Bhura Hayal Kahuta

05/09/2026

بکری چور کلاہنہ والوں کے ہاتھ لگ گیا
بٹالہ کا ایک دل پھینک شیر گاؤں کلاہنہ میں آ کر اپنا شکار کرنے نکلا، لیکن قسمت کی خرابی دیکھیے کہ دل کے بجائے بکری ہی اڑا لایا! بکری نے موقعے پر ایسا شور مچایا کہ بٹالا کے اس 'نامور ہیرو' کا ڈرامہ وہیں ڈراپ ہو گیا اور اب موصوف سوچ رہے ہیں کہ کاش بٹالہ میں ہی رہ کر کچھ اور سوچ لیا ہوتا!

05/09/2026

03/09/2026

بھورہ حیال: پرائیویٹ سکولوں کا مایوس کن رزلٹ—تعلیم کا تجارتی کاروبار یا بچوں کے مستقبل سے کھلواڑ
​پاکیزہ سکول سمیت بھورہ حیال کے تمام نجی سکولوں کے نویں جماعت کے نتائج شدید مایوس کن رہے ہیں۔ فیسیں تو اپنی مرضی کی وصول کی جاتی ہیں، لیکن جب بات تعلیمی معیار کی آئے تو نجی سکولوں کی کارکردگی صفر نظر آتی ہے۔بچوں کا تعلیمی سال خراب کرنے اور والدین کی جیبیں خالی کرنے والے ان اداروں سے پوچھ گچھ کرنے والا کوئی کیوں نہیں؟ اگر کارکردگی یہی رہنی ہے تو ان سکولوں کا کیا فائدہ،​محکمہ تعلیم کو چاہیے کہ ان سکولوں کا نوٹس لے اور تعلیمی معیار کی بہتری کے لیے سخت اقدامات کرے۔

03/09/2026

تاریخی سکول کی تعلیمی زبوں حالی! 😞
​گورنمنٹ ہائی سکول تھوہا خالصہ—جو قیامِ پاکستان سے قبل سکھوں اور انگریزوں کے دور کا ایک تاریخی اور بھورہ حیال کے علاقے کا مرکزی تعلیمی ادارہ ہے—آج شدید تعلیمی تنزلی کا شکار ہو چکا ہے۔نویں جماعت کے حالیہ نتائج میں 13 میں سے 12 طلبہ فیل ہو گئے، جبکہ صرف 1 طالب علم پاس ہو کر پورے سکول میں ٹاپ کرنے میں کامیاب رہا! ​جس ادارے کا ماضی شاندار اور تاریخی اہمیت کا حامل ہو، وہاں تعلیمی معیار کا یہ حال انتظامیہ اور متعلقہ حکام کے لیے ایک لمحہ فکریہ ہے۔

31/08/2026

بھورہ حیال کہوٹہ رپورٹ۔ الائیڈ سکول کے سامنے ایک تیز رفتار کیری بولان اور موٹر سائیکل کے درمیان حادثہ پیش آیا ہے۔ آزاد کشمیر سے ایئرپورٹ کی طرف جانے والا ایک تیز رفتار کیری بولان جب الائیڈ سکول کے سامنے سے گزر رہا تھا تو بھورہ حیال سے تعلق رکھنے والے موٹر سائیکل سوار اسد منگرال جیسے ہی سڑک پر موڑ کاٹنے لگے، کیری ڈبے کی زد میں آ گئے۔​خطرناک حادثے کو دیکھ کر کیری کے ڈرائیور نے یکدم گاڑی کو سائیڈ پر موڑا، جس کی وجہ سے کیری روڈ کے کنارے نالی سے جا ٹکرائی اور اس کا ٹائر دھماکے سے پھٹ گیا۔​خوش قسمتی اور اللہ کے کرم سے اس حادثے میں موٹر سائیکل سوار محمد اسد منگرال اور کیری میں سوار تمام افراد کسی بھی بڑے جانی نقصان سے محفوظ رہے، جبکہ کیری ڈبے اور موٹر سائیکل کو معمولی نقصان پہنچا ہے

30/08/2026

شدید گرمی اور حبس کے اس عالم میں کہوٹہ اور کلر سیداں کے عوام جس اذیت ناک اور بے رحم لوڈشیڈنگ کا سامنا کر رہے ہیں، وہ اب برداشت سے باہر ہو چکی ہے۔ اب اپنے بنیادی حقوق کی خاطر ہمیں سڑکوں پر آنا ہوگا ۔۔ بغیر کسی سیاسی مفاد کے

27/08/2026

بجلی نہیں تو بل بھی نہیں۔۔
کہوٹہ کے عوام کے نام اہم اپیل
آئیں ہم اپنے علاقےتحصیل کہوٹہ سمیت بھورہ حیال کے عوام کو ایک آواز پر متحد کریں اور بجلی کی مسلسل اور طویل لوڈشیڈنگ کے خلاف پُرامن اور قانونی طریقے سے اپنا احتجاج ریکارڈ کروائیں۔ شدید گرمی میں گھنٹوں بجلی غائب رہنے سے بچے، بزرگ اور بیمار افراد اذیت میں مبتلا ہیں، جبکہ دوسری طرف بھاری بھرکم بجلی کے بل باقاعدگی سے ادا کرنے پڑ رہے ہیں۔
ہم مطالبہ کرتے ہیں کہ بجلی کی غیر اعلانیہ اور طویل لوڈشیڈنگ کا فوری خاتمہ کیا جائے اور صارفین کو ان کے بنیادی حق کے مطابق بجلی فراہم کی جائے۔ آئیں، سوشل میڈیا پر ایک مؤثر ٹرینڈ چلائیں، اپنی آواز متحد کریں، متعلقہ حکام تک اجتماعی شکایات پہنچائیں اور پُرامن و قانونی احتجاج کے ذریعے اپنا حق مانگیں۔
ہمیں بحیثیتِ قوم متحد ہونا ہوگا، کیونکہ ایک فرد کی آواز شاید دب جائے، لیکن متحد عوام کی آواز کو نظرانداز کرنا آسان نہیں۔