Lunes 08:30 - 14:30 Martes 08:30 - 14:30 Miércoles 08:30 - 14:30 Jueves 08:30 - 14:30 Viernes 08:00 - 14:30

Biblioteca-Omix A Lama

Casa
España
La Lama
Biblioteca-Omix A Lama

Desde a Axencia de Lectura e a OMIX da Lama abrimos unha canle de comunicación contigo.

05/08/2026

A CATIVADA DA LAMA COMBATIU O CALOR DO VERÁN COS "AQUAGAMES" ORGANIZADOS POLO CONCELLO E A OFICINA MUNICIPAL DE INFORMACIÓN XUVENIL (OMIX)

Os nenos e nenas da Lama pasaron unha tarde divertida de xogos onde a auga foi o fío condutor dunha serie de entretementos nos que os cativos foron os auténticos protagonistas baixo a atenta mirada das súas familias.

A Alameda da Lama transformouse nun espazo de xogos onde a auga e a diversión foron mitigando os calores do verán a través de probas e xincanas postas en marcha polas monitoras de anim@ocio Miudos.

Os xogos de socialización, cooperación e colaboración fixeron que a tarde dun mércores festivo fora moi divertida para os máis pequenos da casa e as súas familias.

Esta actividade enmárcase dentro do Verán Cultural posto en marcha pola Oficina Municipal de Información Xuvenil (OMIX) dependente do Concello da Lama.

04/08/2026

💦 OS AQUAGAMES ENCHERÁN DE DIVERSIÓN A ALAMEDA DA LAMA

Este mércores 5 de agosto, a partir das 17:00 horas, a Alameda da Lama acollerá unha divertida tarde de xogos con auga pensada para que os máis pequenos gocen, se refresquen e compartan unha xornada chea de risas.

👕 Recomendamos levar roupa cómoda, bañador, toalla e moitas ganas de pasalo ben.

📅 Mércores 5 de agosto.

🕔 17:00 horas.

📍 Alameda da Lama.

Agardámosvos! 💧☀️🎉

04/08/2026

NENOS E NENAS DO CAMPALAMA VISITAN A BIBLIOTECA MUNICIPAL DA LAMA NO TRANSCURSO DUNHA XINCANA

Os nenos e nenas do Campalama, por equipos, visitaron a Biblioteca Municipal da Lama nunha actividade de xincana na que os participantes tiñan que ler unha folla dun dos libros de literatura infantil ou xuvenil da Axencia de Lectura.

Acompañados polos seus monitores, os equipos foron pasando de xeito ordenado escollendo entre todos varios libros para dar por completada unha proba coa que se pretendía tamén animar á cativada á lectura.

Os nenos e nenas seguiron polo centro da Lama visitando establecementos públicos e realizando as probas previstas polos monitores desta xincana urbana.

02/08/2026

O MULTIUSOS DA LAMA ACOLLE MAÑÁ LUNS 3 DE AGOSTO UNHA DIVERTIDA XINCANA PARA APRENDER SOBRE CONSUMO RESPONSABLE

O Concello da Lama convida os máis pequenos a participar na Xincana do Consumo Responsable, unha actividade educativa de verán pensada para aprender, xogar e descubrir a importancia de coidar o que realmente importa.

A través de diferentes probas e retos, os participantes poderán achegarse dun xeito ameno a hábitos de consumo máis responsables e sostibles.

📅 Luns, 3 de agosto.

🕔 Ás 17:00 horas.

📍 Multiusos da Lama.

Unha proposta para demostrar que os pequenos xestos poden construír un gran futuro. 🌱♻️

Organiza o Concello da Lama coa colaboración da Xunta de Galicia e do Instituto Galego do Consumo e da Competencia.

30/07/2026

OS PIRATAS DOS SETE MARES TOMAN POR ASALTO O MULTIUSOS DA LAMA

Os cativos da Lama protagonizaron esta tarde un divertido espectáculo familiar da man das Aventuras dos 7 mares onde fixeron o xuramento como piratas e se comprometeron a defender e coidar o medio mariño.

O grupo teatral Os Carballiños Os Carballiños foron os encargados de mergullar aos nosos cativos nunha serie de aventuras acompañados da música, a animación, a imaxinación e o bo humor.

Este espectáculo de animación á lectura chegou ata o Multiusos da Lama a través da Biblioteca Municipal do Concello da Lama e ao programa Ler conta moito da Xunta de Galicia.

29/07/2026

OS CATIVOS MITIGAN A CALOR NA LAMA COA “FESTA INFANTIL” ORGANIZADA POLO CONCELLO POR MOR DO “VERÁN CULTURAL”

Os máis pequenos da casa convertéronse nos protagonistas da Festa Infantil organizada polo Concello da Lama na Alameda dentro do “Verán Cultural”. Os nenos e nenas do municipio, e tamén moitos outros visitantes, pasaron unha xornada divertida e de xogos con inchables xigantes, un touro mecánico e a Festa da Escuma que serviu de colofón a unha infinidade de actividades.

Entre o público presente atopábanse o alcalde, David Carrera, o tenente de alcalde, Andrés Cal, e a concelleira de Igualdade e Servizos Sociais, Trinidad Fernández Oubiña, que supervisaron en todo momento o desenvolvemento da actividade coordinando cos monitores o operativo lúdico desplegado na Alameda da Lama.

