Omix Barro Omix

26/06/2026

OFERTA DE EMPREGO.
Compartimos esta oferta de emprego que nos envían dende o Consello Regulador D.O. Rías Baixas.

26/06/2026

🏊‍♀️ A partir do xoves 25 de xuño estarán dispoñibles no Concello de Barro os bonos da piscina municipal para a tempada 2026.

As persoas interesadas poderán retiralos previamente no Concello, cun desconto do 50% sobre o prezo das entradas individuais.

📅 A piscina municipal abrirá ao público o martes 1 de xullo, en horario de martes a domingo, de 15:00 a 21:00 horas.

26/06/2026

🟢Hoxe, 26 de xuño, o Concello de Barro quere sumarse á conmemoración do Día Mundial contra o uso indebido e o tráfico ilícito de dr**as.

Neste día, desde Nacións Unidas, preténdese continuar sensibilizando a poboación sobre os efectos negativos que o tráfico e consumo de dr**as xera en todo o mundo: violencia, delincuencia e inestabilidade, provocando un problema global de seguridade e saúde pública que afecta a toda a sociedade e, en especial, á xuventude. Convidando aos gobernos, institucións, e a toda a comunidade a buscar e reforzar solucións baseadas na prevención, no tratamento e na colaboración coas autoridades, para detectar e desarticular redes delincuenciais. Co obxectivo de acadar un mundo libre de tráfico e de consumo de dr**as.

🫱🏻‍🫲🏽Seguindo estas recomendacións, o Concello de Barro segue apostando pola saúde pública e a prevención das condutas adictivas; realizando, desde 2013, accións preventivas nos principais ámbitos de socialización: escolar, familiar, xuvenil e comunitario, a través dun Proxecto de prevención das condutas adictivas do que forma parte.

🏛️ Proxecto de prevención das condutas adictivas no eido local de Cuntis, Barro, Moraña e Portas 2025-2028

26/06/2026

OBRADOIRO DE DRAMATIZACIÓN
RESUMO DO TRABALLO REALIZADO.

🎭✨ Nestes meses de obradoiro de dramatización vivimos unha viaxe chea de creatividade e expresión artística.

As persoas participantes afondaron na arte dramática de maneira activa e cooperativa, explorando diferentes dinámicas e experimentando coa escena desde múltiples enfoques:
🎬 Improvisación teatral, creando escenas e personaxes no momento
🎶 Creación colectiva a partir de imaxes, música e obxectos
💫 Traballo emocional para mellorar a expresión en escena
🌀 Teatro físico e movemento, xogando co ritmo, o espazo e o corpo
🗣️ Teatro aplicado á vida cotiá, como ferramenta de comunicación e reflexión

Todo isto cun obxectivo común: fomentar a creatividade, a participación activa e a capacidade interpretativa 💡

👏 Parabéns ás actrices e aos actores por unha interpretación estupenda!

DEIXAMOS UNHAS FOTOS DA ACTUACIÓN👇

23/06/2026

BIBLIOTECA DE BARRO.
VIAXES LITERARIAS - Tesouros de verán para amantes da lectura!

Nestos días xa saíron 96 títulos para desfrutar no mes de xullo!!!

Recorda que no mes de XUÑO: 25 XOVES, 26 VENRES, 29 LUNS, E 30 MARTES aínda podes vir a recoller o teu lote.

-Cada paquete inclúe unha coidada selección de libros do noso fondo: novela, poesía, teatro, manualidades, biografías e moito máis... todo para que goces dun verán lector, sen preocuparte por escoller.
-Están organizados por cores e idades:
-Azul: 0 a 5 anos
-Vermello: 6 a 8 anos
-Verde: 9 a 11 anos
-Amarelo: 12 a 14 anos
-Morado: 15 anos en diante
-Adultos

Cando remates de ler, convidámoste a escoller o libro ou libros que máis che gustaron do paquete e facer unha tarxeta postal, recomendando a lectura. Podes traer a túa postal á biblioteca canto volvamos en agosto. Así, entre todas e todos, construiremos un mural de recomendacións lectoras para compartir as nosas viaxes literarias!
Non o deixes para o último día.

*Horario da biblioteca durante o mes de xuño: luns, mércores e venres de 8:30 a 15:00 martes e xoves de 15:30 a 21:00.
*Horario da biblioteca durante o mes de agosto: de luns a venres de 8:30 a 15:00

23/06/2026

ESTAMOS DE ESTREA!!!!
ENCONTROS E DESENCONTROS.

