixo nunha xornada que simboliza a loita contra a discriminación e a favor dunha cidade máis libre, diversa e inclusiva. O Orgullo non é un trámite no calendario: é un compromiso coa igualdade que debe demostrarse con feitos.

04/06/2026

🚨 O suposto “plan de choque” de Candia para o SAF é unha gran operación de propaganda. Mentres vende unha inxección de 900.000 euros como un éxito, o que realmente fai é perdoarlle á Xunta unha débeda competencial que debería asumir integramente. Lugo seguirá pagando cos seus impostos o que lle corresponde financiar a San Caetano.

📊 Os informes da FEGAMP son claros: o custo real do servizo supera os 20-22 €/hora. Aceptar o financiamento insuficiente da Xunta significa condenar ao Concello a un déficit estrutural permanente e romper coa defensa histórica do municipalismo galego.

👩‍⚕️ Ademais, o PP anuncia máis horas de atención sen explicar como van asumir a carga as preto de 200 profesionais do SAF. Máis servizo sobre o papel, pero sen garantías de máis persoal, mellores condicións laborais nin reforzo dos medios materiais.

❌ Mentres o Goberno de España aumentou un 200% os fondos para dependencia en Galicia, Candia prefire actuar como delegada de Rueda antes que defender os intereses de Lugo. Menos propaganda e máis esixir á Xunta o financiamento íntegro que lle corresponde.

03/06/2026

En Lugo hai trucos de maxia que xa coñece todo o mundo.

Durante anos, a Xunta bloqueando proxectos clave para a cidade. Pero chega unha moción de censura, cambia o goberno municipal… e, de repente, aparecen conselleiras, desbloquéanse obras e fálase de “lealdade institucional” como se aquí ninguén tivese memoria.

Serra de Meira, Plan Paradai, Casa Torre, Dona Urraca, Illa Coelleira… promesas, anuncios, fotos e máis fotos mentres Lugo seguía agardando.

E o mellor truco de todos: apropiarse de proxectos que outros deixaron traballados e encamiñados, como os accesos da Intermodal ao centro impulsados co ADIF polo anterior goberno.

Non é maxia. É política feita segundo quen goberne.

E en Lugo, o truco xa está máis que visto.