24/03/2026
✨ Setmana Santa en Bossòst ✨
Bossòst se premanís entà víuer uns dies pleï de tradicion, emocion e sentiment compartit.
Des der Ajuntament volem expressar un arregraïment fòrça especiau ara Associacion de Processons de Setmana Santa de Bossòst, peth sòn compromís constant entà poder hèr possible, an darrèr an, aguestes celebracions tan significatives entath nòste pòble.
Era nòsta reconeishença tanben a totes es persones que participen actiuaments en tot portar es passi, atau coma ad aqueres persones que tanben collabòren, ajuden e trabalhen entà que tot gesque tà deuant, en tot premanir, apraiar e suenhar cada detalh.
Un arregraïment ara Corau dera Glèisa, qu'acompanhe es processons damb es sues cançons, e tanben a Mossen, pera sua implicacion en aguesti dies tan especiaus.
Convidam a toti a víuer era Setmana Santa damb respècte e sentiment.
🙏 Vos i demoram!
