04/09/2026
🐟 A Lonxa de Laxe pecha. E quen dá explicacións?
Hai apenas unhas semanas, o 8 de agosto, a conselleira do Mar, Marta Villaverde, era nomeada Embaixadora dos Peixes e Mariscos da Lonxa de Laxe. 🐟🏅
Falábase de pesca artesanal, produto local e de poñer en valor a nosa lonxa. E agora, poucas semanas despois, a lonxa pecha. 🔒
💶 Ademais, concedéronse 29.140,17 € de fondos públicos para un proxecto de promoción e posta en valor dos peixes e mariscos da Lonxa de Laxe.
Sabemos que os barcos de Laxe levan tempo comercializando as súas capturas na Coruña ou en Ribeira. Precisamente por iso queremos saber:
❓ Por que deixou de ser rendible vender o peixe no propio porto?
❓ Que foi fallando para chegar ata aquí?
❓ Que se fixo durante estes anos para evitalo?
🍽️ E que pasa coa hostalería e o comercio local que se abastecían dela?
🏛️ E o Concello de Laxe? Pediu explicacións á Confraría? Vai facer algo para intentar recuperar a actividade?
Porque unha lonxa non é só un lugar onde se vende peixe. En Laxe forma parte da nosa historia, da nosa identidade mariñeira e de xeracións de homes e mulleres que viviron mirando ao mar e pola que tanto loitaron os nosos avós. ⚓💙
📣 Poñer en valor a pesca de Laxe non pode quedar en actos, campañas e nomeamentos.
Laxe merece explicacións. E a súa lonxa merece futuro. ⚓💙
