Por Chantada - Interior Galego Vivo

07/06/2026

🟢 ALGUÉN TEN QUE EXPLICAR QUE ESTÁ PASANDO COA NAVE DE MEDIO RURAL DE CHANTADA 🚨

En 2023, en plena campaña eleitoral, o PP levou por urxencia ao pleno a cesión dunha parcela municipal no Polígono dos Acivros e Por Chantada - Interior Galego Vivo 🍃 apoiou un investimento que ía ser millonario:

👉 Prometeron unha nova nave pública de Medio Rural.

👉 Prometeron centralizar os servizos.

👉 Prometeron reforzar Chantada como cabeceira comarcal.

Tres anos despois...

❌ Non hai nave.

❌ Non hai obras.

❌ Non hai explicaciós.

Pero si hai indicios cada vez máis sólidos de que procuraron unha nave privada para alugar e reformar con cartos públicos.

E aquí comezan as preguntas.

🤔 Se a Xunta anunciou esta infraestrutura como un dos principais investimentos de Medio Rural en Lugo, quen a está bloqueando e por que?

🤔 Por que se pasou dunha nave pública nun terreo xa cedido gratuitamente a estudar un alugueiro privado a dedo e sen licitar?

🤔 Quen vai gañar cartos con esta operación?

🤔 Quen decidiu cambiar o proxecto que o propio PP vendeu en campaña eleitoral e que o alcalde levaba no seu programa?

🤔 Que vai pasar cos arredor de 50 postos de traballo vinculados ao Distrito Forestal VIII a longo prazo?

Durante anos preguntamos nos plenos polo estado do proxecto. Durante anos recibimos evasivas, mais no último pleno o alcalde, despois de negar saber nada do asunto 3 veces, coma Pedro, escapóuselle que xa sabía que a Oficina Agraria Comarcal non iría á futura instalación e quedaría na vila...

Excusatio non petita, accusatio manifesta. Non se pode tomar por parva á viciñanza.

Porque cando unha administración ten un terreo gratuíto para construír unha nave pública e acaba buscando un alugueiro privado, a cidadanía ten dereito a saber por que.

E cando unha obra anunciada con grandes titulares e vendida no seu programa eleitoral desaparece sen explicaciós, tamén.

📢 Chantada merece respostas.

📢 Chantada merece transparencia.

📢 Chantada merece que os investimentos públicos se fagan pensando no interese xeral e non en intereses particulares.

Porque os cartos públicos son de todas e todos.

Non de catro.

👉 Axudádenos a espallar esta publicación demandando explicaciós a Medio Rural e ao Concello. E vós, que pensades que está pasando realmente coa nave de Medio Rural? 🟢

01/06/2026

🟢O CONCELLO DE CHANTADA TIVO QUE RETIRAR UNHA CONVOCATORIA ILEGAL PARA SOCORRISTAS E MONITORES DEPORTIVOS 🚨

📢 Si. Liches ben.

O goberno municipal aprobou unhas bases que incumprían a normativa vixente e só despois do recurso apresentado desde Por Chantada – Interior Galego Vivo🍃 viuse obrigado a dar marcha atrás e anular a convocatoria.

📄 A propia resolución da Alcaldía recoñece que as bases non recollían correctamente os requisitos legais para exercer funcións de socorrismo acuático.

E estamos a falar de algo moi serio:
🏊 Seguridade das persoas usuarias das piscinas municipais.
🚑 Atención de emerxencias médicas.
🛟 Salvamento acuático.
⚖️ Cumprimento da legalidade.

Por Chantada 🍃 advertiu que as bases permitían acceder ao posto sen garantir a formación específica exixida pola normativa.

Resultado?
❌ Convocatoria anulada.
❌ Bases retiradas.
❌ O Concello obrigado a redactar unhas novas cando xa tiña o proceso practicamente concluído.

Agora ben, as preguntas son inevitábeis:
🤔 Cantos procesos selectivos máis conteñen erros semellantes?
🤔 Cantas irregularidades pasarían desapercibidas se Por Chantada non tivese recorrido en diferentes ocasiós?
🤔 Como é posíbel que teña que ser sempre o noso grupo coa súa constancia quen obrigue ao Concello a cumprir a legalidade?