🎭 Este xoves ás 20:30 temos unha cita moi especial!

Estréase a obra “Encontros e desencontros”, froito do traballo realizado no obradoiro de dramatización no que un grupo de veciños e veciñas leva participando dende o mes de marzo, con sesións todos os martes pola tarde.

O que veredes sobre o escenario é o resultado do aprendido ao longo destes meses: unha posta en escena chea de ilusión, aprendizaxe e creatividade, onde se recollen as técnicas traballadas durante o obradoiro.

Agardámosvos para compartir este momento tan especial! 🎬✨

22/06/2026

Parabéns para Esteban Batallán, Medalla Castelao 2026!!!

As Medallas entregaranse o 28 de xuño, coincidindo co aniversario do primeiro Estatuto de Autonomía e do regreso a Galicia dos restos de Alfonso Daniel Rodríguez Castelao. A Medalla Castelao é unha distinción de carácter civil que recoñece a achega profesional e persoal de personalidades ou institucións polo seu traballo no ámbito artístico, literario, intelectual ou en calquera outro campo relevante para Galicia.

Video:

CSO Principal Trumpet Esteban Batallán performs an excerpt from Mic...

22/06/2026

UNHA EXPERIENCIA XENIAL.
2ª ACTIVIDADE.LER CONTA MOITO

A actividade “A maxia da ciencia”, tivo lugar na Biblioteca Pública Municipal de Barro como proposta de dinamización lectora e científica dirixida ao público infantil e xuvenil, na que participaron un total de 75 nenos e nenas.

A actividade, cunha metodoloxía práctica e participativa, estivo centrada na experimentación, co obxectivo de achegar conceptos de física e química dun xeito lúdico, accesible e motivador. A través de demostracións e pequenos experimentos relacionados con fenómenos cotiáns, fomentouse a curiosidade, o pensamento crítico e a capacidade de observación das persoas participantes, permitindo comprender que moitos efectos percibidos como “maxia” teñen unha explicación científica.

A actividade complementouse coa mostra bibliográfica de libros relacionados coa ciencia e a difusión da actividade “Viaxes literarias”, lotes de libros sorpresa para o período estival, favorecendo a continuidade do hábito lector durante os meses de verán.

📆RECORDADE A BIBLIOTECA PERMANECERÁ ABERTA ATA O MARTES 30 DE XUÑO NO HORARIO HABITUAL.
📆DESCANSO DO PERSOAL: MES DE XULLO
📆VOLTA Á NORMALIDADE, MES DE AGOSTO:
HORARIO DE VERÁN DE LUNS A VENRES DE 8:30 A 15:00

16/06/2026

BIBLIOTECA DE BARRO.
VIAXES LITERARIAS - Tesouros de verán para amantes da lectura!

Este verán na biblioteca de Barro, queremos acompañarvos tamén durante o mes de xullo, mentres o persoal fai un descanso. Por iso, poñemos en marcha, un ano máis, o proxecto VIAXES LITERARIAS: paquetes sorpresa de libros para levar en préstamo e viaxar a través da lectura.
-Cada paquete inclúe unha coidada selección de libros do noso fondo: novela, poesía, teatro, manualidades, biografías e moito máis... todo para que goces dun verán lector, sen preocuparte por escoller.

-Están organizados por cores e idades:
-Azul: 0 a 5 anos
-Vermello: 6 a 8 anos
-Verde: 9 a 11 anos
-Amarelo: 12 a 14 anos
-Morado: 15 anos en diante
-Adultos

Podes pasar pola biblioteca e levar o teu paquete ata o 30 de xuño.

Cando remates de ler, convidámoste a escoller o libro ou libros que máis che gustaron do paquete e facer unha tarxeta postal, recomendando a lectura. Podes traer a túa postal á biblioteca canto volvamos en agosto. Así, entre todas e todos, construiremos un mural de recomendacións lectoras para compartir as nosas viaxes literarias!
Non o deixes para o último día.

*Horario da biblioteca durante o mes de xuño: luns, mércores e venres de 8:30 a 15:00 martes e xoves de 15:30 a 21:00.
*Horario da biblioteca durante o mes de agosto: de luns a venres de 8:30 a 15:00

12/06/2026

AXENDA CULTURAL MES DE XUÑO EN BARRO.
🏋️‍♂️ Temos un mes de xuño ben cargadiño de actividades culturais. Toma nota da axenda deste mes e non te perdas nada!