Lunes 11:00 - 14:00 15:00 - 18:00 Martes 11:00 - 14:00 15:00 - 18:00 Miércoles 11:00 - 14:00 15:00 - 18:00 Jueves 11:00 - 14:00 15:00 - 18:00 Viernes 11:00 - 14:00 15:00 - 18:00

¿Qué es el sitio web?

https://www.facebook.com/642564285888696/

Biblioteca Municipal de Xermade

Casa
España
Germade
Biblioteca Municipal de Xermade

Traballando polo libro e o fomento da lectura en Xermade Estás no espazo da rede facebook da Biblioteca de Xermade. Contamos coa vosa participación.

Podes visitarnos de luns a venres.

03/09/2026

🧶 CLUB DO CROCHET 🧶

Queres aprender a facer crochet? Xa tes experiencia e queres compartir o que sabes? Ou simplemente apetéceche ter un rato para facer labores en compañía? 💛

Na biblioteca poñemos en marcha o Club do Crochet, un espazo para reunirnos, facer labores e, sobre todo, aprender unhas das outras.

Aínda que lle chamemos «Club do Crochet», a idea é que aquí teñan cabida diferentes labores e manualidades: crochet, calceta, bordado, costura, punto de cruz... Cada persoa poderá traer o que estea facendo e compartir os seus coñecementos co resto do grupo. 🧵🪡

👉 Non haberá unha profesora nin unha persoa encargada de ensinar. Aquí todas temos algo que aprender e algo que ensinar. A idea é axudarnos, resolver dúbidas, intercambiar trucos, conversar e pasar un bo rato.

E, sobre todo, queremos recuperar algo que ás veces se perde: facer estas cousas en compañía e non sempre en soidade na casa. Porque unha labor faise mellor cunha boa conversa polo medio. 😊

📌 Importante: a biblioteca non proporcionará os materiais. Cada participante deberá traer os materiais e a labor que queira realizar.

Se che apetece participar, anímate a vir! Non importa se tes moita experiencia ou se estás empezando: aquí vimos aprender entre todas. 🧶✨

02/09/2026

🌿 A BELEZA DA NATUREZA | Exposición de Iris Debasa 🐾

A partir do 10 de setembro, a Biblioteca Municipal de Xermade énchese de arte, natureza e emocións coa exposición «A beleza da natureza», de Iris Debasa. ✏️🖤

Unha mostra composta por 36 obras realizadas con carboncillo, lapis e rotulador negro, nas que Iris nos invita a deternos e mirar con atención esa beleza que nos rodea cada día, especialmente a dos animais. 🐶🐱🐴

Miradas, aloumiños, sorrisos… pequenos xestos capaces de transmitir emocións e lembrarnos a beleza que irradian os animais simplemente por estar, ser e formar parte das nosas vidas. 🐾✨

📅 Do 10 ao 24 de setembro
📍 Biblioteca Municipal de Xermade

🎨 Inauguración: xoves 10 de setembro ás 19:00 h.

E se non podedes acompañarnos na inauguración, non vos preocupedes! A exposición poderá visitarse durante o horario habitual da biblioteca:

🕞 Luns e xoves: 15:30–20:00 h.
🌞 Martes, mércores e venres: 11:00–14:30 h. e 15:30–20:00 h.

Unha oportunidade para achegarnos á arte e, sobre todo, para parar, mirar e deixarnos emocionar pola beleza que nos rodea. 🌿🐾

Agardámosvos! 💚

01/09/2026

📚✨ Na biblioteca hai moito máis que libros!

A partir de setembro queremos que a nosa biblioteca sexa tamén un lugar para aprender, compartir, crear, xogar e coñecernos. Por iso, poñemos en marcha unha nova programación de actividades que se desenvolverán ao longo de todo o ano. 💚

🧶 Club de calceta
📚 Club de deberes
💻 Informática para adultos
🎲 Xogos de mesa
🌍 Intercambio de idiomas

Cinco propostas diferentes, cinco maneiras de desfrutar da biblioteca e, sobre todo, unha oportunidade para compartir tempo e coñecementos coa comunidade. 😊

📅 As actividades comezarán o 14 de setembro.
📝 Podes inscribirte ata o 11 de setembro na biblioteca.

⚠️ Para que cada actividade poida poñerse en marcha será necesario contar cun grupo mínimo de participantes.

👉 Nos próximos días contarémosvos un pouquiño máis sobre cada unha delas. Así que... atentas e atentos ás nosas redes! 👀

Que actividade vos apetece probar? 🧶🎲💻🌍📚

01/09/2026

📚💙 RETOMAMOS O RETO LECTOR!

Setembro chega á biblioteca e, con el, retomamos o noso Reto lector! E este mes temos unha proposta moi especial: 📖 libros en galego.

Ler na nosa lingua é moito máis ca escoller un libro: é coidar, manter viva e dar valor á nosa cultura e á nosa identidade. E, ademais, cando escollemos obras de autores e autoras galegas —e, sempre que poidamos, tamén de escritores e escritoras da nosa contorna— estamos a apoiar o noso talento e a contribuír a que as súas historias sigan chegando a máis lectores e lectoras. 💚

Así que este mes... animádevos a ler en galego!
Porque detrás de cada libro hai unha historia, pero tamén hai unha lingua que merece seguir sendo lida, escrita e compartida. ✨

👉 Cal será a vosa lectura deste mes?

