Concello da Lama

07/08/2026

O ALCALDE DAVID CARRERA VISITA OS NENOS E NENAS DO CAMPALAMA NA FESTA A ESCUMA DO CAMPAMENTO DE VERÁN

O alcalde da Lama, David Carrera, visitou este venres os nenos e nenas participantes no Campalama 2026 durante a Festa da Escuma celebrada no campo municipal de fútbol de Racelo. O rexedor estivo acompañado polo presidente da A Lama S.D., Marcial Peso, e pola concelleira de Igualdade e Servizos Sociais, Trinidad Fernández Oubiña.

A xornada, organizada pola A Lama S.D. coa colaboración do Concello da Lama, incluíu unha festa da escuma e diferentes inchables, que permitiron aos participantes g***r dunha mañá marcada pola diversión, os xogos e a convivencia.

A esta actividade acudiron tamén os nenos e nenas que están na Ludoteca Municipal no Multiusos da Lama como xeito de ampliar a diversión a todos os nenos e nenas do municipio sen excepción.

David Carrera compartiu uns momentos cos pequenos e interesouse pola súa experiencia ao longo desta edición do campamento. O alcalde agradeceu á directiva do club, aos monitores e a todas as persoas colaboradoras “o seu traballo e dedicación para ofrecer aos nosos nenos e nenas unha alternativa de lecer saudable durante o verán”.

O rexedor destacou tamén a importancia da colaboración entre o Concello e as entidades locais para impulsar iniciativas dirixidas á infancia e favorecer a conciliación das familias. “Campalama volveu converterse nun espazo de convivencia, aprendizaxe e diversión arredor do deporte. Desde o Concello seguiremos apoiando este tipo de actividades, que dinamizan o municipio e ofrecen aos máis pequenos experiencias que lembrarán durante moito tempo”, sinalou David Carrera.

07/08/2026

ACORDE SON DO VERDUGO ENCHEU A PRAZA DA PEDREIRA COA SÚA MÚSICA E O SEU BO HUMOR

O grupo de acordeonistas Acorde Son do Verdugo colleitou un novo éxito tras encher por completo de público a Praza da Pedreira da Lama nun concerto onde se misturou a boa música co bo humor nun entretido programa dirixido polo músico Pablo Martínez Tomé.

Entre o numeroso público presente atopábanse o alcalde, David Carrera, quen agradeceu o traballo e o espectáculo protagonizado por "Acorde Son do Verdugo" dentro da programación do Verán Cultural do Concello da Lama, sobre todo no día de onte no que se honraba ao Divino Salvador, patrón da Lama. De feito, o concerto tivo que retrasarse uns minutos en deferencia ás persoas que asistiron a un oficio relixioso e á procesión que tivo lugar arredor da igrexa parroquial.

Os asistentes animáronse a bailar aos ritmos variados que interpretaron os acordeonistas e tamén a magnífica vocalista fornelense de adopción, Nati Berredo. Moitos dos temas foron arranxados e adaptados a propósito para esta agrupación pola música de Baltar Paula Martínez.

Foi unha tarde moi divertida onde o público compartiu protagonismo cos acordeonistas e un grupo de mozos e mozas da contorna que bailaron varias pezas de música tradicional galega.

05/08/2026

A CATIVADA DA LAMA COMBATIU O CALOR DO VERÁN COS "AQUAGAMES" ORGANIZADOS POLO CONCELLO E A OFICINA MUNICIPAL DE INFORMACIÓN XUVENIL (OMIX)

Os nenos e nenas da Lama pasaron unha tarde divertida de xogos onde a auga foi o fío condutor dunha serie de entretementos nos que os cativos foron os auténticos protagonistas baixo a atenta mirada das súas familias.

A Alameda da Lama transformouse nun espazo de xogos onde a auga e a diversión foron mitigando os calores do verán a través de probas e xincanas postas en marcha polas monitoras de anim@ocio Miudos.

Os xogos de socialización, cooperación e colaboración fixeron que a tarde dun mércores festivo fora moi divertida para os máis pequenos da casa e as súas familias.

Esta actividade enmárcase dentro do Verán Cultural posto en marcha pola Oficina Municipal de Información Xuvenil (OMIX) dependente do Concello da Lama.

05/08/2026

🎶 ACORDE SON DO VERDUGO ACTÚA ESTE XOVES 6 DE AGOSTO NA PRAZA DA PEDREIRA

O programa A Lama Verán Cultural, organizado polo Concello da Lama, continúa este xoves, 6 de agosto, coa actuación musical de Acorde Son do Verdugo.

📍 Praza da Pedreira.

📅 Xoves, 6 de agosto

🕣 20:30 horas

Achégate para g***r dunha agradable tarde de música e convivencia! 🪗🎵

04/08/2026

💦 OS AQUAGAMES ENCHERÁN DE DIVERSIÓN A ALAMEDA DA LAMA

Este mércores 5 de agosto, a partir das 17:00 horas, a Alameda da Lama acollerá unha divertida tarde de xogos con auga pensada para que os máis pequenos gocen, se refresquen e compartan unha xornada chea de risas.

👕 Recomendamos levar roupa cómoda, bañador, toalla e moitas ganas de pasalo ben.

📅 Mércores 5 de agosto.

🕔 17:00 horas.

📍 Alameda da Lama.