Non é a primeira vez que acontece algo parecido.

📌 Mentres o goberno municipal dedica tempo e recursos á propaganda institucional, Por Chantada 🍃, sen liberaciós, continúa revisando expedientes, fiscalizando actuaciós e defendendo os principios de igualdade, mérito e capacidade para todas e todos.

Os empregos públicos:
❎ Non son do alcalde.
❎ Non son do PP.
✅ Son de toda a viciñanza, dos que pagamos impostos.

E por iso merecen procesos transparentes, rigorosos e con todas as garantías legais.

💚 A retirada desta convocatoria non é unha vitoria de Por Chantada.
👉 É unha vitoria da legalidade.
👉 É unha vitoria da transparencia.
👉 É unha vitoria de todas as persoas que aspiran a un emprego público en condicións de igualdade.

👇 E ti, que opinas?
Paréceche normal que o Concello teña que retirar unha convocatoria onteira despois dun recurso da oposición e que non se axuste á legalidade?

💬 Déixanos a túa opinión nos comentarios.
🔄 Comparte para que toda Chantada coñeza o que aconteceu 🟢

29/05/2026

🟢 Queda un ano para as municipais e seguimos dando o millor de nós para que a mudanza de ciclo e de goberno sexa unha realidade.

Un cambio que se enxerga xa como arela e como horizonte dunha maioría da viciñanza. O fin de ciclo e o esgotamento do gobermo municipal en todos os ámbitos é unha realidade que cada vez vemos máis persoas.

Por Chantada ten claro que a xente está cansa do ruído, da política fechada en si mesma e dunhas institucións que non resolven os problemas reais e cotiáns. Farta da corrupción e da falta de honestidade. Farta e decepcionada.

Mais o cambio non virá nunca só nen cae do ceu. Hai que traballalo, desde unha cidadanía activa, organizada e implicada no futuro da nosa vila. O cambio constrúese desde abaixo, participando e tecendo comunidade.

Por iso, unha boa forma de contribuír á necesaria mudanza é achegarse mañá á asemblea de Por Chantada, ás 11:30 horas nas Galerías do Almacor. Porque o futuro tamén depende de dar un paso adiante. 🟢

28/05/2026

🟢 Hoxe ás 20 horas na Casa da Cultura levamos ao pleno a defensa da veciñanza de Pesqueiras fronte aos proxectos de baterías de litio.

🎥 Neste vídeo explicamos a nosa posición.

👉 O alcalde non presentou alegacións.
👉 Non defendeu as parroquias afectadas.
👉 E calou en canto avanzan proxectos con enorme impacto territorial e ambiental.

Outra vez máis, o PP escolle pórse do lado dos intereses privados antes que da viciñanza.

⚠️ Nós témolo claro:

❌ Non estamos contra as enerxías renovábeis.
✔ Estamos contra un modelo imposto, especulativo e pensado para beneficiar uns poucos sen ter ordenado o territorio e sacrificando sempre as aldeas.

Defendemos:
🌱 Un modelo descentralizado.
🏘️ Que respecte o territorio.
⚡ Que dea autonomía ás persoas e ás comunidades.
🤝 E que non converta o rural nunha zona de sacrificio.

Hoxe tamén defenderemos:
☀️ Bonificacións no IBI e ICIO para placas solares.
⛪ A incoación do expediente BIC para a romaría do Corpo Santo por todos os elementos únicos que preserva.

Animámosvos a asistir ao pleno. 🟢

22/05/2026

🟢 O vindeiro xoves defenderemos tres mociós no pleno: bonificaciós no ICIO e no IBI para placas solares, defendendo un modelo enerxético descentralizado que avogue pola autonomía das persoas; incoación do expediente para recoñecer a romaría do Corpo Santo coma BIC, pois nunca recebeu desde o Concello a atención necesaria; e medidas a prol da viciñanza atinxida polos proxectos de parques de baterías de litio en Pesqueiras, pois o alcalde non alegou absolutamente nada e vende parroquias inteiras para favorecer os negocios duns poucos.

