16/06/2026
📹🏆🎤A Casa da Cultura acolleu este sábado a presentación de Bule-bule, a peza audiovisual gravada polo artista fenés Gael Ares, vencedor na categoría infantil do certame Quero Cantar, da área de Cultura da Deputación da Coruña.
A diversión, o respecto, o compañeirismo entre os participantes e a emoción de actuar diante dun gran público foron algunhas das lembranzas que destacou Gael do seu paso polo concurso, lembrando tamén que participou nunha edición previa como xurado.
Acompañando ao artista local estiveron familia, amigos e veciños, pero tamén a alcaldesa de Fene, Sandra Permuy, a deputada provincial Cristina García, e o responsable industrial de Navantia, Andrés Calvo. quen agradeceu a escolla dos
estaleiros feneses para a gravación do clip, todo un “símbolo e representación da comarca”.
Como gañador do concurso Quero Cantar na categoría infantil, Gael Ares foi premiado, ademais de con material musical e produtos culturais en galego por valor de 1500 euros, coa gravación da maqueta en estudio profesional e coa
gravación dun videoclip da canción gañadora presentada ao concurso.
Trala presentación do pasado sábado, o videoclip xa está dispoñible na canle de Youtube do concurso: https://www.youtube.com/
