¿Qué es el sitio web?

Espazo Común O Carballiño

Casa
España
Carballino
Espazo Común O Carballiño

Movemento cidadán de acción política

23/02/2026

Domingo de cachucha coa familia de Espazo común

03/02/2026

Este xoves hai pleno no Carballiño.
Levamos unha longa lista de baches para pedir ao goberno o seu arranxo.
Se queres informarnos dos que che afectan, podes engadir comentario a esta publicación ou facérnolo chegar por mensaxe privado.

05/12/2025

Cheo total da Casa da Cultura do Carballiño no acto que organizamos para falar dos problemas actuais e do futuro do noso pobo.
Grazas a todos por participar.

30/11/2025

Este venres ás 19:30, na Casa da Cultura, organizamos unha xuntanza aberta para tratar algúns dos temas que preocupan á veciñanza do Carballiño.
Anímate a participar!!

18/11/2025

Espazo Común propón á Corporación do Carballiño unirse contra a supresión da sección de violencia contra a muller do xulgado local.
No vindeiro pleno levará unha Declaración Institucional de apoio ao manifesto dos colexios de Avogados e de Procuradores de Ourense.

Sinalan que a entrada en vigor do Real Decreto 422/2025, de 3 de xuño supón que a xurisdicción da Sección de Violencia sobre a Muller do Tribunal de Instancia de Ourense se extenda ao resto de partidos xudiciais da provincia, entre eles o do Carballiño, o que suporá a centralización na capital e a desparición no resto de comarcas das competencias nesta materia para estes xulgados.

Recordan que “os perxuizos para as vítimas de violencia de xénero son moitos e inxustos. A unha situación de vulnerabilidade emocional e económica haberá que sumarlle o ter que desprazarse para trámites que ata agora se podían desenvolver no Carballiño”.
“Tanto o Ilustra Colexio da Avogacía de Ourense coma o Ilustre Colexio de Procuradores de Ourense están a denunciar esta situación que ten que ter un altofalante claro nas comarcas afectadas”, engaden.

Anuncian que Espazo Común proporá na sesión plenaria do vindeiro xoves día 27 a sinatura dunha Declaración Institucional por parte de tódolos partidos da corporación carballiñesa para frear esta iniciativa e manter cantos máis servizos de atención ás mulleres vítimas de violencia sexa posible no noso pobo.

16/10/2025

Presentaremos unha moción para que se deixe de estragar o Parque Municipal do Carballiño e se coide un dos nosos tesouros.

06/10/2025

Varios veciños que empregan a Biblioteca para estudar pidennos que o Concello do Carballiño habilite unha alternativa mentres esta está pechada.
Rexistraremos un escrito solicitando que se atenda esta demanda.

26/09/2025

EN MENOS DE 1 MES, O GOBERNO PPSOE DO CARBALLIÑO VOUTOU EN CONTRA DE TODO ESTO EN PLENO:
1. A convocatoria do Consello de Participación Cidadá no vindeiro mes para facilitar toda a infomación que este demande sobre o funcionamento municipal e o compromiso de contar con este na elaboración de futuros orzamentos.
2. A actualización do Inventario Municipal de Bens.
3. A elaboración dun Plan de Remunicipalización de Servizos que remate coa febre privatizadora dos últimos anos.
4. A entrega de toda a documentación legalmente solicitada pola oposición no prazo de 15 días ou a certeza de que esta terá que ser entregada a través do xulgado.
5. A entrega aos voceiros da corporación da documentación solicitada dende hai anos sobre a situación do Asilo dos Irmáns Prieto.
6. A publicación no Portal de Transparencia conforme a lei determina de toda a información sobre as contratacións feitas polo Concello.
7. A convocatoria dunha xuntanza cos diferentes colectivos da vila para tratar a cuestión das subvencións de xeito participativo.
8. A eliminación da entrevista como elemento puntuable nas contratacións de persoal.
9. Unha reunión dos grupos da corporación cos membros do Grupo Municipal de Emerxencias para reconducir a situación deste servizo.
10. A elaboración dun Plan de Infraestruturas para os vindeiros 20 anos que pemita acometer a construción do Carballiño do futuro.
11. A convocatoria urxente do Consello Municipal de Saúde para tratar a situación do actual e do futuro Centro de Saúde.
12. A elaboración dun Plan de Prevención de Inundacións en todo o concello.
13. A convocatoria de tódalas asociacións veciñais do medio rural a unha reunión con tódolos partidos da corporación para coñecer as súas necesidades e establecer un Plan de Actuación para a Recuperación do Rural.
14. A elaboración dun Proxecto Integral de futuro para o Parque Municipal
15. A elaboración do comprometido Plan de Mobilidade e Accesibilidade.
16. A convocatoria dunha reunión con técnicos do Ministerio para tentar acadar solucións ao problema da N541 ao seu paso polo Carballiño.
17. A reprobación do goberno municipal do Carballiño pola súa nefasta xestión do contrato do Servizo de Axuda no Fogar.
18. A creación dun Consello Municipal de Política Social que permita unha reorganización desta área coa participación de tódolos axentes afectados.
19. A elaboración dentro do Plan de Infraestruturas Municipal dunha parte específica para instalacións deportivas.
20. A convocatoria dunha reunión urxente da Mesa Local de Comercio para tratar a situación do pequeno comercio e da Praza de Abastos.
21. Xuntanza cos técnicos da Xunta e toda a corporación para coñecer a situación exacta da ampliación do Parque Empresarial.
22. Anulación da suba nos recibos do lixo de ata o 234 %
23. Adquisición de EPIs para o Grupo Municipal de Emerxencias e contratación de persoal para cubrir as baixas.
24. ANULACIÓN DO CONVENIO ASINADO EN MARZO POLO ALCALDE COAS EMPRESAS DOS EÓLICOS E DA LIÑA DE ALTA TENSIÓN