En Chantada, así pois, hai dous modelos de facer política: por un lado, o do PP, que hoxe celebra Santa Rita nun restaurante en Carballedo pagando o xantar cos impostos de todos e sen licitar o menú; e, por outro lado, o de Por Chantada, a carón de vós sempre e traballando con constancia e día a día ✅️ a favor de Chantada. 🟢

Denuncian a “falta de intervención” do goberno local e propoñen medidas técnicas e de apoio á veciñanza afectada

21/05/2026

🟢 🏚️ SEIS ANOS DESPOIS, A CUBERTA DO AUDITORIO SEGUE AGARDANDO

A cuberta do Auditorio Municipal de Chantada leva seis anos sen ser reparada despois do incendio que a destruíu.

Seis anos.

Tempo máis que suficiente para resolver:
👉 o conflito coa aseguradora
👉 buscar financiamento
👉 redactar proxectos
👉 e executar as obras

Pero nada diso aconteceu.

📉 O resultado é evidente:

❌ Unha cuberta dun edificio no centro da vila sen utilidade e fechada á viciñanza.
❌ Un espazo público desaproveitado.
❌ Un símbolo máis da parálise e da má xestión.

⚠️ O que era unha incidencia converteuse nun problema crónico e sen solución á vista.

🗣️ Desde Por Chantada – Interior Galego Vivo🍃 entendemos que iste espazo debe recuperarse e volver estar ao servizo da viciñanza.

🔥 Seis anos despois do incendio xa non toca prometer. Toca arranxar.

E vós, que fariades na cuberta do auditorio municipal? 🟢

20/05/2026

🟢 Santa María de Pesqueiras: moito ruído e poucas noces.

📍 Ou adaptado aos tempos modernos "moitas fotos e poucos feitos".

Nas alegacións que apresentamos contra os proxectos de parques industriais de baterías Belesar I e Belesar II puxemos o foco tamén no patrimonio. Porque non todo son megawatts: tamén existen a memoria, a paisaxe e os lugares que explican a nosa identidade como pobo.

E entre iles está Santa María de Pesqueiras, monumento nacional desde 1950 e unha das xoias patrimoniais máis importantes do románico do noso concello e da denominada modernamente como .

Sobre este monumento, desde Por Chantada - Interior Galego Vivo🍃 levamos anos facendo iniciativas e reclamando actuaciós concretas ao goberno municipal.

Pedimos dúas cousas moi simples:

➡️ Podar os castiñeiros que ameazan a cuberta e aceleran o seu deterioro.

➡️ Presionar a Xunta para actuar sobre a presenza de morcegos que está provocando un deterioro severo do interior sen que Patrimonio nen Medio Ambiente adopten medidas efectivas e se poñan de acordo, malia seren ambos organismos autonómicos.

E que comprobamos?

❌ O Concello non se dirixiu por escrito á Xunta.
❌ Non nos consta nengunha xestión efectiva en máis dunha década.
❌ Tampouco se actuou sobre a vexetación.
❌ Por en canto, a cuberta e o interior continúan deteriorándose sen que tampouco o bispado erga a voz ou mobilice recursos como si fai onde ten maior interese económico por retornos turísticos ou acceso a subvenciós.

A realidade contrasta coas declaraciós solemnes, as fotos institucionais e os discursos grandilocuentes sobre a Ribeira Sacra, o Patrimonio da Humanidade e o orgullo do territorio. Fronte á narrativa de "vivimos no paraíso" constátase o abandono e a neglixencia institucional en todos os planos da realidade.

Tamén non se salvagardan correctamente os monumentos máis protexidos e recoñecidos. E agora, como cireixa no topo do bolo, preténdese colocar un polígono industrial de baterías ás portas dun dos lugares máis emblemáticos do noso patrimonio.

A pregunta é inevitábel: se non son quen de conservar Santa María de Pesqueiras que leva desde 1950 protexida, como imos confiar en que protexan os bens patrimoniais da Ribeira Sacra?

