¿Qué es el sitio web?

https://www.facebook.com/108075765707530/

En_caldasme

Perfil oficial de Cultura, Deportes e Turismo. Concello de Caldas de Reis.
👉🏻 Concello de Caldas de Reis.

👉🏻

21/07/2026

🌞 Este verán, a diversión ten cita en Caldas de Reis!

Xa están abertas as inscricións para o Campamento Urbano Caldas de Reis 2026, unha proposta para que a rapazada goce dunha semana chea de xogos, actividades, creatividade e novas amizades.

📅 Do 3 ao 7 de agosto de 2026
👧🧒 Dirixido a rapazada nada entre os anos 2012 e 2018.

📝 Inscricións de balde ata o 30 de xullo
Podes realizalas:
✔️ Na Sede Electrónica do Concello.
✔️ Ou presencialmente na Oficina de Turismo (r/ Laureano Salgado, 10), de luns a venres, de 9.00 a 14.00 h.

📞 Máis información:
☎️ 886 157 504
📧 [email protected]

✨ Unha oportunidade para aprender, xogar, facer novas amizades e vivir un verán inesquecible en Caldas.

03/07/2026

Música + natureza = Planazo en familia! 🎶🙌

Este domingo ás 20:30 h. no Botánico de Caldas contaremos co espectacular Brais Gutiérrez Ríos 😍

Menciona nos comentarios a esa familia que non se pode peder este concertazo! 👀👇

01/07/2026

🌿 Esta fin de semana, as historias toman vida en Caldas de Reis

O Festival Atlántica chega a Caldas con tres propostas para descubrir o noso patrimonio, compartir tradicións e deixarse levar pola maxia da narración oral.

📖 Venres 3 de xullo
🕚 11:00 h | Donas do lugar, con María da Pontragha
📍 O Botánico (Os Choróns)
👧 Público infantil (+5 anos)

🚶‍♀️ Venres 3 de xullo
🕖 19:00 h | Visita narrada á Laxe dos Bolos, santuario da arte atlántica, con Elena Cabreja
📍 Saída desde a pista contigua á rotonda de acceso á AP-9 (estrada Caldas–Vilagarcía)
👥 Público adulto

🎙️ Sábado 4 de xullo
🕘 21:00 h | Filandar, con José Luis Gutiérrez "Don Guti"
📍 O Botánico (Os Choróns)
👥 Público adulto

✨ Tres maneiras de vivir a palabra, a historia e a cultura nunha contorna única.

📍 Todas as actividades son de acceso libre.

Cal delas vas desfrutar? 💙

26/06/2026

🔥 Unha noite para lembrar.

Música, tradición, sardiñas, lume e centos de persoas compartindo a chegada do verán nun escenario único como é Caldas

Grazas a todas as veciñas, veciños e visitantes que fixestes do noso San Xoán unha noite inesquecible. ❤️

Agora só queda unha pregunta... xa estades pensando no do ano que vén? ✨

19/06/2026

🔥 Hai tradicións que nunca pasan de moda.

E despois está o San Xoán de Caldas, unha noite que cada ano consegue sorprendernos de novo.

O próximo 23 de xuño volveremos vivir unha das celebracións máis especiais de Galicia, coa espectacular fogueira no medio do río Bermaña, unha imaxe única que converte esta noite nunha experiencia inesquecible.

Pero o San Xoán é moito máis ca unha fogueira.

🌿 Ás 18:00 poderás participar na recollida das tradicionais herbas de San Xoán xunto a Pepe Bragaña.

🎶 A partir das 20:30, a música e o ambiente encherán a Praza de Sesto Casal con pasarrúas, festa e a tradicional sardiñada, na que o Concello repartirá 1.000 racións gratuítas de sardiñas e pan. Ademais, haberá polbo e churrasco para completar a cea! 🤤

🔥 Ás 23:30 chegará un hipnótico espectáculo de lume e, cando o reloxo marque as doce, prenderase a gran fogueira sobre o río Bermaña, que este ano volverá gardar unha sorpresa.

Porque hai noites que non se explican.

Hai que vivilas.

📍 23 de xuño | Caldas de Reis

💬 Quen será esa persoa coa que non faltas nunca á noite de San Xoán?

16/06/2026

Aínda non sabes que van facer os teus fillos este mes de xullo? ☀️
Cada verán aparece a mesma pregunta. Buscamos un lugar onde estean ben atendidos, fagan deporte, se divirtan e aproveiten as vacacións facendo algo diferente.

