Concello De Dodro

Casa
España
Dodro
Concello De Dodro

Rede social de facebook para informar de todas as actividades do Concello de Dodro.

Para comunicarse oficialmente utilicen os teléfonos de atención, correo electrónico, sede electrónica ou a aplicación LINEA VERDE.

03/06/2026

Fin de Semana de Mulleres de Dodro 2026 💜

Entre os días 29 e 31 de maio celebramos unha nova edición do Fin de Semana de Mulleres de Dodro, unha actividade pensada para fomentar a convivencia, o empoderamento feminino, o benestar e a formación en igualdade, traballando ademais na prevención da violencia de xénero.

Durante tres días, as participantes gozaron dun completo programa na Residencia de Tempo Libre de Panxón (Nigrán), que combinou actividades formativas, culturais e de lecer. Houbo visitas, dinámicas de grupo, charlas sobre igualdade e violencia de xénero, risoterapia, maxia para a reflexión e momentos de convivencia que permitiron fortalecer vínculos e compartir experiencias.

A valoración da actividade foi moi positiva, destacando a alta participación, o bo ambiente e o interese mostrado polas accións desenvolvidas. Iniciativas como esta contribúen a crear redes de apoio entre mulleres e a seguir avanzando cara a unha sociedade máis igualitaria.

ℹ️ Actividade subvencionada con cargo aos fondos do Pacto de Estado contra a Violencia de Xénero.

📸 Compartimos algunhas imaxes dos momentos máis destacados desta fin de semana tan especial.

02/06/2026

🚲 O Concello de Dodro organiza o XX Día da Bici 🚲

📅 Será o vindeiro 20 de xuño con inicio da inscrición ás 10.00 horas.

Haberá ximcana, agasallo técnico, sorteos, avituallamento, trofeos e unha ruta por estradas do Dodro para que as persoas participantes poidan desfrutar de este marabilloso deporte en grupo. 🚴‍♀️ 🚴‍♀️ 🚴‍♀️

ÚNETE e goza dun día sobre rodas 🚵‍♀️

02/06/2026

O pasado sábado 30 de maio as veciñas e piragüistas de Dodro Sara Cascallar Novoa e Sabela Bouzas Queiruga desprazáronse ó Encoro de Vilasouto, no Concello do Incio (Lugo), para participar no Campionato Galego Individual de Piragüismo co Club Náutico de Pontecesures. 🛶

Destacar o resultado de Sara Cascallar que se proclamou campioa na categoría alevín C1 1500 metros. 🚣‍♂️

Parabéns e a seguir colleitando éxitos!!

02/06/2026

O vindeiro sábado seis de xuño na Cruz do Avelán “Gremio de mareantes”

Un espectáculo musical con algúns dos mellores músicos tradicionais que un pode atopar por Galicia adiante. 🥁

🎶 Carapaus é un grupo de música tradicional formado en Santiago de Compostela no verán do 2010, integrado por Pablo Fernández, gaiteiro da Aldán, mestre en numerosas asociacións de música e cultura tradicionais; Oli Xiráldez (frautas), artesán e músico de longa traxectoria, membro de Chouteira e colaborador de Malvela, entre outros; Gustavo Couto (voz e tambor), mestre de baile tradicional e coautor do libro Bailabén (Edicións do Cumio, 2010); Iago Camaño (acordeón), graduado en acordeón polo Conservatorio de Música de Pontevedra, Cristina Cotilla (bombo e voz), formada na escola do OCT Ultreia e en percusión clásica no Conservatorio Profesional de Santiago de Compostela, e Andrea Cabanas (voz)

Unha cita familiar que forma parte da Rede Cultural da Deputación 🔊
Cultura da Deputación da Coruña

01/06/2026

O concello de Dodro informa 🏛️

Esta fin de semana, coincidindo coa celebracion de dúas actividades na contorna da aldea da Iglesia de Laiño, unha festa "da xuventude" e un torneo de futbol base, tivemos a desgracia de sufrir un pequeno destrozo na Escola de Chenlo.

Como noutras ocasións, por desgraza a falta de educación e principios mínimos para vivir en sociedade fan que algúns actúen así.

En todo caso, facemos público este asunto porque cremos que un espazo público e educativo, debe ser respectado. Os danos non sendo elevados, xeran un prexuizo as persoas usuarias da escola, e aos fondos do Concello.

29/05/2026

O Concello de Dodro comparte esta iniciativa da Deputación da Coruña dirixida a todas as persoas interesadas na memoria, a diversidade e os dereitos LGTBIQA+.

🌈 V Congreso Memoria Diversa

📅 Sábado, 6 de xuño de 2026
📍 Espazo de Intervención Cultural "A Normal" (A Coruña)
🎟️ Entrada libre e gratuíta ata completar aforo

💻 Para quen non poida asistir presencialmente, o congreso poderá seguirse en directo a través da canle de YouTube da Deputación da Coruña.
📄 Podes consultar o programa completo na imaxe adxunta.

