Biblioteca Pública Municipal de Chantada

05/06/2026

Hoxe pasamos unha tarde moi divertida con Carlos Yus de Migallas Teatro, que nos trouxo a Chantada unha morea de contos e cancións, co que conseguiu que todos os asistentes, grandes e pequenos interactuasen.
Con esta actividade damos por rematado o ciclo de contos desta tempada. Volveremos con máis contos o primeiro venres de outubro.
Lembrade que a biblioteca permanecerá aberta durante todo o verán cunha morea de historias adardando por vós.
A actividade de hoxe estivo subvencionada pola Consellería de Cultura dentro da programación de Ler conta moito e o Concello de Chantada

05/06/2026

Lembrámosvos que hoxe ás 18:15 teremos o contacontos deste mes con Carlos Yus de Migallas Teatro.
Esta actividade pertence ás organizadas dentro da programación de Ler conta moito subvencionada pola Consellería de Cultura e o Concello de Chantada

04/06/2026

Rematamos o día de hoxe coa entrega de premios do Certame de Narración e Debuxo Letras Galegas 2026, organizado en colaboración coa Biblioteca Provincial.

Queremos felicitar ás persoas premiadas e agradecerlles a súa participación xa que, a través dos seus relatos e debuxos, contribuíron a manter viva a nosa lingua e a nosa cultura.

No acto estiveron acompañados polas súas familias, compartindo un momento de recoñecemento e celebración do seu talento e creatividade.

Ademais, contamos coa presenza do alcalde do Concello de Chantada, Manuel Lorenzo Varela Rodríguez, a quen agradecemos o seu acompañamento neste acto.

Parabéns a todas e todos os participantes e, especialmente, ás persoas premiadas. Seguiremos traballando para promover a lectura, a creación e o amor pola lingua galega.

04/06/2026

✨ Esta mañá tivemos o pracer de recibir na biblioteca a visita dos nenos e nenas de 6º de Educación Infantil do CEIP Xoán de Requeixo.

Durante a visita coñeceron os distintos espazos da biblioteca, descubriron moitos libros e compartimos un tempo cheo de curiosidade, aprendizaxe e ilusión pola lectura. 📖💙

Grazas pola vosa visita e por encher a biblioteca de sorrisos, preguntas e ganas de descubrir novas historias. Agardamos vervos de novo moi pronto!
Concello de Chantada

02/06/2026

Este venres temos unha cita moi especial na Biblioteca Municipal da man de Carlos Yus, de Migallas Teatro.

Unha sesión de contos, cancións tradicionais e creación propia que divirten e convidan a reflexionar sobre temas como a solidariedade, o consumismo, as emocións, os xogos e a nosa lingua.

A actividade combina contos con cancións dos libros-disco "Canta connosco!" e "Pan de millo", ademais de ditos e recitados recollidos en Orella pendella.

📅 Venres 5
🕕 18:15 h
📍 Biblioteca Municipal
👧🧒 Para nenos e nenas maiores de 3 anos

Agardámosvos para compartir unha tarde chea de historias, música e diversión en familia!
Esta actividade está subvencionada pola Concellería de Cultura dentro da programación de Ler conta moito e o Concello de Chantada

29/05/2026

📖 Recén chegadas! Novas novelas para adultos xa dispoñibles.
Concello de Chantada

25/05/2026

Hoxe no club de lectura compartimos impresións sobre "A culpa", de María Solar.
Un libro que nos fixo reflexionar sobre a culpa, a memoria e as consecuencias dos actos, e que deu para unha conversa moi interesante e chea de matices.
Grazas, unha vez máis, por compartir lecturas e puntos de vista.

21/05/2026

Mañá teremos pechado, volvemos o próximo luns.
Perdoade as molestias!

‼️ AVISO: Este venres, 22 de maio, celébrase Santa Rita, patroa d@s traballadores e traballadoras da Administración local. Por este motivo, as dependencias do Concello de Chantada: Concello, Edificio Multiusos (Servizos Sociais e CIM), Piscina Municipal, Biblioteca Pública Municipal de Chantada, oficina de Chantada Turismo ... estarán pechadas.

* Están habilitados para o rexistro de documentos os seguintes enderezas: https://reg. redsa ra .es/es/
https://chantada.sedelectronica.es/info.O

12/05/2026

📢 NOVIDADE LITERARIA

Xa temos dispoñible "Antes de que todo cambie", a nova novela de Manel Loureiro.
Intriga, tensión e acción cunha historia ambientada en Galicia que promete enganchar desde a primeira páxina.
Concello de Chantada

11/05/2026

📚✨ Comezamos a semana das Letras Galegas! ✨📚

Este ano a celebración está dedicada a Begoña Caamaño, unha autora imprescindible da literatura galega contemporánea, da que xa podedes atopar as súas novelas no noso catálogo. Unha ocasión perfecta para descubrir (ou reler) a súa obra e deixarse conquistar pola súa escrita.
Informámosvos que durante todo este mes teremos tamén unha selección de libros en galego para agasallar ás persoas usuarias que fagan uso do servizo de préstamo. Porque ler en galego é celebrar a nosa lingua cada día. 🌿
Ademais, aproveitamos para amosarvos as novas incorporacións que xa tedes dispoñibles.
Concello de Chantada