08/09/2026
Hoxe despedimos con enorme tristeza a Isabel Regueiro, profesora de Física e Química do IES Alfredo Brañas e, sobre todo, unha desas persoas que deixan pegada.
Desde a primeira edición da Feira do Día da Muller e a Nena na Ciencia, que hoxe coñecemos como LandraCiencia, Isabel estivo aí. Sempre acompañada das súas alumnas, sempre disposta a colaborar, a preparar experimentos, a espertar preguntas e a demostrar que a ciencia tamén se aprende tocando, probando, sorprendéndose e compartindo.
Durante estes tres anos tivemos a sorte de vela converter o seu alumnado en protagonista, transmitir entusiasmo e axudarnos a achegar a ciencia ás novas xeracións, especialmente ás nenas. Porque Isabel non só ensinaba Física e Química: creaba curiosidade, vocacións e referentes.
Custará moito imaxinar a seguinte sen Isabel e sen as súas rapazas arredor dunha mesa de experimentos.
Desde o Concello de Carballo queremos expresar todo o noso agarimo á súa familia, amizades, compañeiros e compañeiras do IES Alfredo Brañas e, moi especialmente, ao alumnado que tivo a fortuna de aprender con ela.
Grazas por tanto, Isabel. Por ensinar, por divulgar, por compartir e por facer medrar a ciencia en Carballo.
Sempre formarás parte de LandraCiencia🌱🔬
