PSOE Lousame

02/04/2026

A familia socialista lamenta profundamente o falecemento da nai do noso secretario xeral, Jose Ramón Gómez Besteiro.

Nestes momentos de dor, queremos trasladarlle a el e a toda a súa familia o noso agarimo, o noso cariño e o noso acompañamento. Estamos convosco.

Descanse en paz.

30/03/2026

📋 Na última sesión ordinaria, celebrada o xoves 26 de marzo, levamos ao pleno unha moción relativa ao servizo de matrona no centro de saúde de Portobravo.

✅ Finalmente, foi aprobada como moción conxunta, cuestión que celebramos e pola que agradecemos aos restantes grupos políticos o apoio ao texto que impulsamos. 🙏

📌 Ademais, cómpre sinalar que, nun receso que tivo lugar antes da votación para o seu debate entre os concelleiros e as concelleiras, se acordou unha emenda impulsada polo Grupo Popular, de xeito que o punto 2 da proposta de acordo queda finalmente redactado así:

💬 “2.- Trasladarlle á Consellería de Sanidade as fallas no servizo [de matrona] do centro de saúde de Lousame, especialmente no que se refire á falta de persoal e listas de agarda.”

🔎 É dicir, introdúcese a expresión “de matrona”.

🤝 Pola nosa banda, agradecer de novo aos restantes grupos que tivesen a ben apoiar a moción. Seguiremos traballando para conseguir todas as melloras posibles para o noso Concello, cunha oposición constructiva e dialogante. 💪

🔜 ¡Seguimos!

24/03/2026

🏥❗ Lousame precisa un centro de saúde que funcione. E isto xa non pode seguir así.

📢 Desde o PSdeG-PSOE de Lousame queremos informar publicamente sobre a situación que está a vivir o noso centro de saúde. Unha situación que xa trasladamos anteriormente e que, lonxe de mellorar, está a empeorar.

📋 A realidade do noso centro de saúde nos vindeiros meses:

⏳ Só se pode pedir cita dous días ao mes co médico de cabeceira.

🚫 A matrona xa non ten nin citas dispoñibles.

🗓️ Para ver ao médico podes chegar a esperar ata 3 semanas.

👴👵👶 Nun concello rural coma o noso, isto golpea especialmente forte. As nosas persoas maiores, as familias con cativos pequenos, as mulleres embarazadas que non poden ver á matrona… merecen unha atención sanitaria digna e en tempo xusto.

👩‍⚕️👨‍⚕️ Queremos ser claros: o noso persoal sanitario ten todo o dereito ao descanso e merece condicións laborais xustas. Pero a Administración ten a obriga de garantir substitucións e coberturas axeitadas. ⚖️ Unha cousa non pode ir en contra da outra.

🏡 A Xunta de Galicia non pode seguir esquecendo os concellos rurais. A sanidade pública non é un servizo de segunda para quen vive fóra das cidades.

✊ O acceso á sanidade pública é un dereito fundamental, non un privilexio. Desde o PSdeG-PSOE de Lousame seguiremos esixíndoo. 🔴

22/03/2026

07/03/2026

Fochancas 🕳️ en Lousame

13/02/2026

🌹 Mentres o PP intenta colgarse medallas, o PSdeG de Lousame traballa man a man coa Deputación para conseguir un convenio de 204.000€

👉 A institución aportará o 80% do custo de renovar o céspede artificial do campo de Cabanetán

ℹ️ Máis info en https://f.mtr.cool/anzswlomxw

13/02/2026

⚽ GRAN NOTICIA PARA LOUSAME ⚽️

O campo de fútbol de Cabanetán renovará o seu céspede artificial cunha inversión total de 204.781€; e é a con Valentín González Formoso á fronte, quen asume o 80% do custo.

Este logro non chegou só. Detrás desta inversión está o traballo constante e a aposta decidida do PSdeG-PSOE de Lousame, que leva tempo traballando para poñer en valor as necesidades do noso municipio e facer chegar esta demanda ás institucións. A interlocución, a presión e o compromiso do noso voceiro municipal foi clave para que Lousame estea hoxe na axenda da Deputación.

👏🏽Desde o PSdeG-PSOE de Lousame celebramos que a institución provincial, gobernada polos socialistas, dea un paso decidido polos concellos rurais coma o noso. Porque os veciños e os clubes de Lousame merecen infraestruturas deportivas en condicións.

✅ Novo céspede certificado FIFA Quality Pro
✅ Máis seguridade e calidade para os nosos deportistas
✅ A Deputación demostra, unha vez máis, que os concellos pequenos non están sós!

07/02/2026

Foi un auténtico orgullo organizar o cocido deste ano e ver como a nosa familia socialista medra e se fortalece cada día.

Queremos agradecer de xeito especial a presenza de todos os compañeiros e compañeiras das comarcas do Barbanza e do Sar. A vosa compaña non só fixo que o xantar fose un éxito, senón que demostra a unión e a forza que temos no noso territorio. Grazas por vir e por facernos sentir tan ben arroupados!

Unha mención moi especial para o equipo do Restaurante O Trapeiro. Grazas polo voso traballo impecable, polo trato tan profesional e, por suposto, por ese cocido espectacular que nos brindastes. Sen a vosa calidade e esforzo, nada disto sería posible.

Seguimos traballando con ilusión, con ganas e, sobre todo, coa ledicia de saber que contamos cunha rede de persoas marabillosas ao noso carón.

El encuentro tuvo lugar en el restaurante O Trapeiro de Lousame donde degustaron cocido

25/12/2025

Desde a Agrupación Socialista de Lousame queremos expresar o noso máis profundo pesar polo falecemento de Gonzalo Caballero.

Nestes momentos tan difíciles, queremos trasladar todo o noso agarimo e as nosas máis sentidas condolencias ao seu irmán, Abel Caballero, ao seu fillo, o noso compañeiro Gonzalo Caballero, e a todos os seus familiares e amigos.

Que a terra che sexa leve, compañeiro. Descansa en paz. 🌹

Fue profesor y concejal por el Concello de Ponteareas