¿Qué es el sitio web?

https://www.facebook.com/1442845619346569/

Partido Popular de Cangas do Morrazo

Casa
España
Bueu
Partido Popular de Cangas do Morrazo

Facebook oficial del Partido Popular de Cangas do Morrazo.

05/09/2026

Din crer no cambio climático, pero rexeitan axudas para refuxios climáticos «por non ter cartos»

O concelleiro de Medio Ambiente do BNG, Antón Iglesias, recoñeceu sen reparos que decidiron non solicitar a axuda autonómica para realizar o estudo sobre refuxios climáticos en Cangas coa escusa de non ter fondos para financiar o 20% do seu custo; unha xustificación inasumible nun Concello que manexa máis de 20 millóns de euros de orzamento e que tampouco moveu un só dedo para captar fondos europeos nesta materia. Moito discurso ecoloxista de cara á galería, pero cando toca xestionar recursos reais para protexer á veciñanza, a súa inacción deixa ao descuberto a realidade: cero planificación e nulo interese por adaptar Cangas ao futuro.

04/09/2026

O abandono do rural pasa factura: a falta de desbroces en Coiro e nas parroquias ameaza a seguridade vial.

A vexetación nas estradas das nosas parroquias, como en Coiro, segue medrando sen control ata invadir gran parte da calzada. Esta falta de mantemento non só dificulta a visibilidade senón que en moitos casos xa está a provocar danos materiais nos propios vehículos.

Esta situación insostenible é o resultado directo do retraso no inicio dos traballos por parte do goberno do BNG e os seus socios e dun avance lento dos traballos, froito da falta de medios e planificación. Un problema que se agrava especialmente nesta época do ano, na que os viais municipais soportan máis tráfico coa chegada de visitantes. O rural de Cangas non pode seguir sendo o esquecido do tripartito. Esiximos un plan de desbroces, con medios suficientes e que chegue a todas as parroquias.

04/09/2026

⚠️ Alerta no Concello: o BNG e os seus socios poñen en risco o proceso selectivo de 4 prazas de administrativo por erros nas bases

No último Pleno advertimos ao goberno municipal de múltiples ilegalidades e Incongruencias nas bases publicadas na web para a contratación de 4 prazas de administrativo (Expediente 144/2025). Un proceso cheo de fendas xurídicas que o expoñen a unha impugnación e á súa paralización xudicial se non se corrixe.

Entre os erros máis detectados destacan os prazos fixados, a aplicación irregular de sorteos anticuado de 2023 e a premiación con puntos do exercicio de dereitos de conciliación, o cal desvirtúa a valoración do mérito e a igualdade ao puntualizar permisos laborais en lugar de capacidades profesionais. A isto súmanse a mestura de persoal laboral e funcionario na promoción interna.

Solicitamos que se revisen estas bases para evitar o prexuízo que suporía paralizar este proceso na xustiza por pura desidia administrativa. Cangas necesita rigor, seguridade xurídica e unha xestión á altura dos nosos veciños.

03/09/2026

Das palabras aos feitos: esiximos solucións para as pequenas grandes cousas do día a día

Insistimos na necesidade urxente de arranxar os problemas cotiáns que afectan directamente á calidade de vida da veciñanza: farolas que non funcionan, beirarrúas en mal estado ou postes que obstaculizan o tránsito e dinamitan a accesibilidade.

Lembramos ao desgoberno local que estas actuacións básicas foron aprobadas por consenso en varias mocións presentadas polo Partido Popular ao longo do mandato; todos estamos de acordo en que hai que facelas, incluso implicando a outras administracións. O único que falta é vontade e xestión.

01/09/2026

Manter un club deportivo en Cangas costa suor, bágoas e vender demasiadas rifas de Nadal.

Por iso, mentres outros tiran de épica nos discursos, a Xunta tira de transferencias Ingresando 28.013€ reais directos nas contas de 17 entidades do noso concello.

Dende o Club Balonmán Cangas e o Luceros, ata o tenis, a patinaxe ou o taekwondo. Cartos para que a nosa xuventude adestre, compita e siga levando o nome do Morrazo por toda Galicia.

Porque facer política local non é saír na foto cando hai medallas. É axudar a pagar as fichas cando toca. 💙

01/09/2026

📣 Sumámonos á concentración convocada pola Federación Española de Municipios e Provincias fronte a todos os concellos de España en apoio a Ceuta.

📅 2 de setembro
🕗 20.00 horas
📍 Praza do Concello, Cangas

31/08/2026

O desgoberno de esquerda xustifica o abandono do Casco Vello con traballos de 2025.

A concelleira de Obras volveu facer unha “viaxe no tempo”. Para defender a suposta dilixencia do concello nacionalista, dedicouse a enumerar traballos realizados... no 2025!

Unhas explicacións totalmente insuficientes que só confirman a falta de xestión e un relato desconectado da realidade. A día de hoxe, as rúas do Casco Vello non se limpan nin se baldean coa frecuencia debida, o que provoca malos cheiros e unha acumulación de sucidade coa que a veciñanza ten que convivir no seu día a día.

O máis grave é que este abandono xa non é só unha cuestión de imaxe, senón un problema de saúde pública que ten como consecuencia a proliferación de pragas de ratas e cascudas por varias zonas.

Pedímoslles que deixen de negar a realidade: menos excusas do pasado, menos promesas baleiras e máis feitos.

Dirección

Bueu

Página web

facebook.com

Notificaciones

Sé el primero en enterarse y déjanos enviarle un correo electrónico cuando Partido Popular de Cangas do Morrazo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.