15/06/2026
💼📈 𝗕𝗼𝗾𝘂𝗲𝗶𝘅𝗼́𝗻, 𝗿𝗲𝗳𝗲𝗿𝗲𝗻𝘁𝗲 𝗱𝗲 𝗲𝗺𝗽𝗿𝗲𝗴𝗼!
Os últimos datos do mercado laboral consolidan ao como o gran motor económico da comarca de Santiago, situándonos cunha taxa de paro do 4,14% (apenas 80 persoas desempregadas censadas nun municipio de algo máis de 4.000 habitantes).
Segundo analiza o alcalde, Rodeiro Tato , nunha reportaxe publicada por La Voz de Galicia , este éxito é o resultado directo dunha estratexia conxunta que combina o dinamismo do tecido empresarial e unhas políticas públicas centradas nas persoas:
🚜🌲 Contamos cun sector gandeiro e forestal forte e competitivo. No eido agrario, o impulso das concentracións parcelarias e unha rede municipal de augas que bonifica ao 50% o consumo das granxas resultan claves para soster o emprego.
⚙️⛏️ O municipio destaca pola actividade mineira e pola presenza de empresas potentes que fixan poboación, como a fábrica de mobles Santos ou dous centros (unha residencia de maiores e unha lavandería) que rondan os 80 empregos cada un.
👶👵 En Boqueixón, as facilidades para conciliar a vida familiar e laboral eliminan os obstáculos para acceder ao mercado de traballo. Ningún neno ou nena queda sen praza na escola infantil, no programa Madrugadores, no comedor ou nas actividades de verán. Así mesmo, a atención aos maiores está garantida co SAF e co funcionamento de catro casas do maior no termo municipal.
📍🗺️A proximidade a Santiago favorece enormemente ao sector servizos e permite que moitos veciños traballen nos nichos de emprego da capital autonómica. Ademais, núcleos como Lestedo seguen atraendo a novos residentes grazas á calidade de vida e a servizos como a extensión da rede de augas á totalidade do territorio.
A combinación de sectores fortes, empresas competitivas e políticas municipais que favorecen o crecemento reafirman o compromiso do Concello por seguir construíndo un Boqueixón con futuro, dinámico e sostible.