31/08/2026

🍂 Setembro xa está aquí… e na biblio volvemos ao noso horario habitual! 📚

Despois do verán, toca recuperar rutinas, reencontrarnos e seguir compartindo lecturas, actividades e momentos na biblioteca. 💜

A partir de setembro, o noso horario será:

📖 Luns e xoves
🌤️ Pola mañá: pechado
🕞 15:30 – 20:00

📖 Martes, mércores e venres
🕚11:00 – 14:30
🕞 15:30 – 20:00

Así que xa sabedes… setembro é unha boa escusa para volver á biblio! 😉📚

Vémonos na biblio! 💜

27/08/2026

🌧️📚 Coa chuvia, non só nós volvemos para casa… os libros viaxeiros tamén! 🏠💜

Este anda ben cerquiña, nun concello veciño, gozando da calorciña do fogar e dunha lectura que nos deixa unha interesante reflexión sobre a forza das mulleres. 💪💜

Porque faga sol, chova ou ventee… sempre hai un libro disposto a acompañarnos. 📖✨

Grazas por seguir facendo viaxar as nosas historias! 🥰

20/08/2026

Concello de Xermade :
📣 Aprende galego e coñece a nosa cultura!

Queres dar os teus primeiros pasos en galego? 🗣️💙

Chega a Xermade o 𝘾𝙪𝙧𝙨𝙤 𝙙𝙚 𝙄𝙣𝙩𝙧𝙤𝙙𝙪𝙘𝙞ó𝙣 á 𝙇𝙞𝙣𝙜𝙪𝙖 𝙚 á 𝘾𝙪𝙡𝙩𝙪𝙧𝙖 𝙂𝙖𝙡𝙚𝙜𝙖𝙨, unha formación presencial de 20 horas, pensada para persoas maiores de 16 anos que queiran iniciarse no galego, sen necesidade de coñecementos previos.

📚𝘘𝘶𝘦 𝘢𝘱𝘳𝘦𝘯𝘥𝘦𝘳á𝘴?

• Vocabulario e expresións básicas para o día a día
• Pronunciación, gramática e ortografía
• Comunicación oral e escrita
• Cultura, historia, tradicións, música e gastronomía de Galicia

📅 Datas: 28, 29 e 30 de setembro; 2, 5, 6, 7 e 9 de outubro
⏰ Horario: de 16:00 a 18:30 h
📍 Lugar: Biblioteca Municipal de Xermade
🎓 20 horas de formación + diploma emitido pola Xunta de Galicia

⚠️ IMPORTANTE: prazo de 𝐢𝐧𝐬𝐜𝐫𝐢𝐜𝐢ó𝐧 𝐚𝐭𝐚 𝐨 𝟏𝟎 𝐝𝐞 𝐬𝐞𝐭𝐞𝐦𝐛𝐫𝐨!

📝 Inscrición na Biblioteca e no Concello (Educadora Familiar).

📞 Máis información: 678 744 178 / 982 50 10 55

👉 Anímate a aprender galego, gañar confianza para falalo e achegarte á cultura de Galicia!

14/08/2026

Hoxe estamos de celebración… por Tutatis! ⚡️

Tal día coma hoxe, hai 100 anos, nacía René Goscinny, o xenial creador —xunto con Albert Uderzo— de dous dos personaxes máis queridos do mundo do cómic: Astérix e Obélix. 🐗🛡️

Para celebralo, na biblioteca preparamos un pequeno recuncho dedicado ás súas aventuras. Porque, aínda que pasen os anos, hai cousas que nunca cambian: unha boa dose de humor, moitas aventuras e uns irredutibles galos dispostos a plantarlles cara aos romanos. 😜

Así que xa sabedes… por Tutatis!, vinde botarlle unha ollada ao noso recuncho e, de paso, a algunha das súas aventuras. 📚✨

14/08/2026

📢 Cambio de horario a vindeira semana!

A vindeira semana teremos un pequeno cambio no noso horario de verán:

📚 Luns: de 9:00 a 15:00 h
📚 Martes: de 14:00 a 20:00 h

O resto da semana manteremos o horario de verán habitual. ☀️📖

Desculpade as molestias e grazas pola comprensión! 💚
Esperámosvos na biblioteca! 😊

13/08/2026

🌊📚 Os nosos libros viaxeiros seguen percorrendo mundo! ☀️

Este verán, as nosas lecturas xa pasaron pola Costa da Caparica, Nazaré, A Pobra do Caramiñal, o lago das Pontes... e seguro que aínda lles quedan moitos quilómetros por diante! 🧳📖

Moitas grazas por mandarnos as vosas imaxes e por facer que os libros da biblioteca tamén desfruten do verán. 💛

Esperamos que esteades gozando moitísimo das lecturas, alí onde vos leve o verán! 🌞📚

E lembrade: un libro sempre é unha boa compañía para viaxar. ✈️

Dirección

Avenida De Vilalba, S/n
Germade
27833

Horario de Apertura

Lunes	11:00 - 14:00
	15:00 - 18:00
Martes	11:00 - 14:00
	15:00 - 18:00
Miércoles	11:00 - 14:00
	15:00 - 18:00
Jueves	11:00 - 14:00
	15:00 - 18:00
Viernes	11:00 - 14:00
	15:00 - 18:00

Página web

facebook.com

Notificaciones

Sé el primero en enterarse y déjanos enviarle un correo electrónico cuando Biblioteca Municipal de Xermade publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.