Concello de Betanzos

16/06/2026

🧠👵 A alcaldesa, María Barral Varela, acudiu á clausura dos obradoiros de memoria celebrados en Infesta e Xanrozo.

Este xoves, 18 de xuño, rematarán tamén os que teñen lugar no 📍 Casco Urbano.

🙌 En total estes talleres do Concello de Betanzos reuniron a 130 persoas participantes!

16/06/2026

💃🏻 A clausura do curso 2025/26 da Escola Municipal de Folclore de Betanzos, celebrada o pasado 14 de xuño, contou cunha emotiva homenaxe a Elena Díaz, directora da escola durante 40 anos.

👏 Un recoñecemento á súa entrega, a súa paixón pola cultura tradicional galega e o seu papel fundamental na creación, consolidación e crecemento da escola,

💙 Grazas por estas catro décadas de traballo que deixan unha pegada inesquecible en xeracións de bailaríns e no patrimonio cultural do municipio.

16/06/2026

👶 No Día da Atención Temperá poñemos en valor o labor do Servizo de Atención Temperá de Betanzos, Oza-Cesuras e Paderne, que xa atendeu a 153 nenos e nenas desde a súa posta en marcha.

👨‍👨‍👦‍👦 Co fin de continuar achegando información útil ás familias, o Concello de Betanzos habilitou na súa páxina web un espazo específico dedicado á infancia e á crianza. Neste recuncho publícanse mensualmente contidos de interese relacionados co desenvolvemento infantil, a educación, a saúde emocional e outros aspectos relevantes para as familias con nenos e nenas de 0 a 6 anos

Toda a info 👉 https://novas.betanzos.es/o-servizo-de-atencion-tempera-dos-concellos-de-betanzos-oza-cesuras-e-paderne-atende-xa-a-153-nenos-e-nenas-desde-a-sua-posta-en-marcha/

16/06/2026

💃🏻 AEscola Municipal de Folclore de Betanzos e Grupo Azougue pechou o curso 2025/26 cunha emotiva homenaxe a Elena Díaz polos seus 40 anos á fronte da escola.

👥 O acto reuniu alumnado, familias, profesorado e veciñanza para celebrar un ano máis de aprendizaxe, convivencia e compromiso coa conservación das nosas tradicións.

💚 O Concello de Betanzos quere expresar o seu agradecemento a todas as persoas que forman parte da familia da EMuF polo seu compromiso e implicación, así como felicitar a Elena Díaz por unha traxectoria exemplar ao servizo da cultura galega.

🔗 https://novas.betanzos.es/a-emuf-pecha-o-curso-2025-26-cunha-emotiva-homenaxe-a-elena-diaz-polos-seus-40-anos-a-fronte-da-escola/

15/06/2026

🎶 O pasado venres celebrouse no Parque do Pasatempo a xornada de clausura de "Movemento, ritmo e (é) vida", unha actividade que reuniu durante este curso a preto de 500 participantes nos distintos centros sociais do municipio.

👉 Máis alá da práctica deportiva, esta iniciativa consolidouse como un espazo de encontro, convivencia e benestar para a veciñanza.

💚 O Concello de Betanzos agradece a participación de todas as persoas asistentes e o labor de Ana Benasach, responsable de dirixir a actividade, que regresará cunha nova edición despois do verán.

15/06/2026

🏰 Betanzos ultima os preparativos da Feira Medieval, que se celebrará durante a segunda fin de semana de xullo e para a que o Concello recibiu máis de 350 solicitudes para postos.

👉 O Goberno local continúa traballando na organización desta cita, unha das máis destacadas do calendario cultural e turístico da cidade, que volverá converter o casco histórico nun gran escenario medieval durante varios días.

🔗 https://novas.betanzos.es/betanzos-ultima-os-preparativos-da-feira-medieval-que-tera-lugar-dentro-dun-mes-e-para-que-o-concello-recibiu-mas-de-350-solicitudes-para-postos/

15/06/2026

🏊‍♂️ Betanzos acolleu esta fin de semana a ###I Travesía Ría de Betanzos - Campionato Galego de Travesías 2026, unha cita deportiva que reuniu a máis de 400 participantes chegados de distintos puntos de Galicia.

🤝 A proba, organizada polo Club Ría de Betanzos - Piragüismo coa colaboración do Concello, coincidiu coas festas da Ribeira. Durante a entrega de premios, o concelleiro de Deportes, Ricardo Cheda, felicitou ao club local polos excelentes resultados acadados e polo traballo desenvolvido na organización do evento.

👏 Parabéns ao Club Piragüismo Ría de Betanzos e a todas as persoas participantes por facer posible unha nova edición desta destacada cita deportiva.

15/06/2026

💜 Aberto o prazo para que os locais de hostalaría e de ocio nocturno se adhiran ao protocolo de colaboración fronte ás agresións se***is.

👉 A administración local xunto coa iniciativa Betanzos en violeta ofrece unha ferramenta que pretende servir de guía para crear espazos seguros e confortables.

ℹ️ O prazo de adhesión estará aberto ata o venres 3 de xullo.

14/06/2026

⛪ Betanzos estivo presente hoxe na Ofrenda do Antigo Reino de Galicia en Lugo, un acto institucional e relixioso que trata da ofrenda ao Santísimo e a súa posterior procesión.

👉 En representación do Concello, o teniente de alcalde, Andrés Hermida, asistiu ao acto.

14/06/2026

🥇 O betanceiro Carlos Arévalo proclamouse campión de Europa de K1 200!

Firmou unha regata de gran nivel e logrou parar o ⏱️ cronómetro antes que ninguén, cun tempo final de 34.103 segundos.

Ademais, onte logrou a 🥈 prata xunto con Adrián del Río, Marcus Cooper e Rodrigo Germade en K4 500.

Moitos parabéns! 👏🏻

🥇 ¡𝑶𝒓𝒐 𝒅𝒆 𝑪𝒂𝒓𝒍𝒐𝒔 𝑨𝒓𝒆́𝒗𝒂𝒍𝒐!

🤯 ¡Brutal! ¡Doble medalla para él tras la plata en la jornada de ayer en el K4!

❤️‍🔥 Real Federación Española de Piragüismo