👉 Coñecíades o estado actual do monumento?
👉 Cres que Patrimonio e Concello están facendo o suficiente?
👉 A Ribeira Sacra está protexida ou só se usa para facerse fotos? Tívose en conta a poboación local na candidatura e as súas necesidades?🟢

16/05/2026

🟢 Begonha Caamanho: umha das nossas.

Nos seus romances revisitou os mitoloxemas clásicos (Circe) e da Bretaña (Morgana en Esmelle) desde unha óptica feminista e contemporánea, que a fixeron merecente diste recoñecemento póstumo. Defensora do reintegracionismo e do soberanismo foi unha xornalista fortemente comprometida cos movementos sociais e a mellora das condiciós de vida da maioría social. Foi, en definitiva, unha das nosas.

Desde Por Chantada-Interior Galego Vivo🍃 defendemos unha Galiza orgullosa da súa cultura, da súa fala e da súa identidade. Porque a lingua non é só memoria: é futuro, comunidade e país.

Que nunca deixemos de falar, crear e vivir en galego 💙🤍💙 🟢

12/05/2026

🟢 Fronte ao desleixo, fiscalización. Fronte aos silencios, traballo serio.

En canto o alcalde e o PP levan anos instalados na propaganda, no despilfarro, na improvisación e no abandono da xestión municipal, Por Chantada segue demostrando que outra maneira de facer política é posíbel: con rigor, documentación, estudo dos expedientes e defensa firme do interese público.

📌 Este vídeo, do último pleno, onde o asunto era a aprobación dun recoñecemento extraxudicial de crédito, é unha mostra máis do traballo constante e concienzudo do noso grupo municipal:
👉 revisando contratos
👉 fiscalizando actuacións
👉 denunciando irregularidades
👉 facendo o labor de control que o goberno local quere evitar a toda costa.

Porque o problema non é apenas o abandono:
⚠️ é tamén a opacidade
⚠️ os desfalcos
⚠️ a mala xestión dos recursos públicos
⚠️ e unha forma de gobernar baseada en actuar sen dar explicaciós.

🗣️ Onde o PP ve o Concello como unha ferramenta ao servizo dos seus intereses e da súa camarilla, Por Chantada - Interior Galego Vivo🍃 entende que o Concello debe estar ao servizo de TODA a viciñanza.

E iso require traballo. Moito traballo. Horas de expedientes, alegacións e control político serio, mais logo socializar unha parte de todos ise labor.

💚 Chantada necesita menos propaganda e máis responsabilidade.
Menos fotos e máis fiscalización.
Menos caciquismo e máis transparencia.

Porque defender Chantada tamén é vixiar o que outros queren ocultar. Nós sempre ✅️ a favor de Chantada. 🟢

10/05/2026

🟢 A Ponte precisa unha intervención URXENTE

📍 Xunto á fonte e ao piñeiro o terreo está a afundirse e xa existe un buraco de dimensións considerábeis. Ademais, pode observarse como as augas fecais verten directamente ao río.

⚠️ Falamos dun problema grave:
👉 risco para a seguridade das persoas
👉 deterioro ambiental
👉 décadas de abandono na xestión da auga e do saneamento

E mentres isto acontece, o Concello continúa priorizando propaganda, eventos e festexos antes que atender as necesidades máis básicas da veciñanza.

📌 Un Concello serio debe garantir primeiro:
✔️ saneamento
✔️ abastecemento e traídas de auga
✔️ mantemento das infraestruturas
✔️ seguridade pública

Antes de gastar cada ano máis cartos en festas ca en investimentos reais.

Porque gobernar non é facer fotos nin inaugurar eventos: é coidar o que é de todas e todos e evitar que os problemas rebenten diante da veciñanza.

💧 O abandono da rede de saneamento e das infraestruturas básicas durante décadas de gobernos do PP xa é inocultábel.

Chantada merece planificación racional e pensar no futuro e no concello que queremos legar ás vindeiras xeraciós. 🟢