Este ano, en Caldas, xa existe esa opción. 👇

🏀 A Escola Deportiva de Verán chega cun programa pensado para que cada día sexa unha nova aventura.

✔️ Baloncesto, voleibol, tenis, pádel, fútbol sala, bádminton...
✔️ Piscina e actividades acuáticas.
✔️ Xogos tradicionais e deportes alternativos.
✔️ Excursións ao Botánico e á fervenza de Segade.
✔️ Novas amizades, aprendizaxe e moita diversión.

📅 Do 2 ao 31 de xullo.
🕘 De luns a venres, de 9:00 a 14:00 horas.
👧🧒 Para nenas e nenos nados entre 2010 e 2015.

📝 As inscricións estarán abertas do 8 ao 19 de xuño.

As prazas son limitadas e darase prioridade ás persoas empadroadas en Caldas.

Se estabas buscando un plan para que os teus fillos desfruten dun verán activo, seguro e inesquecible... este é o momento de reservar a súa praza.

12/06/2026

☀️🏀 Este verán chega unha nova forma de vivir as vacacións en Caldas.

A partir do 2 de xullo, a rapazada poderá desfrutar da primeira Escola Deportiva de Verán, unha proposta pensada para combinar deporte, diversión, aprendizaxe e convivencia durante todo o mes.

⚽ Baloncesto, voleibol, tenis, pádel, bádminton, fútbol sala, xogos tradicionais, deportes alternativos...

💦 Actividades acuáticas e piscina.

🌿 Saídas para descubrir espazos tan especiais como o Botánico ou a fervenza de Segade.

Un programa completo para que nenas e nenos nados entre 2010 e 2015 poidan facer deporte, coñecer novos amigos e vivir un verán diferente.

📅 Do 2 ao 31 de xullo.
🕘 De luns a venres, de 9:00 a 14:00 horas.
📍 Pavillón Municipal.
📝 Inscricións abertas do 8 ao 19 de xuño.
👧👦 Prioridade para persoas empadroadas en Caldas.

Porque o verán tamén é unha oportunidade para descubrir novas paixóns, gañar autonomía e crear recordos inesquecibles.

💬 Cal é o deporte que máis ilusión lle faría probar ao teu fillo ou filla?

📲 Comparte esta publicación para que chegue a máis familias de Caldas.

07/06/2026

▶️Resumimos nun vídeo o que supón o novo Botánico de Caldas para a vila e para as persoas que nos visitan.

🌿Temos un Botánico renovado, preparado para seguir sendo un referente ambiental e social durante moitos anos máis. Un espazo pensado para ser vivido, compartido e coidado entre todas e todos.

Recuperamos, modernizamos e poñemos en valor un espazo que forma parte da identidade desta vila. Un espazo ligado á nosa historia, á nosa paisaxe e tamén á maneira que temos de entender o noso concello: un lugar para vivir, para convivir e para g***r.

O Botánico de Caldas volve florecer 💚.

05/06/2026

🎶 Hai paixóns que comezan cunha primeira nota.

Cada ano, centos de nenos, nenas e persoas adultas descobren na Escola Municipal de Música de Caldas un lugar onde aprender, compartir e medrar a través da música.

Xa está aberto o prazo para reservar praza no curso 2026/2027, cun total de 175 matrículas dispoñibles e unha ampla oferta de especialidades: piano, guitarra, violín, percusión, clarinete, saxofón, trompeta e moitas máis.

Porque a música forma parte da identidade de Caldas. Está presente nas nosas rúas, nas nosas festas e nas agrupacións que dan vida á vila durante todo o ano.

🎼 Se sempre quixeches aprender a tocar un instrumento ou coñeces a alguén que está pensando en dar o primeiro paso, este pode ser o momento.

📅 Reserva de praza aberta ata o 20 de xuño.
📍 Inscricións no Rexistro do Concello.
👧 Idade mínima: 4 anos.

💬 Que instrumento che gustaría aprender a tocar? Cóntanolo nos comentarios e etiqueta a esa persoa que leva tempo dicindo: "algún día vou apuntarme a música". 👇

Dirección

Caldas De Reyes

Página web

facebook.com

Notificaciones

Sé el primero en enterarse y déjanos enviarle un correo electrónico cuando En_caldasme publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.