16/05/2026
LECTURA DOS TRABALLOS SELECCIONADOS E ENTREGA DE PREMIOS VERBAS QUE CONTAN 2026.
Hoxe, na Nave da Música, as palabras tiveron alma propia. A lectura das obras seleccionadas no concurso “As verbas que contan” converteuse nun acto fondamente emotivo, no que a nosa lingua brillou con luz propia.
Os máis pequenos demostraron unha valentía inmensa, enfrontándose á lectura das súas creacións diante dun numeroso público que escoitou con respecto e admiración. Nas súas voces puidemos sentir a forza da imaxinación e comprobar a enorme calidade artística, tanto en prosa como en verso, que medra no Concello de Barro.
Queremos expresar o noso máis sincero agradecemento a todas as persoas participantes. A vosa implicación e creatividade fixeron posible acadar a extraordinaria cifra de 172 obras, cada unha delas unha pequena xoia. Grazas tamén ao profesorado, polo seu acompañamento constante, e ao xurado, polo seu rigor e compromiso coa cultura.
Un primeiro equipo formado por Mª del Carmen Estévez, Claudia Favorecido, Cristina Ferradáns e Teresa Vázquez realizou a primeira criba, da que saíron 43 obras finalistas. Posteriormente, Cristina Vázquez Santos (Cris De Caldas e Felipe Díaz Valle (caxoto_) tiveron a difícil tarefa de escoller as obras premiadas.
📚 PROSA PRIMARIA
1º e 2º:
🥇 Frida e Rosa
🥈 O meu primeiro Nadal
Accésit: O rato e o oso
3º e 4º:
🥇 A aventura de Roque
🥈 Unha viaxe extraordinaria
5º e 6º:
🥇 O clarinete e o saxo embruxados
🥈 Scape room imposible
📖 PROSA ADULTOS
1º a 4º ESO:
🥇 A Porta
🥈 O Coloso do pantano
Maiores de 16:
🥇 Tacóns e saias
🥈 Tinta no camiño
✍️ VERSO PRIMARIA
1º e 2º:
🥇 Deserto
🥈 Deserto
3º e 4º:
🥇 A lúa e o sol
🥈 Clave de sol
Accésit: Familia
5º e 6º:
🥇 Carroucho
🥈 Sen título (cordas segredos)
Accésit: Fútbol
🖋️ VERSO ADULTOS
1º a 4º ESO:
🥇 Que lonxe estás
🥈 Haiku en primavera
Maiores de 16:
🥇 Agochado
🥈 Os soños
Parabéns a todas as persoas gañadoras e finalistas, e tamén a quen participou, porque cada historia e cada verso suman e fan medrar este proxecto colectivo.
Animámosvos a seguir escribindo.
Deixamos unhas fotos da actividade🥰👇