28/05/2026

O sábado 23 de maio o grupo do Programa de Sendeirismo 2026 do Concello de Dodro desprazouse ó Concello de Covelo (Pontevedra) para realizar a Ruta do Xabriña PR-G 119. 🛤️

De formato circular e con punto de saída en Paraños combina con perfección os valores naturais co rico patrimonio etnográfico da contorna. ᨒ↟ 𖠰

👣Camiñando atópanse as fermosas ribeiras do río, fragas, prados, levadas, pontes e pasos, vellos camiños, fontes e lavadoiros, petos de ánimas, cruces e cruceiros, forxas, eiras e lagares da cera e os muíños.
Sen dúbida que se trata dunha magnífica ruta que as persoas participantes no programa desfrutaron ó máximo, pero agora poñemos a mirada na seguinte. Que será o 13 de xuño en Arzúa para coñecer o Roteiro da Fervenza das Hortas PR-G 169. 🏞

27/05/2026

🌿 A Xunta de Galicia volve poñer en marcha o programa Benestar en Balnearios 🧖‍♀️💧

Un programa pensado para persoas maiores de 60 anos de Galicia, co obxectivo de seguir gañando en saúde, benestar e calidade de vida a través do descanso e dos beneficios das augas termais.

✅ Estadías de 10 días e 9 noites
✅ Pensión completa (aloxamento, almorzo, xantar e cea)
✅ 15 balnearios de Galicia a escoller
✅ Quendas dispoñibles entre xullo e decembro de 2026
✅ Posibilidade de asistir cun acompañante

📅 Prazo de solicitude: do 27 de maio ao 26 de xuño de 2026 (ambos incluídos).

👥 Dirixido a:
• Persoas maiores de 60 anos residentes en Galicia
• Persoas pensionistas maiores de 55 anos

Unha oportunidade perfecta para coidar da saúde e desfrutar do turismo termal galego 💙

26/05/2026

O vindeiro venres 5 de xuño presentaremos o libro “A caligrafía das espigas” de Carlos Negro. O autor é Licenciado en Filoloxía Hispánica e Galego-Portuguesa pola Universidade de Santiago de Compostela e profesor de lingua e literatura galega. 📖

Carlos Negro di da “A caligrafía das espigas” que “Aínda que na orixe do texto resulta ineludible a experiencia da morte, o libro invoca unha resurrección, maniféstase como ofrenda e trata de ser un ensalmo para que a voz se abra á marabilla, a un asombro que entra polos cinco sentidos e que fai do universo unha algarabía onde conviven merlos e burros no mesmo trazo". 📚

A presentación terá lugar na Casa da Cultura de Dodro, en Tallós, ás oito da tarde. Con entrada libre ata completar aforo. 🏫

Carlos Negro recibiu en xuño do 2018 o premio Jules Verne de literatura xuvenil con “Aplicación instantánea”. O xurado destacou da obra que "ante presenza das pantallas e da tecnoloxía, a sociedade actual precisa máis ca nunca a poesía”. 🖊️

23/05/2026

Hoxe presentamos o libro gañador do Premio Eusebio Lorenzo Baleirón de poesía 2025, nun acto celebrado no CPI que leva o nome do insigne autor.

Participaron no acto Silvia P***s, coordinadora do certame; Inés Mosquera Calvo, autora e Manuel Martinez da editorial Chan da Pólvora, ademais do alcalde de Dodro, Xabier Castro e o concelleiro de Cultura, Ramón Abuín.

A obra foi elixida entre corenta e dúas candidatas presentadas. O xurado estivo composto polas poetas María Lado Lariño, Noelia Gómez Calvo e Miguel Cavadas Docampo, xunto co alcalde e o concelleiro de Cultura de Dodro.

Na acta o xurado destacou da obra a referencia ao paxaro Upupú que “soa ao longo dos poemas como unha oración, e álzase por riba de todo: da dor, da enfermidade, da vergonza. Dividido en cinco partes: Lingua de xirín, Ás de pardal, A vergonza de amá, Bubela e a Ditadura da bubela. O poemario contén diversas citas de poetas (case todas mulleres) que acompañan no niño que a muller/paxaro artella, un voo preciso”.

A gañadora do ###VIII Premio de Poesía Eusebio Lorenzo Baleirón, Inés Mosquera Calvo, naceu en Carcacía (Padrón), en 1992. Graduada en Educación Primaria especializada na docencia de linguas estranxeiras e cun Mestrado en Lingüística Aplicada pola Universidade de Vigo. Na actualidade exerce como tradutora.
Iniciou a súa traxectoria no ámbito da creación poética no ano 2022, coa publicación de Papulas Amarelas (Medulia Editorial). No 2023, saíu do prelo o segundo libro de poemas, Nonmesquezas. En paralelo, foron publicándose outros textos poéticos en volumes colaborativos como Dorna ou Domingo das Mozas.

Dirección

Lugar. Tallós
Dodro
15982

Página web

http://www.dodro.gal/

Notificaciones

Sé el primero en enterarse y déjanos enviarle un correo electrónico cuando Concello De Dodro publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.