Partido Popular de Cervantes

08/09/2026

05/09/2026

A XUNTA DE GALICIA APOIA A CREACIÓN DUNHA NOVA ÁREA RECREATIVA NA PARROQUIA DE DONÍS

O Partido Popular de Cervantes celebra a concesión, por parte da Axencia Galega de Desenvolvemento Rural (AGADER), dunha subvención directa á Asociación Veciñal de Donís para levar a cabo o proxecto de construción dunha área recreativa na contorna de Donís.

Esta actuación permitirá crear e poñer en valor un novo espazo para uso e desfrute de todos, tanto dos veciños da parroquia e do resto do concello como das persoas que nos visitan, contribuíndo tamén á promoción e posta en valor da contorna natural.

Cómpre destacar que, tras varias xestións realizadas para facer posible este proxecto, os propietarios da parcela na que se construirá a área recreativa decidiron doala á Asociación Veciñal de Donís, un xesto de xenerosidade e compromiso coa parroquia que queremos agradecer especialmente.

Dende o Partido Popular de Cervantes queremos agradecer á Xunta de Galicia e a AGADER o seu compromiso co noso rural, apoiando iniciativas que permiten mellorar os nosos pobos e crear novos espazos ao servizo de todos.

Así mesmo, queremos felicitar á Asociación Veciñal de Donís polo seu traballo e implicación, e agradecer especialmente aos propietarios a doazón do terreo, fundamental para facer realidade este proxecto.

📰 Nota de prensa👇

04/09/2026

👨‍👩‍👧‍👦 BONO CONCILIA FAMILIA 2026

A Xunta de Galicia abre unha nova convocatoria de axudas para facilitar a conciliación das familias galegas.

💶 ATA 500 € POR MENOR ➡️ Para contratación de servizos de atención á infancia no domicilio.

💶 ATA 200 € POR MENOR ➡️ Para campamentos, ludotecas e outros recursos de conciliación.

👧👦 Dirixido a familias con menores nados entre 2013 e 2022 que cumpran os requisitos da convocatoria.

📅 Prazo de solicitude: Do 9 de setembro ao 9 de outubro de 2026.

💻 Tramitación electrónica na Sede da Xunta. 📌 Procedemento BS412A

💙 Unha axuda da Xunta de Galicia para apoiar ás familias e facilitar a conciliación da vida familiar e laboral.

03/09/2026

🚙 A XUNTA DE GALICIA DESTINA 30.000 € A CERVANTES PARA A ADQUISICIÓN DUN NOVO VEHÍCULO 4×4

A Xunta de Galicia vén de conceder ao Concello de Cervantes unha axuda de 30.000 euros para a adquisición dun vehículo 4×4, contribuíndo así a mellorar os medios municipais e os servizos que se prestan aos nosos veciños e veciñas.

👉 Esta achega súmase aos outros 30.000 € concedidos o pasado ano para a adquisición doutro vehículo.

📌 En total, 60.000 € achegados pola Xunta de Galicia nos dous últimos anos para a adquisición de dous vehículos para o noso concello.

👏 Dende o Partido Popular de Cervantes queremos agradecer á Xunta de Galicia o seu compromiso e apoio continuado co noso municipio, dotándoo de medios que contribúen a mellorar os servizos públicos.

02/09/2026

📢 NOVO TELÉFONO PARA URXENCIAS NO CENTRO DE SAÚDE DE SAN ROMÁN

Informamos a todos os veciños e veciñas de que está dispoñible un novo número de teléfono para a atención das urxencias en horario de tarde, de 15:00 a 22:00 horas:

☎️ 982 36 49 66

📌 Recomendamos gardar este número e compartilo, especialmente coas persoas maiores ou que poidan necesitar facer uso deste servizo.

👉 Unha información importante para todos os veciños e veciñas de Cervantes.

01/09/2026

🔥🌲 A XUNTA SEGUE INVESTINDO NA PREVENCIÓN DE INCENDIOS EN CERVANTES

A Xunta de Galicia, a través da Consellería do Medio Rural, leva semanas realizando traballos de limpeza e mellora de cortalumes en:

📍 Vilaquinte
📍 Corneantes
📍 Chaovilarín
📍 Pradela
📍 Donís
📍 Os Olmos

👏 Dende o PP de Cervantes agradecemos á Xunta o seu compromiso co noso concello.

28/08/2026

🎥 PLENO MUNICIPAL | 26 DE AGOSTO

Xa está dispoñible a sesión plenaria do pasado 26 de agosto.

▶️ Unha oportunidade para coñecer de primeira man o que acontece no Concello de Cervantes, as propostas presentadas e as respostas do goberno local.

📲 Dálle ao play e saca as túas propias conclusións.

Enjoy the videos and music you love, upload original content, and share it all with friends, family, and the world on YouTube.

27/08/2026

CERVANTES QUEDA SEN BRIGADAS CONTRA INCENDIOS POR NEGARSE A ASINAR O CORRESPONDENTE CONVENIO COA XUNTA DE GALICIA

Cervantes é o único concello da montaña que non asinou este convenio, o cal outorga absoluta prioridade ós municipios adheridos ó mesmo para a actuación destes profesionais.

A pesar disto, o goberno local socialista anunciou a creación dunha base para o traballo destas brigadas no noso concello, as cales nunca chegaron.

Dende o Partido popular de Cervantes, insistimos, en sesión plenaria e en múltiples ocasións, que era de vital importancia asinar este acordo para poder contar con elas, atopándonos coa reiterada negativa do goberno local.

Por outra parte, hai que sinalar que, por primeira vez en 35 anos, tampouco hai brigada municipal contra incendios.

Resulta incomprensible que o goberno socialista de Cervantes adopte compromisos que non vai cumprir e que amose unha total deixadez e falta de responsabilidade ante un asunto tan sumamente importante como a prevención dos lumes. Evidencia un interese político por riba da seguridade dos nosos veciños e veciñas. Lamentable.

18/08/2026

🌳 En Galicia sabemos que previr é protexer.

No Día Mundial da Prevención de Incendios Forestais, mantemos o noso compromiso coa protección dos nosos montes e coa prevención para seguir coidando Galicia. 💚