BNG CAMBRE

11/08/2026

POR NÓS QUE NON SEXA.

Por responsabilidade e por coherencia, por principios e por honradez. O BNG de Cambre ímonos abster na votación duns orzamentos 2026 que chegan a pleno... avanzado o mes de agosto.

Facémolo principalmente polas asociacións e entidades veciñais, culturais, deportivas, sectoriais... de Cambre, xa masacradas por anos de desgoberno onde se chegou a non convocar subvencións municipais en varias anualidades.

Nós queríamos e propuxemos a fórmula concreta para que as axudas públicas medrasen máis, a nosa poroposta non foi atendida. Si o foron outras, a mellora do local do apeadoiro de Cecebre e a adquisición do edificio dos muiños da Barcala. Todo cun goberno, que recoñecemos benintencionado pero feble e desestructurado, incapaz de xestionar o Concello, que foi polo menos minimamente dialogante, cousa que non se daba no pasado.

Non son os nosos orzamentos, pero son mellores que deixar a Cambre e ao seu tecido social e sectores máis desfavorecidos sen orzamentos.

Toca seguir traballando por Cambre!

https://www.elidealgallego.com/area-metropolitana/cambre/2026-08-11/el-bng-de-cambre-a-malos-que-sexan-os-orzamentos-do-goberno-local-e-mellor-telos-que-non-873062.html

https://www.laopinioncoruna.es/gran-coruna/2026/08/11/bng-abstendra-presupuestos-cambre-alternativa-dos-vecinos-pp-133265149.html

08/08/2026

PROPOSTAS EN POSITIVO, PARA UN CAMBRE MELLOR!

O BNG leva anos demandando que o Concello de Cambre se faga coa única edificación histórica que nos queda dos antigos muiños de mareas da Barcala, centos de metros cadrados de patrimonio que, debidamente rehabilitado, poderá acoller unhas instalacións naútico-deportivas á altura do que Cambre merece, ademáis de albergar usos culturais, lúdicos e sociais. Simplemente miremos o que fixeron outros concellos veciños coas súas edificacións históricas á beira da ría e como hoxe as viven e desfrutan.

Nós pensamos Cambre en positivo, os do non polo non, os do cabreo e a xenreira, o insulto e a desfeita, teñen outras opcións políticas. No BNG traballamos para que cambre funcione!

19/07/2026

VÉMONOS O XOVES!

23/06/2026

13/04/2026

NO GRAXAL, CO ENSINO PÚBLICO.

Hoxe estivemos repartindo información e mantendo animadas conversas no colexio do Graxal. Xustamente mañá martes a nosa deputada Iria Taibo acompañaranos nunha xuntanza con nais e pais do centro que queren, un ensino público de calidade para as súas crianzas.

31/03/2026

PARA QUE CAMBRE FUNCIONE!

O BNG de Cambre vén de anunciar as súas propostas para apoiar os orzamentos muncipais do ano 2025 que, chegados ao mes de abril, aínda non foron presentados ao pleno da corporación polo goberno do PP. “Para o Bloque, por riba de liortas partidistas e incluso de diferencias lexítimas á hora de ver e entender Cambre o prioritario chegado o punto de emerxencia que está a vivir o propio Concello é garantir o normal e eficiente funcionamento da administración, prestando os servizos públicos básicos conforme á legalidade e concurrindo debidamente o maior número de subvencións de outros estamentos así como executando o orzamento propio, atendendo as necesidades reais da xente”, indicou o responsábel local Rodrigo Seoane.

A concelleira Nieves Louro anunciou que o BNG propón incorporar ao patrimonio público a nave de pedra pertencente ao antigo complexo dos muiños da Barcala, que no seu día acolleu á asociación A Ruta, coma un activo cultural para todo Cambre e en especial para a parroquia do Temple. O voceiro municipal, Dani Carballada, defendeu coma “liña vermella para lograr o apoio do BNG que se tripliquen os fondos ás asociacións deportivas, culturais, veciñais, e sociais de Cambre que nos últimos anos sufriron o desgoberno do Concello, como o mínimo xesto de desagravio municipal cara elas”. A edil Marité Prieto incidiu na demanda de máis beirarrúas en todo o concello e na necesidade de acometer melloras nas instalacións do antigo apeadeiro de Cecebre. O Bloque, rematou Carballada, “está aberto ao diálogo polo ben de Cambre, con propostas serias e rigorosas que dan resposta as demandas da nosa veciñanza”.

13/03/2026

TAKE A CHILL PILL, BRO!