07/09/2026
Quico Cadaval abre este venres as Noites de Monólogo de Carral deste ano.
Quico Cadaval leva trinta anos a calcar os distintos camiños da memoria e da imaxinación. Tende a perderse e a reatoparse, sempre coa axuda do público. Os seus espectáculos pertencen a un movedizo mundo escénico que foi definido de distintas maneiras. Teatro da palabra, narración oral escénica ou literatura ao vivo, foron algúns dos xeitos de designalo. É un espectáculo mestizo entre o conto de lareira, o cabaré literario e o teatro épico.
En “Notas de Rodapé”, Quico Cadaval, ademais de revelar os truques e segredos do oficio, reclama a colaboración e o protagonismo do público. Os contos están feitos de anacos, de memorias, de lembranzas instantáneas, de experiencias inventadas. Pode tratarse da letra dun libro que entrou com sangue, da lembranza dun terror infantil ou dunha escena de western. As historias énchense de prólogos e epílogos, mais sobre todo, de notas de rodapé. Comentarios para facer o conto mais divertido, mais elocuente, mais esclarecedor. Quico Cadaval, no transcurso do show, reclamará do público que faga preguntas, que o interroguen, que o obriguen a revelar o que nunca contou. E Cadaval responderá, mais a resposta sempre será outro conto, que se xunta ao conto infinito da humanidade. O espectáculo comeza cun morto nunha encrucillada, (a historia que máis veces contou) e remata co conto mais fermoso do mundo. Polo medio, o que mande o público.
Non o perdades!!! Lembrade que a entrada é de balde, mais a capacidade da sala é limitada. Chegade cedo porque somos puntuais.
Concello de Carral Cultura da Deputación da Coruña Mofa e Befa & Excéntricas
