Concello de Catoira

31/08/2026

🚜 INTENSAS SEMANAS DE MANTEMENTO E LIMPEZA NOS ESPAZOS PÚBLICOS DE CATOIRA

O Concello de Catoira está a desenvolver un intenso programa de mantemento, limpeza e acondicionamento en diferentes puntos do municipio. O obxectivo é mellorar a imaxe de Catoira e garantir as mellores condicións de uso para toda a veciñanza.

✅ Actuacións xa realizadas:
• Áreas recreativas de Portocanles e Curva de Patiño.
• Limpeza do CPI Progreso.
• Parques infantís de Tarrio e Gondar.
• Beirarrúas da avenida Muíños do Vento.
• Rozas nas pistas da parcelaria de Dimo.
• Contorna de Pedras Miúdas.
• Xardíns e espazos públicos da rúa do Concello.

🚧 Traballos para esta semana:
• Pista de tenis da Balastrera.
• Espazos públicos da parroquia de Abalo.
• Rozas nas pistas da parcelaria de Oeste.

Seguimos traballando día a día para coidar e embelecer o noso concello! Coa colaboración de todos, mantemos Catoira limpa. 🤝

31/08/2026

📢 AVISO IMPORTANTE: PECHE PUNTUAL DO CEMUMA

Informamos a toda a veciñanza de que no día de hoxe, o Centro Municipal do Maior (CEMUMA) permanecerá pechado.

Esta suspensión temporal da actividade débese a motivos de saúde da monitora.

Pregamos desculpen as molestias que esta situación poida causar e agradecemos enormemente a súa comprensión.

27/08/2026

🚧 Corte da ponte do paseo fluvial este sábado para iniciar os traballos de renovación

O Concello de Catoira procederá este sábado ao peche da ponte que forma parte do paseo fluvial (a que une a Rúa da Estación cos Muíños de Abaixo) co obxectivo de iniciar as obras de renovación da súa estrutura.

A actuación comezará coa desmontaxe dos elementos e táboas de madeira que actualmente presentan deterioración, unha medida necesaria para garantir as condicións de seguridade dos usuarios.

Datos clave da intervención:

💰 Investimento: 40.000 euros, financiados a través dun cambio de finalidade do Plan + Provincia da Deputación de Pontevedra.

📈 Mellora continua: Esta obra súmase ás intervencións xa executadas este ano a través do canon eólico (12.000 €) e do programa Mar de Santiago (25.000 €).

🌳 Compromiso co paseo: Desde 2023, o Concello leva destinado máis de 200.000 euros de distintas administracións á rehabilitación e posta ao día dos 1,6 quilómetros deste espazo natural.

O alcalde, Xoán Castaño, explica que a actuación permitirá mellorar a conexión entre a avenida Eloy Domínguez coa zona dos Muíños de Moure, e lembra tamén que está pendente a construción por parte de ADIF da nova pasarela peonil elevada na entrada da antiga Cedonosa para suprimir o paso a nivel.

Pedirase á veciñanza que respecte o corte do paso durante o tempo que duren os traballos para evitar riscos de seguridade.

27/08/2026

🛡️ A Romaría Vikinga, no quinto posto do ranking estatal de festas populares de Ron Barceló e Billionhands

O Concello de Catoira expresa a súa enorme satisfacción polo recoñecemento acadado pola Romaría Vikinga, que se sitúa na quinta posición desta clasificación por diante de citas cunha gran notoriedade e proxección.

Para o alcalde, Xoán Castaño, este resultado supón un importante "espaldarazo" ao traballo realizado nos últimos anos para mellorar a calidade, organización, autenticidade e proxección da Romaría. Así mesmo, confirma a percepción positiva que se vén detectando tanto entre a veciñanza como entre as persoas que nos visitan.

Aspectos destacados polo perfil de Billionhands:

🏰 O desembarco vikingo xunto ás Torres de Oeste.

🤝 A profunda vinculación da recreación histórica co patrimonio local e a participación da veciñanza.

🎶 A ampla programación cultural, o mercado medieval, a música en directo e a gastronomía galega.

Desde o Concello sinálase a importante repercusión promocional que ten para a vila aparecer nunha clasificación destas características, o que permite posicionar a Catoira no mapa das grandes festas populares grazas ao bo facer colectivo e ao boca a boca.

https://diariodearousa.elidealgallego.com/ulla-umia/catoira/2026-08-26/la-vikinga-de-catoira-se-cuela-entre-las-diez-mejores-fiestas-de-pueblo-de-espana-875550.html

Esta romería ocupa el quinto puesto de un ranking nacional elaborado por Billionhands y Ron Barceló

26/08/2026

📢 CATOIRA REFORZA O SEU SERVIZO TURÍSTICO E DUPLICA A ATENCIÓN ÁS PERSOAS VISITANTES!

