Concello de Cerdido

02/06/2026

📚 O club de lectura do CEIP da Barqueira celebrou onte o seu fin de curso cun encontro moi especial coa escritora Marta Villar, autora da novela ‘Detective Ferruchi’, a través dunha videoconferencia.

🗣️ Durante o coloquio afondouse no universo da obra, coñecéronse mellor os seus personaxes e compartíronse impresións sobre os temas sociais presentes na novela.

🧵 A emigración e as súas consecuencias familiares ou o papel das mulleres na industria téxtil galega desde os anos oitenta foron algúns dos asuntos abordados nesta conversa próxima e enriquecedora.

✨ Unha experiencia moi especial na que tamén deixou aberta a porta a unha segunda parte da historia. No club de lectura xa a agardan con ilusión!

👏 Desde o Concello de Cerdido agradecemos a amable participación de Marta Villar.

30/05/2026

🧪 O alcalde de Cerdido, Alberto Rey, asistiu onte á II Feira Científico Tecnolóxica do Ortegal, que se celebrou en Ortigueira.

📸 Velaquí unhas imaxes do evento!

29/05/2026

🪡✨ Este mes de xuño o ciclo 'Unha obra, unha mirada' acolle as obras das nosas palilleiras locais!

O alumnado do curso de bolillo, impartido por Marisa Hermida e organizado pola asociación Albar Quercus, amosa así as súas preciosas creacións. 👀

🙌 É un orgullo contar con tanto talento!

29/05/2026

✅ Xa está restablecida a subministración de auga.

🙏 Desculpade as molestias.

⚠ AVISO

💧❌ Detectamos unha fuga de auga na rede de subministración.

📍 Afecta aos núcleos de Chaíña, Seixas, Xiao e Rediz.

👷🏼‍♂️ Os operarios xa están a traballar para localizala e arranxala o antes posible.

🙏 Desculpen as molestias.

29/05/2026

🎖️ A marca agroalimentaria KB0 Ortegal entregou onte os distintivos ás primeiras 18 empresas adheridas nun acto celebrado no Teatro da Beneficencia, que contou coa presenza do alcalde, Alberto Rey.

🍴 Esta iniciativa nace co obxectivo de poñer en valor os produtos agroalimentarios e mariños do territorio do Xeoparque Cabo Ortegal, promovendo a calidade, a identidade e o potencial do sector local.

👉 O concello de Cerdido estivo presente nesta primeira entrega de distintivos coa adhesión da empresa agrícola Cool Berries á marca KB0 Ortegal.

29/05/2026

⚠ AVISO

💧❌ Detectamos unha fuga de auga na rede de subministración.

📍 Afecta aos núcleos de Chaíña, Seixas, Xiao e Rediz.

👷🏼‍♂️ Os operarios xa están a traballar para localizala e arranxala o antes posible.

🙏 Desculpen as molestias.

28/05/2026

📢 O programa formativo "Preparando ás PEMEs galegas para os novos desafíos: Ciberseguridade e cumprimento normativo", celebrarase o xoves 4 de xuño, de 9:00 a 11:00 horas.

💻 Será en formato online para todas aquelas pequenas e medianas empresas que queiran saber máis sobre a ciberseguridade.

✍️ A inscrición está aberta dende hoxe, 28 de maio, ata o propio 4 de xuño a través do seguinte formulario: https://docs.google.com/forms/d/e/1FAIpQLSfexntvzZU16dIj4f664Js0gdbFlvZolzX0kMcjy2BLXREl8w/viewform

28/05/2026

🎓 O Concello de Cerdido e a Universidade da Coruña veñen de asinar un convenio de colaboración educativa para realizar prácticas académicas no ámbito municipal.

📚 O programa está dirixido ao alumnado de grao (con polo menos a metade dos créditos superados), de mestrado (con polo menos o 25 % dos créditos aprobados) e alumnado de intercambio, tanto en prácticas curriculares como extracurriculares,

📅 O acordo terá unha duración inicial de 4 anos, con posibilidade de prórroga de ata 2 anos máis.

ℹ️ Máis información: https://www.cerdido.org/cerdido-e-a-udc-asinan-un-convenio-para-a-realizacion-de-practicas-do-alumnado-universitario/

27/05/2026

🔥❌ A Xunta prohibe, a partir deste venres, 29 de maio, as queimas en toda Galicia.

🌡 Trátase dunha medida temporal debido ao incremento das temperaturas e para previr os incendios forestais.

ℹ Máis info en: https://www.xunta.gal/notas-de-prensa/-/nova/024920/medio-rural-adopta-como-medida-preventiva-suspension-temporal-las-quemas-agricolas

25/05/2026

🌍 Se es estranxeiro e resides en Cerdido, isto interésache!

📚 A Escola de Idiomas de Cedeira ofrece clases de castelán para as persoas veciñas que o precisen.

📞 Se estás interesado/a, podes chamar a Merce ao 626 473 753.