10/07/2026
Rexistramos através dos deputados socialistas no Parlamento de Galicia as seguintes
preguntas e propostas que nos trasladaron as nais e pais, e que nos preocupan a nós
mesmos como veciños e usuarios do CEIP da Barqueira, en relación ao noso Colexio.
Como é posible que alguén pense en falar de méritos nun tema así? Quizá sexa porque
dende o PP de Cerdido querer levar o mérito está no seu ADN, pero non todos estamos en
política para iso.
Realizamos estas preguntas como grupo político, pero tamén despois de falar con nais e
pais que nos mostraron a súa preocupación polo falado na primeira reunión. Trasladamos os
problemas que nos transmiten os veciños fora de calquera cor política. Iso é o que molesta?
Que os veciños nos trasladen as súas preocupacións?
Comprendemos que para o PP de Cerdido resulte estraño que a oposición realice
preguntas e busque estar informada.
Comprendemos que para o PP de Cerdido resulte estraño que un grupo político se
preocupe dos problemas dos veciños como veciños que somos, e non cunha visión
exclusivamente política.
Comprendemos que para o PP de Cerdido resulte estraño que un grupo político busque
respostas cunha preocupación real, e non coa finalidade de desgastar ao adversario
político.
Pero non todos somos iguais.
Como é posible que coñecidas as intencións da Consellería (por palabra, non por escrito,
quizá de ahí ven o nerviosismo) alguén pense en tentar atacar ao rival político?
Como é posible que alguén esté máis preocupado do que dirán del os veciños que de
buscar solucións? Pois así é o goberno municipal de Cerdido.
Continúa a obsesión do PP de Cerdido co PSOE. Calquera que visite o seu perfil en redes
sociais pode observar que nos últimos meses numerosas publicacións van dirixidas á
oposición. Nesta vez tocou por parte do PP local deslizar que o PSOE está a crear un
problema donde non o hai, para a continuación falar duns posibles recortes no colexio. Sres
e Sras do PP de Cerdido… o feito de que se comente, aínda que sexa de palabra, a
intención de modificar (para reducir) a estructura educativa do colexio xa é un grave
problema! E o PSOE non ten nada que ver porque a Xunta é da súa cor política!
Nós mediante deputados socialistas no Parlamento de Galicia rexistramos preguntas sobre o estado organizativo do colexio para a súa resposta formal e por escrito. Comprendemos que se vai estar todo correcto non haberá ningún problema en que fosen feitas e en ser respostadas. Como moitas veces rexistramos preguntas por escrito ao goberno local. Dedican mais liñas en criticar á oposición que en dar unhas explicacións claras e concisas. A que se debe o nerviosismo? Niso consiste estar en política. Informarse, preguntar, presionar… comprendemos que para algúns que non fixeron nada diso estando na oposición e vivían instalados no fatalismo e a oposición destructiva todo isto soe raro.
Pero que agardar dun PP, que agora goberna, que pasou 4 anos na oposición facendo
política sucia, en búsqueda do conflicto permanente e desexando que Cerdido non
avanzase para criticar?
Levan 3 anos máis preocupados en facer oposición á oposición que en gobernar. Todo isto responde a un fin electoralista, no que a política e os problemas dos veciños quedan a un lado, para que ocupe un papel principal quedar ben diante da opinión pública para o
resultado electoral. Poden tentar buscar culpables na oposición, continuar coas mentiras
que levan dicindo anos e anos, pero nada conseguirá tapar súa incompetencia en múltiples aspectos. Calquera que de un paseo polo concello e vexa as súas zonas públicas pode observar a desastrosa xestión do goberno municipal.