23/09/2025

No Pleno deste xoves pediremos a anulación do convenio asinado polo goberno PPSOE coas empresas dos eólicos e a liña de alta tensión para esconder o proxecto dos veciños.

23/09/2025

Espazo Común leva a Pleno unha moción de urxencia para anular o convenio asinado polo goberno local coas empesas dos eólicos e da liña de alta tensión

A formación pedirá que o Pleno declare nulo o convenio asinado polo alcalde do Carballiño o día 12 de marzo coas empresas Tipuana Wind S.L., Seyal Wind S.L., Cercis Wind S.L., Caoba Wind S.L. e Betula Wind S.L. para favorecer a construción dos proxectos relacionados cos parques eólicos e as liñas de alta tensión.

Consideran que este é “un dos feitos máis deleznables dos moitos perpetrados polo goberno PPSOE contra o pobo do Carballiño. Namentres a xente estaba loitando contra o proxecto de liña de alta tensión co que pretenden invadir as nosas terras, o goberno mantiña oculto un convenio asinado meses antes coas empresas promotoras”.
“Namentres a cidadanía loitaba para manter lonxe ese perigo para a saúde e o patrimonio de moitas aldeas, o goberno PPSOE estaba comprometido, vía cláusula de confidencialidae, a manter en segredo calquer cuestión relacionada con esta infraestrutura”, engaden.

Por elo, ademais de presentar a moción de urxencia para pedir a anulación do convenio, anuncian o apoio de Espazo C omún á iniciativa do BNG de solicitar a dimisión do grupo de goberno por esta mesma cuestión.

21/09/2025

Espazo Común pedirá no pleno resolver "a insostible situación" do grupo municipal de emerxencias

Lembran que "despois de moitas promesas e acordos o servizo cada vez presenta un estado de desmantelamento máis evidente e
aa ata se normalizou que os traballadores municipais saian a rúa a pedir equipamento para facer o seu traballo".

"Como irresponsable e falsa é como mellor podemos adxectivar o comportamento do grupo de goberno PPSOE con respecto a esta cuestión. Hai xa anos que se ven castigando de xeito incomprensible a este servizo fundamental".

"Tan grave se tornou a situación que chegaron a ter que manifestarse nas rúas para pedir algo tan básico coma traxes que son obrigatorios para exercer o seu traballo cos menos riscos posibles.Outra das reivindicacións que se ven obrigadoa a facer é que se cubran os ocos que van quedando na plantilla a causa do goteo de baixas de persoal que marcha na procura de mellores condicións laborais e que leva a que hoxe apenas queden 9 persoas das 20 que debería haber. Hai que berrar basta dunha vez ao xogo de enganos ao que xoga este goberno e resolver dunha vez este dislate", expoñen na moción.

Solicitarán que o Concello do Carballiño adquira os EPIs necesarios para a seguridade dos traballadores nas intervencións que teñan que acometer e que se devolva a este servizo o material que lles foi retirado para acometer a súa función.
Tamén que se cubran as prazas vacantes no cadro de persoal de Emerxencias e que sexa convocada con urxencia a Mesa de Negociación Sindical incluindo na orde do día as demandas dos traballadores do Grupo Municipal de Emerxencias.

Dirección

Carballino
32500

Página web

http://www.espazocomun.gal/

Notificaciones

Sé el primero en enterarse y déjanos enviarle un correo electrónico cuando Espazo Común O Carballiño publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.