¿Qué es el sitio web?

Xeodestino Ancares - Terras de Burón

Casa
España
Lugo
Xeodestino Ancares - Terras de Burón

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Xeodestino Ancares - Terras de Burón, Reserva natural, Lugo.

🌿 🏞️ Descobre un territorio natural privilexiado, que atesoura tres Reservas da Biosfera, unha gran riqueza paisaxística e unha cultura local que se mantén viva a través da gastronomía, as tradicións e un rico patrimonio.

04/09/2026

Setembro xa está aquí, pero no xeodestino Ancares - Terras de Burón o ritmo non baixa! 🍃✨

Arrincamos o mes cunha axenda chea de vida, tradición e propostas para todos os gustos do 5 ao 11 de setembro:

🎉 Festas patronais e feiras tradicionais

🚗 Coches clásicos e gastronomía local

🚐 A Furgoteca percorrendo o noso territorio

📚 Presentacións de libros e obradoiros

🧘‍♀️ Retiros e benestar na natureza

Consulta todos os detalles, horarios e paradas na nosa web:

🌐 www.ancaresterrasdeburon.gal

Garda esta publicación e compártea con quen queiras facer un plan este inicio de mes! 👇

31/08/2026

🌌 Sabías que a Reserva da Biosfera Os Ancares Lucenses é un dos mellores lugares de Galicia para ver o ceo nocturno?

🌿A baixa contaminación lumínica, a altitude e a calidade ambiental da nosa montaña fan deste territorio o escenario perfecto para contemplar a Vía Láctea, os planetas e milleiros de estrelas a simple vista. Grazas a estas condicións inmellorables, conta coa certificación oficial de Destino Turístico Starlight.

👉 Descobre no carrusel de que territorio se trata e os mellores consellos para vivir unha experiencia máxica baixo as estrelas! 📸

📖 Queres ler o artigo completo? 🔗https://ancaresterrasdeburon.gal/blog/

28/08/2026

📅 AXENDA SEMANAL: DO 29 DE AGOSTO AO 5 DE SETEMBRO 🌟

Imos rematando o mes de agosto e damos a benvida a setembro coa axenda ben cargada no xeodestino Ancares e Terras de Burón! 🎉

Esta semana agardan por ti festas tradicionais, obradoiros na natureza, rutas culturais, concentracións de clásicos, feiras gandeiras e moito máis para desfrutar do noso territorio.

👉 Desliza o carrusel para descubrir todas as actividades e localizacións! 📸

🔗 E se queres información máis detallada, consulta a nosa web: ancaresterrasdeburon.gal/axenda ou accede directamente a través da ligazón da nosa bío.

Concello de Baleira Concello de Baleira Concello de A Fonsagrada Turismo de Meira Concello de Láncara Concello de Becerreá

26/08/2026

🌿 Se buscas un lugar amplo, ben equipado e rodeado de pura natureza, a Área Recreativa de A Cortevella é unha micropaisaxe perfecta para facer unha pausa e conectar co contorno.

Neste espazo natural atoparás o escenario ideal para desfrutar sen présas:

🌳 Sombra e frondosidade: Trátase dunha zona moi ben conservada e acolledora, protexida pola sombra de grandes carballos e, principalmente, de fermosos castiñeiros.

🌊 O río Eo e o seu meandro: O río Eo, moi preto do seu nacemento en Fonteo, atravesa a área recreativa debuxando un amplo e vistoso meandro que lle dá unha maxia especial ao lugar.

🧺 Pausa e descanso: Un recuncho cheo de espazos agradables para facer un picnic, merendar en familia, sacar fotos, pasear ou simplemente relaxarse escoitando o son da auga.

E ademais, na mesma contorna podes aproveitar para visitar:

🏚️ O antigo muíño situado xusto ao carón do meandro.

🏛️ Mostras da nosa arquitectura rural coma o hórreo no estilo tradicional desta zona e as ouriceiras galegas.

🥾 O punto de partida de varias rutas de sendeirismo para explorar a zona a pé.

📍 Como chegar?

Atópase a uns 20 km do Cádavo. Accédese seguindo a LU-750 (dirección Meira) e tomando o desvío á dereita na altura da Muíña. Dende alí séguense a LU P-5401 ata pasar o lugar de Martín e xírase á dereita pola CP-5403 ata chegar á área.

📲 Prepara a túa visita á montaña!

👉Na nosa web tes a información detallada sobre esta e outras áreas recreativas, mapas e rutas para organizar a túa escapada.

🔗 www.ancaresterrasdeburon.gal

💬 Coñecías xa esta área recreativa a carón do río Eo? Cóntanos nos comentarios! 👇

24/08/2026

⛰️ Sentes a chamada da montaña sobre dúas rodas? En Ancares – Terras de Burón temos o escenario perfecto para ti, sexa cal sexa o teu estilo sobre a bicicleta!

🔥 Para quen busca un reto épico:

Aquí agardan os míticos portos de montaña que foron etapas raíña en probas tan emblemáticas coma La Vuelta. Cumes esixentes, desniveis de lenda e paisaxes que che quitarán o alento mentres pos á proba o teu esforzo e resistencia.

🌿 Para quen prefire o BTT a un ritmo máis tranquilo:

Se o teu é g***r da contorna sen présas, tamén contamos con roteiros BTT. Rutas de montaña para conectar coa natureza, percorrer camiños tradicionais e g***r das vistas .

📲 Preparado ou preparada para pedalear? Poñémoscho facilísimo!