🗺️✨Melloramos para ofrecer a mellor acollida a quen elixe o noso municipio! O Concello de Catoira vén de incorporar unha nova informadora turística a través da Rede Rías Baixas, o que permite duplicar o persoal dedicado a este servizo.

Que supón esta mellora para Catoira? 👇

🕒 Máis horarios: O CACTO estará aberto todas as mañás (de luns a domingo) e tamén numerosas tardes.

📍 Dous puntos de atención: Servizo máis amplo e flexible tanto no CACTO como na nova oficina do Espazo das Torres.

👥 Visitas sen interrupcións: Grazas á coordinación do persoal, poderanse realizar visitas guiadas e recibir grupos sen ter que pechar as oficinas ao público.

🏛️ Promoción total: Refórzase a difusión do noso patrimonio excepcional, a cultura e a contorna natural de Catoira e da comarca.

Como destaca o alcalde, Xoán Castaño: “O obxectivo é que quen veña a Catoira atope información, acompañamento e posibilidades para coñecer mellor o municipio”.

Esta contratación de catro meses é posible grazas á adhesión á rede provincial e a unha subvención cofinanciada polo Concello.

Ven descubrir todo o que Catoira ten para ofrecer! 🏰⛵

21/08/2026

📚 O Concello de Catoira conxela por terceiro ano consecutivo o prezo do Madruga

O servizo Madruga continuará no curso 2026/27 como apoio ás familias para facilitar a conciliación, mantendo as mesmas tarifas por terceiro ano consecutivo.

🕢 O servizo comezará o 7 de setembro, no CPI Progreso, de 7:30 a 9:30 horas, para rapazada de ata 14 anos.

💶 Tarifas:

- 40 € ao mes por nena ou neno.
- 10 € mensuais para a segunda irmá ou irmán e seguintes.
- Bono de 10 sesións: 35 €.

📝 As inscricións abrirán o 24 de agosto e poderán realizarse a través da sede electrónica do Concello ou presencialmente no departamento de Servizos Sociais.

Un ano máis, o Concello aposta por facilitar a conciliación e manter accesibles os servizos municipais, sen incrementar o custo para as familias.

19/08/2026

🏀✨O vindeiro sábado 5 de setembro, non te podes perder a terceira edición do evento deportivo de baloncesto 3x3 "BasketBaia", que se celebrará na praza de Santa Baia a partir das 10:30. (En caso de choiva trasladarase ao polideportivo municipal de Catoira).

Será un día cheo de deporte, diversión e bo ambiente para todos os amantes do baloncesto.

12/08/2026

🚧 O Concello de Catoira inicia as obras de mellora da estrada de Gondar, en Dimo, para eliminar un estreitamento que dificultaba o cruzamento de vehículos e mellorar a seguridade viaria.
A actuación permitirá ampliar a calzada nun punto complicado, situado nunha curva, e acondicionar uns 120 m² de superficie. A obra, incluída no Plan Municipal de Asfaltados e financiada polo Plan +Provincia da Deputación de Pontevedra, foi posible grazas á colaboración das persoas propietarias dos terreos.
Os traballos estiveron precedidos de estudos arqueolóxicos pola proximidade do Castro de Folgar, que confirmaron a compatibilidade da actuación coa protección do patrimonio.

11/08/2026

🌙 O Concello de Catoira, como concello participante no programa “Baixo o Ceo das Rías Baixas”, da Deputación de Pontevedra, informa de que o lugar establecido oficialmente para ver a eclipse é a Alameda do Peirao.
Lembra usar gafas certificadas ISO 12312‑2 e supervisa o uso das persoas vulnerables que te acompañen.

05/08/2026

🌙 O Concello de Catoira vai repartir 1000 gafas homologadas para ver a eclipse solar de forma segura, a través do programa “Baixo o Ceo das Rías Baixas”, da Deputación de Pontevedra.
As persoas empadroadas en Catoira poderán recoller as súas gafas na Biblioteca Pública Municipal desde este xoves 6 de agosto, en horario de mañá.
Se sobrasen, tamén se repartirían no momento da eclipse, na tardiña do 12 de agosto, na Alameda do Peirao.