Concello de Cambados

Casa
España
Cambados
Concello de Cambados

Facebook oficial do Concello de Cambados

02/09/2026

🥁🌿 CAMBADOS VIVE O RITMO DA PERCUSIÓN !

Este sábado 5 de setembro, Cambados acolle a VI Festa O Xacobeo Percute, unha xornada para g***r da música, da percusión e da cultura nun ambiente único.

🎶 Desde as 15:00 ata as 22:00 h, teremos:
🥁 Obradoiro con Gabriel Macedo, percusionista de Salvador de Bahía e membro de Olodum.
🎵 Concertos de Levada Arriana, Meigallo, Axe Bahía, Perotores e Olodum do Coi(o).
🔥 Sambódromo e cea batukeira para completar a festa.

📍 Cambados
📅 Sábado 5 de setembro de 2026
⏰ 15:00–22:00 h
💶 Achega: 15 €
📝 Inscricións ata o 4 de setembro.

Unha cita para vivir o ritmo, a tradición e a alegría da percusión nas rúas de Cambados. 💚🥁

24/08/2026

🩸☀️ Este verán, doa sangue en Cambados!

O vindeiro mércores 26 de agosto, a unidade móbil da Axencia de Doazón de Órganos e Sangue estará diante do Concello de Cambados para facilitar a doazón de sangue.

📍 Praza do Concello
🕙 De 10:00 a 14:00 h e de 16:00 a 21:00 h

Doar sangue é un xesto sinxelo que pode significar moito para outras persoas. ❤️ Cada doazón pode axudar a salvar vidas.

👉 Lembra levar a túa tarxeta de doazón, DNI ou documento similar.

Este verán, Cambados doa sangue. Súmate! 🩸❤️

23/08/2026

🏣💼 👬👫Continuamos coa atención veciñal nas parroquias, mañá como cada cuarto luns de cada mes, en VILARIÑO na casa de cultura, de 10 a 12h.

23/08/2026

‼️⚠️ Alerta amarela por tormentas e choivas.
Tomen as debidas precaucións e eviten zonas de risco.

18/08/2026

🌊 Do monte á ría, coidando o noso medio ambiente

Este mércores, 19 de agosto ás 17:30 h, a Sala Pitusa da Casa da Calzada acollerá unha interesante xornada sobre contaminación ambiental, calidade da auga e resiliencia das rías galegas.

Da man de Mulleres Salgadas, coa poñente Lucía Rodríguez Freire, profesora de Enxeñaría Ambiental na Universidade de Newcastle, afondaremos nos principais contaminantes das nosas rías, as súas fontes, os efectos do cambio climático e as implicacións para o marisqueo, a pesca e as comunidades costeiras. 🐟🌱

Un espazo para aprender, reflexionar e dialogar sobre o futuro das nosas rías.

📍 Sala Pitusa · Casa da Calzada, Cambados
🗓️ Mércores 19 de agosto · 17:30 h
🎟️ Entrada gratuíta previa inscrición
📲 WhatsApp: 619 176 070
📧 [email protected]

Ao remate haberá un espazo aberto para preguntas e diálogo coa poñente.

Agardámosvos! 💙

16/08/2026

🏣💼 👬👫Continuamos coa atención veciñal nas parroquias, mañá como cada terceiro luns de cada mes, en OUBIÑA na casa de cultura, de 10 a 12h.

14/08/2026

🌊⛵ III FESTA MARIÑEIRA | Cambados á beira do mar 🐚

Este venres 14 e sábado 15 de agosto, San Tomé do Mar convértese no punto de encontro para celebrar a nosa cultura mariñeira, o patrimonio, a gastronomía e a tradición.

⚓ Rutas marítimas e polo patrimonio etnográfico
🦪 Degustación de ostras e produtos do mar
⛵ Navegación e mostra de embarcacións tradicionais
🎶 Música e concertos á beira do mar
🥁 Baile tradicional e actividades para toda a familia
🐟 Sardiñada e xornadas gastronómicas

Dous días para vivir Cambados desde o mar, poñer en valor as nosas raíces e desfrutar da nosa cultura mariñeira nun escenario único.

📍 Praza do Con, San Tomé do Mar
📅 14 e 15 de agosto

👉 Consulta o programa completo e ven vivir connosco a III Festa Mariñeira!

12/08/2026

🛍️🌊 FEIRA DO COMERCIO E DO MAR DE CAMBADOS! ❤️

Do 14 ao 16 de agosto, o Paseo da Calzada convértese no punto de encontro para desfrutar do comercio local e dos produtos do mar, con descontos de ata o 40%! 🛒🐟

Unha oportunidade perfecta para apoiar o noso comercio, descubrir produtos, pasear e g***r de Cambados en familia. 👨‍👩‍👧‍👦

📅 14, 15 e 16 de agosto
🕚 De 11:00 a 23:00 h
📍 Paseo da Calzada

E inauguración o venres 14 ás 12:00 h, coa actuación do Cuarteto de Gaitas BoudeBou! 🎶

💙 Mercar no comercio local é investir en Cambados, na nosa xente e no futuro do noso municipio.

11/08/2026

🌒 Cambados, un lugar privilexiado para vivir o eclipse! 🌊✨

O vindeiro 12 de agosto temos unha cita moi especial co ceo: un eclipse solar que poderemos desfrutar dende Galicia.

E que mellor lugar para contemplalo que a zona costeira de Cambados? 🌅 Un escenario único, coa ría de Arousa como pano de fondo, para vivir este fenómeno astronómico en contacto coa nosa paisaxe.

📍 Achégate á nosa costa, busca un lugar con boa visibilidade do ceo e desfruta dunha experiencia inesquecible en Cambados.

⚠️ Lembra: nunca mires directamente ao Sol. Utiliza exclusivamente gafas ou filtros homologados para observación solar e segue sempre as recomendacións de seguridade.

🌊☀️ Cambados, tamén baixo as estrelas.

11/08/2026

Con profundo pesar recibimos a noticia do falecemento de Santiago Tirado, quen foi alcalde de Cambados e unha persoa profundamente vinculada á vida pública e social do noso municipio.

En nome propio e de toda a Corporación Municipal, quero trasladar as miñas máis sinceras condolencias á súa familia, amizades e persoas achegadas, así como expresar o noso cariño e respecto nestes momentos de dor.

Santiago Tirado formou parte da historia recente de Cambados e dedicou unha parte importante da súa vida ao servizo público e ao seu concello. Con independencia das diferenzas políticas que puidesen existir, hoxe debe prevalecer o recoñecemento á súa dedicación a Cambados e á súa vontade de traballar polo noso municipio.

Como alcalde, quero facer chegar á súa familia o noso respecto e acompañamento, especialmente nestes momentos tan difíciles, e anunciar 24h de loito oficial.

Descanse en paz.

Cambados, 11 de agosto de 2026

O alcalde de Cambados
Samuel Lago Ozón

Dirección

Praza Do Concello, 1
Cambados
36630

Página web

http://www.cambados.es/

Notificaciones

Sé el primero en enterarse y déjanos enviarle un correo electrónico cuando Concello de Cambados publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.