Na nosa web tes dispoñibles os tracks descargables de cada ruta para que os leves no teu GPS ou móbil. Así só terás que preocuparte de subir á bici e deixarte levar!

🔗 Accede a nosa web e vai a sección QUE FACER > Rutas en bicicleta.
https://ancaresterrasdeburon.gal/

💬 Es máis de conquistar portos lexendarios ou de facer rutas en BTT a ritmo tranquilo? Cóntanos nos comentarios! 👇

21/08/2026

Chega unha das semanas máis intensas do verán no xeodestino Ancares e Terras de Burón! Festas tradicionais, música, romarías, obradoiros e moita animación para non parar.

👉 Desliza para ver o resumo dos eventos destes días! 📸

ℹ️ Podes consultar toda a información detallada e os horarios completos na nosa axenda web 👇
🔗 https://ancaresterrasdeburon.gal/axenda/

🔔 Lembra seguir atenta/o ás nosas redes durante a semana por se hai novidades ou novas actividades! 😉

20/08/2026

No corazón da Serra dos Ancares, na pequena aldea de Cabanas Antigas (Cervantes), atópase Las Cabañas de Ancares, un aloxamento rural composto por catro cabanas independentes, con diferentes capacidades para adaptarse tanto a parellas como a familias ou pequenos grupos.

Aquí, o verdadeiro luxo é outro: o silencio, o aire puro e unha paisaxe que invita a desconectar das présas e reconectar coa natureza. A experiencia complétase con obradoiros de elaboración de pan, unha tina nórdica ao aire libre para relaxarse tras un día de montaña e un espazo pet friendly, porque aquí as mascotas tamén son benvidas.

Ademais, en Cabañas de Ancares animan ás persoas visitantes a descubrir o territorio recomendando outras empresas locais onde vivir experiencias, degustar gastronomía ou mercar produtos de proximidade, contribuíndo así a fortalecer a economía e a identidade dos Ancares.

A súa adhesión ao Club de Produto Soy Ecoturista reflicte o compromiso de Cabañas de Ancares coa conservación da contorna, coa posta en valor da Reserva da Biosfera e cun turismo responsable que contribúe ao desenvolvemento do territorio.

💚 Un lugar para descansar, descubrir a montaña e vivir Os Ancares dun xeito auténtico.

17/08/2026

🌿 A montaña de Ancares – Terras de Burón non é só un lugar para visitar: é un territorio para sentir, percorrer e saborear sen présas.

👉Se estás a buscar plans para desconectar e conectar coa contorna este verán, toma nota destas 5 experiencias únicas que che propoñemos na imaxe.

Gústanche estes plans? Entra na nosa web e deseña a túa viaxe!

📲 Descarga as rutas (Slow Driving, BTT e sendeirismo.

🗺️ Deseña os teus propios itinerarios e organiza a túa visita ao teu ritmo.

📅 Consulta a axenda cultural, o calendario de feiras e tódolos eventos actualizados ao día.

👉🔗 Accede directamente dende esta ligazón: https://ancaresterrasdeburon.gal/

💬 Con cal destas 5 experiencias vas comezar? Cóntanos nos comentarios! 👇

14/08/2026

🌿🎉⛹ Chega unha nova semana cargada de plans no xeodestino Ancares e Terras de Burón! Festas patronais, deporte e tradición para seguir desfrutando do verán ao máximo.

ℹ️ Consulta toda a información detallada e horarios na nosa axenda web 👇
🔗 https://ancaresterrasdeburon.gal/axenda/

🔔 Estade moi atentos ás nosas redes ao longo da semana, porque se xorden novas actividades irémosvolas contando por aquí! 😉

12/08/2026

✨ Hoxe viviremos un fenómeno astronómico histórico. Para que este día sexa inesquecible e poidamos desfrutalo ao máximo, é fundamental que coidemos de nós e do contorno natural que nos acolle.

👉 Como podes coidar do espazo natural?🌿:

🚮 Lixo cero: Leva contigo todos os residuos que xeres e usa os colectores dispoñibles. Lembra que as lentes usadas para ver a eclipse van ao colector de 'resto'.

🥾 Sendeiros sinalizados: Segue sempre os camiños marcados e evita pisar vexetación fráxil ou zonas protexidas.

🍶 Obxectos reutilizables: Leva a túa propia botella e fuxe dos plásticos dun só uso.

🦊 Respecta a fauna: Non fagas ruídos excesivos, nin molestes ou alimentes aos animais da montaña.

👉 E mentres agardas polo gran momento, recorda 🌒:

🕶️ Posición segura: Elixe un sitio estable, cómodo e afastado de zonas de risco.

💧 Hidratación e sol: Bebe auga con frecuencia, usa protección solar e busca a sombra mentres agardas o paso da eclipse.

⛰️ Desfruta do momento: Estás nun contorno único; reláxate, conecta coa natureza e prepárate para vivir un espectáculo inesquecible.

💬 Entre todas e todos facemos posible un ecoturismo responsable que protexe e pon en valor a nosa montaña. Cóntanos nos comentarios desde que municipio vas seguir estes consellos! 👇

Dirección

Lugo

Página web

https://ancaresterrasdeburon.gal/deixate-marabillar/, https://whatsapp.com/channel/0029VaYl1Jz90x2s3k0YdT1U, https://anc

Notificaciones

Sé el primero en enterarse y déjanos enviarle un correo electrónico cuando Xeodestino Ancares - Terras de Burón publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.