Agardámosvos! 💧☀️🎉

04/08/2026

UNHAS 300 PERSOAS DESAFIARON Á CHOIVA E PARTICIPARON NO XANTAR DA 3ª IDADE CELEBRADO NAS ERMIDAS

➡️ Ademais do alcalde, David Carrera, asistiron o presidente da Deputación de Pontevedra, Luís López, o director xeral de Maiores, Antón Acevedo, o xerente do Consorcio de Benestar, Perfecto Rodríguez, o alcalde de Cerdedo Cotobade e deputado provincial de Cultura, Jorge Cubela e membros da Corporación Municipal lamense.

Unhas 300 persoas participaron no tradicional Xantar da Terceira Idade celebrado nas Ermidas, unha cita de convivencia e homenaxe ás persoas maiores e á emigración que se desenvolveu baixo unha gran carpa debido ás adversas condicións meteorolóxicas e que serviu de escenario para a actuación da Banda de Música Unión Cultural de O Campo Lameiro.

Ao encontro asistiron o alcalde da Lama, David Carrera; o presidente da Deputación de Pontevedra, Luís López; o director xeral de Maiores, Antón Acevedo; o xerente do Consorcio Galego de Servizos de Igualdade e Benestar, Perfecto Rodríguez; o alcalde de Cerdedo Cotobade e deputado provincial de Cultura, Jorge Cubela, así como membros da Corporación Municipal da Lama.

A choiva obrigou a trasladar ao interior da carpa a tradicional ofrenda floral na honra das persoas emigrantes e dos maiores, que habitualmente se celebra diante do cruceiro da Carballeira das Ermidas. O cambio de localización non impediu que o acto se desenvolvese nun ambiente emotivo e de confraternidade.

Durante a súa intervención, David Carrera agradeceu a presenza das persoas asistentes e destacou a súa disposición para participar na celebración a pesar do mal tempo.

“Hoxe demostramos, unha vez máis, que a choiva non pode cun concello unido, que sabe compartir e recoñecer a quen tanto fixo polo noso presente”, sinalou o alcalde.
Carrera lembrou tamén o papel fundamental desempeñado pola emigración no desenvolvemento social e económico da Lama. “Os nosos emigrantes contribuíron, co seu esforzo, o seu sacrificio e o seu permanente vínculo coa terra, ao progreso do noso concello. A Lama non se entendería sen a súa achega”, afirmou.

O rexedor dedicou igualmente unhas palabras de recoñecemento ás persoas maiores, ás que definiu como “un exemplo vital para as xeracións presentes e futuras”.

“Representades a memoria, a experiencia e os valores que debemos conservar e transmitir. Este xantar é unha pequena mostra do agradecemento e do cariño que vos debemos”, concluíu David Carrera.

A sobremesa estivo ocupada polo bo humor, o baile e a música da man da Charanga Os Encerellados que dinamizou a xornada animando aos asistentes a bailar diferentes pezas do seu repertorio.

04/08/2026

NENOS E FAMILIAS APRENDEN XOGANDO NA XINCANA DO CONSUMO RESPONSABLE NO MULTIUSOS DA LAMA

O Multiusos da Lama acolleu a Xincana do Consumo Responsable, unha actividade educativa na que participaron nenos e nenas acompañados das súas familias.

A través de diferentes xogos e probas, as persoas participantes aprenderon dun xeito ameno e divertido a importancia de realizar un consumo consciente, reducir os residuos, reciclar e coidar os recursos naturais.

A iniciativa, enmarcada no programa Verán de Lecer Consumo, permitiu compartir unha tarde de aprendizaxe e convivencia, demostrando que os pequenos xestos cotiáns poden contribuír a construír un futuro máis sostible.

A actividade, organizada polo Concello da Lama, contou coa colaboración da Xunta de Galicia e do Instituto Galego do Consumo e da Competencia.

04/08/2026

02/08/2026

O MULTIUSOS DA LAMA ACOLLE MAÑÁ LUNS 3 DE AGOSTO UNHA DIVERTIDA XINCANA PARA APRENDER SOBRE CONSUMO RESPONSABLE

O Concello da Lama convida os máis pequenos a participar na Xincana do Consumo Responsable, unha actividade educativa de verán pensada para aprender, xogar e descubrir a importancia de coidar o que realmente importa.

A través de diferentes probas e retos, os participantes poderán achegarse dun xeito ameno a hábitos de consumo máis responsables e sostibles.

📅 Luns, 3 de agosto.

🕔 Ás 17:00 horas.

📍 Multiusos da Lama.

Unha proposta para demostrar que os pequenos xestos poden construír un gran futuro. 🌱♻️

Organiza o Concello da Lama coa colaboración da Xunta de Galicia e do Instituto Galego do Consumo e da Competencia.

01/08/2026

"MALDITOS PENDEJOS" TRASLADOU AO PÚBLICO DA ALAMEDA Á ÉPOCA DA MOVIDA DOS ANOS 80

O público que se deu cita onte na Alameda da Lama para asistir á Festa Oitentera organizada polo Concello da Lama e protagonizada polo grupo ferrolán MALDITOS PENDEJOS disfrutou dunha noite chea de recordos musicais que serviron aos asistentes para botar uns bailes e lembrar outros tempos.

Polo escenario instalado na Alameda desfilaron as principais cancións dos anos 80 e do panorama español do Pop-Rock de aquel momento facendo que o público disfrutara a tope. Entre os asistentes tamén estivo o alcalde da Lama, David Carrera, que recibiu os parabéns de moitos dos alí concentrados pola idoneidade da festa e do grupo contratado para a ocasión.

Para rematar a velada, a DJ Noelia prolongou a festa ata ben entrada a noite repasando os éxitos de Alaska, Rosendo e moitos outros.