Os nenos brincaron nos distintos aparellos e xogos instalados ata as sete da tarde, hora á que comezou a Festa da Escuma que asolagou de cor branca o empedrado da Alameda da Lama onde os nenos ían desaparecendo engulidos pola escuma que manaba dun canón especialmente preparado para a diversión.

Segundo manifestou o alcalde da Lama, David Carrera, "esta festa consolídase ano a ano como referente lúdico da comarca. Agardamos que esta xornada fora do agrado das familias e dos cativos que se deron cita na Alameda. Á hora de planificar as actividades que conforman o “Verán Cultural” unha das nosas preocupacións é que a cativada o pase moi ben xa que son os grandes protagonistas do verán na Lama”.

29/07/2026

UNS 200 PARTICIPANTES RATIFICAN O ÉXITO DA XORNADA DE PIRAGÜISMO ORGANIZADA POLO CONCELLO DA LAMA NO RÍO VERDUGO

Unhas 200 persoas participaron na xornada de piragüismo posta en marcha polo Concello da Lama no río Verdugo que tivo que botar man das embarcacións de reserva para atender a gran demanda suscitada por esta actividade.

As altas temperaturas e un sol radiante animaron aos participantes para surcar o río Verdugo en piragua, unha iniciativa lúdico-formativa para persoas de todas as idades, incluída dentro do plan de actividades do “Verán Cultural” do Concello da Lama e que conta coa colaboración do Club de Piragüismo de Vilaboa.

Os participantes, provistos obrigatoriamente de chaleco salvavidas e supervisados por monitores do Club de Piragüismo de Vilaboa, participaron, ao final en 6 quendas corridas desde as 17 horas, para facilitar un acceso máis organizado e equitativo entre as persoas rexistradas previamente nesta actividade e aquelas que se foron incorporando ao longo da xornada.

Durante a xornada, estivo presente o alcalde da Lama, David Carrera, que supervisou o normal desenrolo desta actividade que é xa un clásico estival no que os participantes gozan do río Verdugo desde outra perspectiva ben diferente.

O éxito deste evento confirma que esta actividade, pioneira e única no seu xénero na comarca do Verdugo-Oitavén, é unha cita obrigada do verán para os veciños e veciñas da Lama e os seus visitantes xa que lles permite un maior goce do tempo libre familiar e favorece tamén a interrelación xeracional a través da práctica de actividades saudables e de encontro coa natureza.

23/07/2026

AS “AVENTURAS DOS SETE MARES” CHEGA O XOVES 30 DE XULLO AO MULTIUSOS DA LAMA

O Multiusos da Lama acollerá o vindeiro xoves 30 de xullo, ás 17:00 horas, o espectáculo infantil “Aventuras dos sete mares”, unha divertida proposta chea de música, fantasía e historias de piratas pensada para g***r en familia.

A actividade forma parte do programa Ler conta moito, promovido polo Concello da Lama e a Xunta de Galicia, e busca achegar a lectura e a creatividade aos máis pequenos dun xeito lúdico e participativo.

📅 Xoves 30 de xullo.

🕔 17:00 horas.

📍 Multiusos da Lama.

Desde o Concello da Lama convidamos a todas as familias a participar nesta nova cita coa cultura e coa diversión.

23/07/2026

XOGOS DE AUGA, INCHABLES E FESTA DA ESCUMA, O MÉRCORES 29 DE XULLO A PARTIR DAS 17 HORAS NA ALAMEDA

O mércores 29 de xullo, a partir das 17 horas, os inchables e as piscinas móbiles tomarán a Alameda da Lama para celebrar a Festa Infantil, organizada polo Concello da Lama a través da Oficina Municipal de Información Xuvenil (OMIX) na que non faltarán nin a música nin a escuma para mitigar os efectos da calor deste verán.

Achégate ata a Alameda da Lama para disfrutar das atraccións, das piscinas, dos xogos e da animación musical.

22/07/2026

ESGOTADAS AS PRAZAS DE TODAS AS QUENDAS PARA O PASEO EN PIRAGUA PARA O MARTES 28 DE XULLO NA PRAIA FLUVIAL DO VERDUGO

Preto de 200 persoas participarán na xornada lúdica de piragüismo que o Concello da Lama porá en marcha o martes 28 de xullo, a partir das 17 horas, na praia fluvial do Verdugo a través dunha actividade organizada pola Oficina Municipal de Información Xuvenil (OMIX) coa colaboración do Club de Piragüismo Vilaboa.

A última hora do mediodía rematáronse a totalidade das prazas dispoñibles nas distintas quendas organizadas para un mellor disfrute da xornada e do río.

Aquelas persoas que están inscritas deben presentarse 5 minutos antes de comezar a súa quenda provistas de camiseta e poñerse os salvavidas que lle facilitarán os monitores do Club. Por cuestións de seguridade deberán seguir en todo momento as indicacións da organización.

VÉN Á LAMA E VÍVEA!!

Dirección

Avenida Do Concello 3
La Lama
36830

Horario de Apertura

Lunes	08:30 - 14:30
Martes	08:30 - 14:30
Miércoles	08:30 - 14:30
Jueves	08:30 - 14:30
Viernes	08:00 - 14:30

Teléfono

+34986768238

Página web

http://concellodalama.com/

Notificaciones

Sé el primero en enterarse y déjanos enviarle un correo electrónico cuando Biblioteca-Omix A Lama publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.